عنوان الموضوع : مشكلتي .......*♡♥
مقدم من طرف منتديات نساء الجزائر

مشكلتي .......*♡♥



السلام عليكم ورحمة الله وبركاته
كيف حالكم ان شاء الله بخير
طبعا هذي فضفضه أكثر من مشكله
أنا يا بنات من صغري لليوم وأنا اعاني الوحده
ابي افهم وش فيني عشان غيري يستحقرني ويطنشني
بقولكم موقفين جديدين صايرين لي بس ما هم أول موقفين وﻻ ظني اخر موقفين
قبل اسبوع كنت رايحه عرس ولد خالتي ابي انفه عن نفسي من ذا الوحده وبالمرة تتغير النفسيه
و ليتني جالسه بالبيت ابرك لي
بنات خاﻻتي اجتمعوا ونادوا بعضهم وﻻ وحده فكرت تكلمني
وﻻ تسأل عن حالي على ان من زمان ما شفتهم احترق قلبي وأنا اشوفهم سوالف ضحك وأنا مالي بسوالفهم
هم تمكنوا من قهري وﻻ الومهم أمي دايم تهيني وتدوس بكرامتي قدامهم و مرة كنت تقربت مع وحده من بنات خاﻻتي لأنها ماكانت على علاقه قويه وياهم المهم صارت مشكله بين وحده من خاﻻتي وبنت خالتي هذي جت خالتي دقت على أمي وربي سوت فتنه بيني وبين بنت خالتي هزت العيله كلها وانقهرت أكثر ان بنت خالتي هذي وياهم
تخيلوا بداخلي ابي اروح لهم بس من برا صعبه ﻻنهم رسميين معاي كثير ويمكن سطحيين بعد
شوفوا الموقف الثاني
قبل أمس كنت رايحه بيت أهل أمي ﻻن من بدت العطله ﻻ رحت وﻻ جيت
المهم ع العشاء طلبوا خاﻻتي من المطعم
لما جاء العشاء والكل اخذ وجبته سالت أمي وين وجبتي قالت أصلا ما حسبتك معنا وربي حسيت اني فعلا شئ زايد بينهم وانقهرت أكثر وأنا اشوف خالتي تقول لبنتها شبعتي وﻻ اجيب لك للعلم بنت خالتي أكبر مني بشهور
بس جدتي الله ﻻ يحرمني منها اعطتني من اكلها شوي أنا تظاهرت اني مابي عشان اﻻم سني ﻻن فعلا سني وجعان مرة استنى اتزوج عشان اصلحه مصروفي زين يدفني وأمي عيت تهتم بي المهم تخيلوا بعد العشاء لما باقي من بقايا اﻻكل على السفرة مرمي قالت لي كليه قسم بالله
أنا قلت ما بي شبعانه كان ترد ترى عادي مافيه شئ أنا وربي حابسه دموعي وبغصه بس ماسكه الجوال اشغل نفسي باي شئ ﻻ ابكي
أخذت مشروب منهم بالخفيه وﻻ اشعر بالندم يحق لي
مدري وش كان بيصير لي لو ماجت اختي الوهميه تواسيني وتخفف عني
واليوم خالتي حطت الصور العشاء باﻻنستقرام
والله ما سويت لها ﻻيك
بس انقهرت تخيلوا من قبل ما أبلغ احاول اكسبهم ما انكسبوا تخيلوا لدرجه تكون لهم عزايم كامله من حسابي كلها بس ماكو فايده يزيدون بغظ ما يكرهوني بس ما يعطوني اهتمام وﻻ أحد حسيت باهتمامه اتجاهي غير خواتي الوهميات
أنا يا بنات وربي ما احمل بقلبي شئ لو احمل أو بقلبي سواد عذرتهم بس تعبت من جيت مع أحد كاني شئ زايد مدري عشاني طيبه بزود أنا عمري ماتمنيت ﻻحد اﻻ كل خير واخلاقي الحمد لله عاليه بس هالناس شكلها ما تستاهل

>>>>> ردود الأعضـــــــــــــــــــاء على الموضوع <<<<<
==================================


آهليـن خيتـوو
كل الي عليكك سويتيه .. آنتي بسـ زوريهم من فترة لفترة ولا تطولي بالزيارة ، بس عشآن ما تقطعي صلة الرحم بيهِم
وعلى الزوآجآت مو لازم تروحي فليهآّ انتي وصحباتكك تكلميهم او تزوريهم
مو شرط تكوني اجتماعية مع ناس تكرهـك
فليهآّ بدري على الهـم
ودايـم كرري اللهم لا تجعل الدنيا أكبر همنـا

^___^


__________________________________________________ __________

طنشيهم وخليكي قويه وعندك شخصيه ولا تطيحي وجهك عند اي كان .. بس وش سالفه الخوات الوهميات انتي كم عمرك !؟


__________________________________________________ __________

لا حول ولاقوة الا بالله

قلبي انتي سويتي الي عليكي وانتي كمان مو شايله عليهم دا اهم شي وزي ماقالتلك الاخت الي قبلي انتي لا تستمري بالزيارة كثير يعني روحي من فترة لفترة علشان صله الرحم واذا اطريتي ورحتي زواجات ولقيتيهم عاتي اكبر طناش طنشيهم ولا كانك تعرفيهم. بس سؤال كمان اهل ابوكي بيعاملوكي زي كذا ولا بس اهل امك؟؟
لو كان بس اهل امك انتي عندك يصير اهل ابوكي روحيلهم واقعدي معاهم وفضفضيلهم وحتى في الزواجات لمن تروحي اذا قدرتي تشيليهم شيليهم معاكي علشان تضيع الطفش..

ويا قلبي اذا انتي كنتي مضايقه او فيكي ايش اعتبريني اختك وفضفضيلي و ان شاء الله نكون اكثر من صحبااات..
اذا حبيتي تصاحبيني راسليني ع الخاص..
وانتي ادعي ربك انو يصبرك ويرزقك ولد الحلال وتزوجي وترتاحي واستغفري كثير وقولي دا يما اللهم اجعل كل همي الاخرة ^^


__________________________________________________ __________

شوفي عزيزتي احنا قبل نجي على الدنيا كنا ببطون امهاتنا لوحدنا
واحيان الوحدة راحه لنا
وزي ماقالت الاخت زوري اقاربك وخففي الزيارة يعني سلمي عليهم وروحي
لبيتكم .. والله حالتك صعبة بس لاتعطي احد وجهه
واذا تكررت هالحركات ذي معاك كلمي احد من صديقاتك وسولفي معاها واضحكي
بس لاتخلينهم يشكون انك مكسورة من الداخل
واي شئ حابه تحكية لي تري الخاص مفتوح


__________________________________________________ __________

حسبي الله ونعم الوكيل

دايما ادعي في صلاة الليل ان الله يهدي امك ويصلحها

وماحبيت ادخل بدون ماارد عليك