زوجي وصبغ الاظافر الطبيب يجيب

[aksachli]

عنوان الموضوع : زوجي وصبغ الاظافر الطبيب يجيب
مقدم من طرف منتديات نساء الجزائر

زوجي وصبغ الاظافر

بنات هذه اول مشاركه لي بالموقع وبصراحه عندي مشكله ودي اخذ رايكم فيها لان الصراحه مفتشله اقوله حق اي احد

انا ولله الحمد متزوجه صارلي جم شهر والحمدلله عايشه احلى عيشه مع ريلي اللي مدلعني ومخليني يا دهينه لا تنكتين ريال قايم بكل واجباته معاي مو مقصر معاي بشي

بس فيه مشكله وحده واهي ان يحب يصبغ اظافره

ادري صدمه بس السالفه صارت جذي

اول ما تزوجنا مره كنا بشقتنا كنت قاعد اصبغ اظافري جان يقول عطيني خل اصبغ اظافرج وصبغ اظافر ايدي وريلي وربي حسيت اني ملكه يومها المهم بعد ما صبغهم لي قلت له يالله دوري جان اصبغ اظافر ايده وضحكنا وصورنا

تكرر الوضع اكثر من مره ان يصبغ لي اظافري ودايما يحب اكون متصبغه مره بعد ما صبغ اظافري قلت له لا تحاتي ماني صابغه اظافرك هالمره جان يقول عادي انا اصبغهم وصبغ اظافره جدامي بعدها قالي ان اهو يحب يصبغ اظافره من يوم كان صغير لان يوم كان صغير كانو يصبغون اظافره اهله فكبر واهو بداخله نوع من الحب حق ان يصبغ اظافره

بنات بالبدايه كنت متقبله الموضوع ان على ضحك وبالسر بس بيني وبينه بس بنات خلاص مو قادره وايد تحز بخاطري لما اشوفه صابغ اظافره لا والمصيبه احمر ولا وردي ولا غيره

بنات انا حيل حيل احبه وميته فيه وهذا زوجي بس مضايقني هالموضوع واايد تكفوون ابي نصيحتكم شوي معاه كلمته اكثر من مره يقول مو بايدي لدرجه قام يقول اوكي اصبغهم بس مو جدامج بس عارفه ان هذا مو الحل

ساعدوني تكفوووووون

>>>>> ردود الأعضـــــــــــــــــــاء على الموضوع <<<<<
==================================

سؤال اختي
زوجك بيصلي ؟؟

__________________________________________________ __________

اقنعيه ياحبيبتي قولي يدك بدون صبغ اظافر احسن الرجال زي الطفل اذا ماسايرتية بيعاندك والله يكون بعونك. يااختي

__________________________________________________ __________

صحيح كيف يصلي بتكون طبقه عازله على الظفر وسمعت يعني بعض الرجال عندهم تصرفات انثويه مبالغ فيها مثل الرجال الي يحفون حواجبهم وبعضهم يتاثر اذا انه البيت كله بنات تشوفينه حتى كلامه وجلسته شعره كل شي بناتي

__________________________________________________ __________

كل يوم اسمع طرفة بها القسم
مشكلة بصراحة ما لها حل
لان هذا مش حرام يعنى
ما نقدر نلوم عليه بحجة الدين

__________________________________________________ __________

المشاركة الأصلية كتبت بواسطة ريف الصبا 2011 سؤال اختي زوجك بيصلي ؟؟

وهل أنت تصلين؟

إذا كان الجواب لا.

أسألك هل تعرفين حكم تارك الصلاة ؟
الجواب : تارك الصلاة كافر وإذا مات وهو تارك للصلاة فإنه لا يغسل ولا يصلى عليه ولا يدفن في مقابر المسلمين.

سؤال آخر: زوجك يصبغ أظافرو بعدين شو يعمل، يعني يطلع للناس كذا عادي؟ ولا في البيت فقط؟ هل عنده حركات أخرى تبع بنات ؟ يعني هل تشعرين أنه مخنث ؟

على العموم مجرد القيام بذلك يجعله في صف الرجال المتشبهين بالنساء.

هل تعلمين أنه مجرد التشبه بالجنس الآخر، يعني تشبه الرجل بالمرأة وتشبه المرأة بالرجل، حرام بل هو من الكبائر .


عَنْ ابْنِ عَبَّاسٍ قَالَ:
((لَعَنَ رَسُولُ اللَّهِ صَلَّى اللَّهُ عَلَيْهِ وَسَلَّمَ الْمُتَشَبِّهَاتِ بِالرِّجَالِ مِنْ النِّسَاءِ وَالْمُتَشَبِّهِينَ بِالنِّسَاءِ مِنْ الرِّجَالِ ))

عَنْ ابْنِ عَبَّاسٍ قَالَ:
((لَعَنَ النَّبِيُّ صَلَّى اللَّهُ عَلَيْهِ وَسَلَّمَ الْمُخَنَّثِينَ مِنْ الرِّجَالِ وَالْمُتَرَجِّلَاتِ مِنْ النِّسَاءِ وَقَالَ أَخْرِجُوهُمْ مِنْ بُيُوتِكُمْ قَالَ فَأَخْرَجَ النَّبِيُّ صَلَّى اللَّهُ عَلَيْهِ وَسَلَّمَ فُلَانًا وَأَخْرَجَ عُمَرُ فُلَانًا ))