عنوان الموضوع : ضاقت فيني الدنيا ساعدوني الطبيب يجيب
مقدم من طرف منتديات نساء الجزائر

ضاقت فيني الدنيا ساعدوني



. . السلام عليكم
صباح //مساء //الخير والسرور

حبيت اطرح همي وضيقي اطرح مشكلتي عليكم وطالبه الله وثمن انتم أبي مشورتكم
وأرجو كم بدون تجريح بالكلام

اناه بنت عمري الان 22 سنه
من واناه صغيره واناه أعاني من اهلي معاناه. ورب الكون يأما تمنيت الموت وياما تمنيت انحاش من البيت وسويتها انحشت بس رجعت لهم ماعندي احد
بقولكم كل شي
اناه من صغري احس بفراغ مو طبيعي. احناه بالبيت جيش عددنا11 شخص من غير الأب وآلام ترتيبي اناهـ 9 اكبر مني 8 وأصغر مني 2 اللي أصغر مني بنات. المهم اللي أصغر مني بيني وبين اللي بعدي سنه بس والثانيه سنتين يعني تحت بعض المهم هم يدلعونهم يحبونهم اناه لا لا تقولو محد يكره بنتهم وربي يكرهوني اناه انضرب وهم لا حتى لو هم الغلطانين اناه انضرب أبوي الله يرحمه عذبني عذاب ما يعرفه غير ربي بالعقال بسلك بلي بجزم وانتو بكرامه كان يضربني بسبب وبدون سبب وربي يكونون خواتي يتهاوشون يجئ لي يضربني من غير سبب حتى يوم توفى وربي ماهز فيه شعره
اصلا كنت اشك اني مو بنته المهم ارتحت من ضرب أبوي جئت الأهلي كملو مسيرة أبوي وربي ياجسمي كله علامات الضرب ورب الكون انضرب من غير سبب وأسكت وانثبر وقلت لا امي حرام عليكم اناه بشر خفو علي او اذا اناه مو بنتك سرحوني تسكت وتقول تحملي لك أجرك اجري انضرب ضلم
اوك صرت أتحمل. وبعدها قررت ابتعد عنهم صرت انعزل بروحي غيرت نظام نومي هم ينامون اقعد يقعدون انام. لكن صارت مشكلة
صرت ابغي أتسلا مالقيت قدامي الا النت وصرت مدمنه ودخلت شات وتعرفت ع شاب والآن صار لي معه 9 شهور وأحبه بجنون
ادري حرام وعيب ادري دمرت نفسي. بس هم السبب لكن قررت ابتعد عنه وابتعدت وهو قدر ذا شي وقال زين انك رجعتي لربك خليك قويه واستغفري ربك ولا يهمك اهلك واصبري
لكن البلا احن له لي شهر الان مادخل لا شات ولا البرامج اللي هو فيها تقدم لي واحد الان بس مابي أتزوج خايفه من الرجال
اخاف يضربني مثل أبوي. او مثل اخواني
اخاف وربي اخاف وأخاف ارفض ويذبحوني اهلي لأنهم مقررين وقالو لهم البنت لكم
مدري ويش اسوي ابغي ارجع لشاب اللي أكلمه اول بس حلفت واناه ما اثني حلفي اني ماارجع أعصي ربي. لكني احتاجه هو خفف عني واجد وربي احبه بجنون بس مابي اتزوه و اناه عطيت نفسي وعد ما ارجع لضياع واناه قد وعدي بس تعبت حيل وربي تعبت
أبوي دمرني من صغري وانطق وانذل. وإخواني كملو المسيرة ورب الكون يجئ الواحد يشليني بشعري ويطق راسي بالجدار لاني بس. تكلمت وهو يكلم جوال او يطفي الدخانه بكتفي لاني طقيت ولده يومه كب الشاي علي بالله ذا مو ضلم ترا انحشت ورحت حول ساعه دورت وين اروح مالقيت رجعت والبلا محد فكر فيني ولا همه ويني اناه وربي تعبت وفي كثير مواقف بس تذكرت يومي اترجا أخوي لا يطفي الدخانه بكتفي ماقدرت اسرد الباقي


اسفه كلامي دج بس وربي تعبانه
تكفون ساعدوني

>>>>> ردود الأعضـــــــــــــــــــاء على الموضوع <<<<<
==================================


ربي يعوضك خير حبيبتي ولعل الله يجعلة زوج صالح لك


__________________________________________________ __________

حبيبتي مو كل الرجال مثل بعض يجوز ألي تقدملك أخلاقه عاليه
اسألي عنه وشوفي
أكثري من الدعاء اختي
والله يفرجها عليك


__________________________________________________ __________

الله يفررج همج وييسر أمرج .. ويعوضج خير ياآ رب ..
وزين انج تركتي طريق الحرآم ..
الله يوفقج ,,
وشوفي اللي تقدم لج يمكن يعوضج خير ..
أستخيييري حبيبتي ,
وتفائلي ..


__________________________________________________ __________

الله يفرج همج انشالله نصيحتي لج وافقي اذا خوش انسان يعني يصلي يصوم ماعنده محرمات ولاتخافين الله معكي انشالله


__________________________________________________ __________

ياحياتي ربي اذا احب عبد ابتلاه
والحمدلله صبرتي وربي عوضك بالزوج الصالح ان شاء الله
استخيري ووافقي أذا هلك ماشاوروك ووافقوعليه بس أسكتي يمكن هذا الزوج هو الفرج من ربي لك
خلاص انسي كل شي ادري كلامك قطع قلبي
بس مالك الا الصبر والدعاء
وان شاء الله زوجك يكون حنون وينسبك همومك وحزنك اللي عشتيه كل عمرك
أبدي تجهزي للعرس واشتري واهتمي بنفسك
وان شاء الله تطلعين من بيتكم لبيت عز
الله يوفقك ويسعد قلبك والف مبروك مقدمآ حبيبتي