عنوان الموضوع : افكر انفصل عن خطيبي )' -تم الاجابة
مقدم من طرف منتديات نساء الجزائر

افكر انفصل عن خطيبي )'



السﻻم عليكم ورحمة الله وبركاته

بقولكم مشكلتي الي تععبت افكر فيههآ وارشدوني
انا مملكه وافكر كثير ب اﻻنفصال بسبب المشاكل التافه الي تحصل بين اهلي واهله اصﻻ انا ماادخل مزاجي عرفت اشياء كثيره بعد مماملكت تجبر الواحد يكنسل خطوبته احس شخصيته ضعيف وماله كلمه وانا ابي رجال واحس من هياته مايصلي وشكله مرآهق! واههلي يقولون والله مايستاهلك اﻻ شيخ تعبت افكر وربي مرات اصيح اليوم جالسه مع اهلي تقول لجدتي شكلنا بنطلب الخلع ناس ابد ماهي سنعه حتى زواج اقل حقوقنا ماهي مسويه مصروف مايمشي لها احس تخيلوا طلبته يسوي زواج قال ان شاء الله راح قال ﻻمه وامه ردت علينا مايقدر يسوي زواج وحاله حال اخوانه طيب انا حياتي بتنربط ب حياة اخوانه مثﻻ ! مليت مره اقول خيره لي ومرات اقول ﻻ هم يقدرون ليه مايسون انا حالي من حال باقي البنات والله لو انه كفو ورجال كان تنازلت عن الحفله والله احس ماهوب قد المسؤليه ع فكره ابوي ماسال غير واحد يقرب له ﻻنه صديق ابوي الي يقرب له فوافقت عليه قهرني ابوي والله قهرني
دايما اقول بخاطري كله من عجلة ابوي ومن دعوة امي ﻻنه مرات امي ﻻعصبت علي تدعي تقول الله ﻻيوفقك امي ماتعرف غير الدعاوي الله يحنن قلبها علي حتى اخوي الكبير مومتوفق بدراسته بسبب دعوة امي الله يهديهاصدق يعور قلبها ع حالنا ماتدري من دعاويها افكر كثير بكﻻم الناس ايش حيقولوا نظرة صحباتي يوم كانوا فرحانين لي احس بضيقه مكتومه يارب رحمتك محتاره ب الحيل اﻻ خﻻص طابت نفسي ابي اكنسلها
بس اخاف الناس تتكلم علي ﻻني قبل انا رفضت واحد بعد ماوفقت عليه ومابقى غير العقد وكنسلت اخاف يقولون لعابه ذي وكمان احاتي المهر ماصرفت منه غير 16 تقريبا طيب لوصدق بكنسل الخطوبه ارجع له الشبكه كمان ؟ شوروا
مع الناس عارفين اهل خطيبي وسماجتهم وقلة سنعهم

من اتذكر المعلمات وفرحتهم وسوؤالهم متى زواجك متى وفرحة البنات وهم يقولوا راح نجيك ونرقص ابكي قهر ومن اذكر الي يقولون ي حظك انقهر واقول كله بسببها ماكلتني اكل تشبع فيه ماتهنيت بس الحمدلله ع كل حال

ايش ب الضبط حسوي خايفه من ردة فعل ابوي قهرني بعجلته يارب تكتب الي فيه خير وترشدني ب الصواب انا قلت ﻻمي قولي لهم لومايسو زواج راح اكنسل كل شيء سكتونا بقول ان شاءالله وللحين ماردوا يارب لوخخيره لي تكتبه لي وتيسر امري وان شرا لي تصرفه عني وتصرفني عنه وتعوضني خيرا منه ب القريب العاجل

>>>>> ردود الأعضـــــــــــــــــــاء على الموضوع <<<<<
==================================


لاحول ولا قوة الا با الله
الله يهديك ي رب
سبحان الله وبحمدة سبحان الله العظيم ..


__________________________________________________ __________

ياحياتي انتي استخيري الله كثيييير بعد كل صلاة

وبالله عليك تحطي منبه في جوالك تقومي الليل وتسالي الله وتطلبي مساعدته هو أدرأ فيك من العباد

وصدقيني اذا خير لك بتتسهل حتى فكر امه يتغير
واذا شر فجاءه تلقين أمور الانفصال تمت

بس كوني مع الله ومن توكل على الله فهو حسبه احسني الظن برب العباد ربك ورب خطيبك ورب امه ورب الكون كله هو اعلم بكم

الله يسعدك ادعيلي معاك باان ربي يسهل لي الوظيفه ويعلق زوجي فيني


__________________________________________________ __________

مع الاستغفار والاستخاره ببتغير حالك وحال البيت كله تدرين ليه

اقري عن فوائد الاستغفار والمواقف اللي صارت مع الناس


__________________________________________________ __________

يأعمري حاسة فيك والله

إذا منتي مرتاحة لشخصيته وللرجل بنفسه كيف بتتحملين باقي الشروط اللي هم حاطينها ؟!!
الوحدة فينا إذا تقدم لها رجال كفؤ وينشد فيه الظهر لكن عيبه ظروفه أو مادياته ممكن أنها تتجاوز وتتنازل عن كثير أمور
لكن واحد مثل هذا سوره مع أمه والله صعب ياقلبي
أسفة إذا ضائقك كلامي بس فعلا هذا اللي لازم ينقال
وبعدين تعالي فهميني وش دخل فرحة صديقاتك والمعلمات والناس !!!
يعني الواحد ماتصيبه ظروف أو نصيب انه يكنسل خطوبته ؟؟
لين متى همك في. كلام الناس ؟؟؟ هذا زواج يعني انتي واللي يقولك عليه عقلك ماهو قلبك

ثاني شغلة بخصوص الحفلة ليه مب راضين يسوون ؟؟
الحين حتى المطلقة اللي بتتزوج زواج ثاني يسوون لها حفلة ويفرحون قلبها
مب معناته أنها فرحت أول مرة يعني ماتفرح مرة ثانية
طيب انتي وش حيثك يالبكر وهدا أول زواج ؟؟

استخيري يا قلبي الاستخارة ثم الاستخارة ثم الاستخارة
وماعليك من كلام أمك ؤلا أبوك ولا أهله حتى
بالنسبة لسؤالك إيه ضروري ترجعين له الشبكة بس باقي الفلوس مدري إذا مسامحينكم فيها ؤلا لازم ترجعونها

الواحد يشتري راحه باله
دامك منتي مرتاحة من الحين بكرا إذا تزوجتي سورك وطلعاتك وجياتك بيد أمه
أن قلتي بغيت السي الفلاني بتقول حالك حال سلايفك ولدي مايقدر مثل إخوانه

أبدا مو قاعدة أكبر رأسك عليه لكن هذا كلام العقل وفي النهاية القرار لك
موفقة


__________________________________________________ __________

مدام ذي بدايتها اكيد نهايتها أليمه،، من رايي والله اعلم تفسخي العقد.