عنوان الموضوع : موقفي الغريبب مع الاستاده !
مقدم من طرف منتديات نساء الجزائر

موقفي الغريبب مع الاستاده !



السلام عليكم ورحمة الله

انا صار ليا موقف قدييييييم (وصار شي دكرني فيها وعلى طول نط عليا الموقف الي صار) مع الاستاذه حقت العربي وانا والله ماكان قصدي اجرحها او افشلها ولا اي حاجه بس احسها زعلت منييييي مرة وماصارت تعطيني وجه ولاتناظرني وللمعلوميه كمان انا مرة خجوله وما اعرف كيف اعتدر غير كلمة اسفه ما اعرف ابرر لها موقفي وحتى لو كدا مستحيل بس راح اقولكم هنا عشان تفهموني

يابنات انا شخصيتي اول شي مرررررة كتومة وشخصيتي ضعيفة بسبب امي دايما تضربني او تعصب فيني لاتفه الاسباب واحيانا تحكي خالتي عننا ومن دا الكلام < بس عشان تفهمون

دحين نجي للقصه داك اليوم كنا ناخد درس جديد وشويا صعب وكل متال وراه على طول نحل تمرين عشان نفهم المهم في البداية كنت ماشية كويس مرة معاها وبعدين كدا ما ادري ايش فيني شطحت بعييييد وصرت افكر بالي صار في اليوم الي قبلوا (كنت مقهورة من امي وكارهتها من اعماق قلبي ومخنوقة يعني لاسمح الله ادا احد حتى ضربني بالخفيف يمكن اصيح من الكبت الي فيني احسني خلاص مو قادرة ومن جد شطحت) المهم فجأه كدا سمعت اسمي على صوت الاستادة قلت يمكن يتوهم عليا بس شفتها تطالع فيني فقمت على طول قامت اشرتلي بمعني تعالي على السبورة وقمت ورحت وانا خايفة ومو مستوعبة مدري كيف اشرحلكم هيا بس حسيت يعني لسا عقلي مو معايا شي زي كدا وجالسه احاول اقرا السؤال وماعرفت اجابتوا والبنات ديك الوقت جالسين يغشوني بصوت خفيف يعني. وانا مو حولهم جات الاستادة طالعت فيني بمعني ايش فيكي (لاني شاطرة معاها واشارك كتير) وكمان قالتها بصوت عالي اشبك؟ انا انقهرت بس سكت وما ادري حست فيني ولا ايش المهم رجعتني طبعا اول مارجعت حالي أمتلى ومقهورة يعني الاستاده زادت الطين بله فوق ما انا شايله هم امي وكنت احاول ما اخلي الاستادة تطالع في عيوني لكنها للاسسسسف طالعت وبحلقت واستغربت وجات لما عندي ومسكتني من كتفي وقالتلي اشبك؟ انا هناااااا وربي كبيت عفشي وجلست ابككككككي البنات كلهم استغربوا يعني على ايش بالله؟ المهم جات الاستادة مسكت يدي وتقولي تعالي (على اساس نخرج برا الفصل عشان تفهم ايش الحاصل لاني ماكنت طبيعيه ابببدا داك اليوم) لكني رفضضضضضت حتى كنت اسحب يدي منها عاد هيا شكلها انحرجت وتفشلت من البنات وخرجت. يعني تحاول فيني وانا ارفض مدري المهم وجو البنات عليا وايش فيكي والي تستهبل والي تنكت يبغوني انسى والي تقول حرام ليش سويتي كدا للاستادة والي تقول ايش الحس(حساسه) الزايد. المهم لما ضحكوني كدا شويا وكان في شوية مجامله لهم لانه مستحيل اقولهم على امي لو ايش يصير ما ابا اشوه على نفسي واني ضعيفة شخصية مهما يكون المهم دخلت الاستادة وكان وجهها مقلوب. انا صح جاني تأنيب ضمير بس والله مو قصصصصدي وديك الساعه مدري كيف اتصرف واطالعها ولالأ؟ عشان لو طالعتها يمكن تقول قوية عين هادي تفشلني بعدين تطالعني ومعرف ايش المهم انا حاولت اهتم بالدرس وماشاركت في هادي الحصة ابدا
من الحصة الي بعدها كنت ناسيه الموضوع شويه ولما جيت اشارك (طبعا كنا مجموعات واكتر مجموعه تشارك تسجل لهم 5 درجات شي زي كدا. يعني كان صوتنا لما عند الادارة زي مايقولوا بعض الاستادات) المهم جات طالعت فيني نضرة والله لما دحين مانسيتها كدا نضرة عميييييقه مافهمت ايش قصدها وجاني شعور غريب ومدري ليه حسيت اني رحمتها وبنفس الوقت احسني ضعفت وخايفة ومن بعدها صرت لما اشارك ارفع يدي من غير ما اطالع فيها مع انها ماتقومني كتييير يعني نادرا وتنعد بالاصابع وحتى ان قومتني ماتطالع فيني هيا كمان (صحبتي قالتلي). وكمان ماصارت تطالعني ولاشي حتى بالفسحه او عليها مناوبه ماتعتبر ليا اي وجود وربي احيانا انقههههههر بس والله كدا خرجت مني مو عن قصد بس مستحييييييل اقولها لانه طبيعي بتسأل ليش وايش فيه؟؟؟
المهم ولين صرت بالتنوية (طبعا الموقف بتالت متوسط/ حتى بيوم التخرج ولما كان دوري صدفه كدا طاحت عيني فيها بدون قصد لقيتها تطالعني نضرة مطوله فيها يعني مو عميقة زي الي قبل ديك نضرة والله مدري كيف لكن هادي زي كأنها تطلع على ملامحي شي كددا بس) المهم بالتنوي كنا نفس المدرسه بس اللهم اننا بالدور التالت والمتوسط التاني.. صار ليا فتتتتترة ماشفتها ومرة كان عندنا حصة الاستادة حقها غايبه فكنا نستهبل ونفلها عاد انا وشلتنا طحنا على المكياج ودا وكل وحدا تزبط نفسها وشعرها وبعد ماخلصنا قلنا ننزل نشتري أكل أو عصير اي شي ونسأل استادة المقصف عن كيف صايرين يعني هههه؟ عادي في بيننا كلام.. المهم واحنا نازلين سبححححان الله كدا شفت الاستادة حقت العربي حقت المتوسط جات من احنا الاربعه مسكتني انا ومسكتها كأنه حق قهر (يعني ماسكة البلوزة من جهة صدري وساحبتها )وقالت ايش الخرابيط الي عاملتوا دا؟ بسرعه روحي على مكتبي وخدي (نسيت اسموا) ومسحي وجهك ولا اشوفو مرة تانيه. بصراحه ديك الساعه مدري ليه حسيت بشيء تجاهها شي غريب ومختلططط واني غلطت في حقها بس كل ما اتدكر حق الي صار مع امي اقول معايا حق واطنش. وطبعا صار ليا كدا موقف بعدين بس حبيت افهمكم يعني كيف صارت معايا وانا دحين متخرجه من التنوي خلااااص ماليا رجعه وبصراحه قبل فترة صحباتي يتكلموا عن بنتها انها تزوجت وماشاء الله خلفت ومدري ايش انا على طول جا على بالي الاستادة نفسها ومدري ايش شعورها دحين ليا؟ مع اني احسها نسيتني بس ادا شافتني راح تدكرني؟ وراح تدكر الحركة الي سويتها ولاكيف؟ اخاف انها شايله عليا بس والله ماكنت مقصودة او اني ابشفلها واحرجها والي صار لها ضروف متلي وشخصيتها كمان قريبه مني راح تفهم شعوري انا زي ماقلت انا مرة خجوله وحساسه مرة في المتوسط لكن بالتنوي تعلمت شويا وصرت اتحمل والحمدلله ما صارت امي تضربني كتير بس لازال تحطيماتها وعصبيتها لما دحين وحتى شخصيتي احسها شويا ضعيفة والله المستعان من جد

اسسفه والله ادا طولت عليكم بس من جد من جد شايله همها ولو اني كنت ناسيتها بس مدري ليه كدا فجأه تدكرتها؟ احس في شيء بقلبي.. وشكرا لكممممممممم

>>>>> ردود الأعضـــــــــــــــــــاء على الموضوع <<<<<
==================================


شكلك حساسه وماتنسين المواقف
بقولك ترين الاشياء اللي نجلس نتذكرها محد يتذكرها غيرنا
وبعدين هي لو عرفتك وضعك مع امك اكيد كان تعاطفت معك
انا بصراحه كنت كذذا مع امي وياما سرحت ايام الاختبارات
الله يسامح امهاتنا ويغفر لهم


__________________________________________________ __________

العفووو ياا بطه ,, ما تااخدي على باالك عاااتي ^_^


__________________________________________________ __________

متفهمه شعوورك ي قلبي ،،

بس كنتي ع الاقل م خذلتيها وخرجتي معاها ومو شرط تحكي لها سالفتكك بس قوليلها عندي ضغووط

ع العمووم حياتي ، الي صار صار ولا بيدنا ترجع الماضي ونعدله وكل بني ءادم خطاء ي عزيزتي

وانسي السالفه ،، تلقين استاذتك متلهيه ف دروسها وشرحها الحين ومن هذا الكلام

اما عن شخصيتككي حياتي لاتيأسي ولاتسستغفلي هذا الشي تراه بينفعك انتي !.. انتي وبسس ي غلاتي

ثقفي نفسسسكك وثقي بنفسك ،، يعني يعتبر الحين شي ممتاز انك تعديتي الحساسيه شوي !

خلكك على دربك ومسيرتك لاتخلين احد يعركل عليك ويوفقك ويهدمكك .. خلي روحكك قوي ورياضيهه

أساسا صياغتكك للموضوع وتسلسلك جدا جميل حتى شرحك كثييير عجبني ماشاء الله ))

> تنفعين كآتبةة روايات وقسسم < أعجبككك صح ؟ هههههه

ربي يوفقكك ي قلبي ويسعدك وينور بصيرتكك يارب ويحقق أمانيكك

دعوآتكك لي ي عسسوله ربي يحقق الي ببالي وينجحححني ه السنه واجيب نسسبة حلوة :""


__________________________________________________ __________

زين خلاص صار الي صار

ما عليك انسسي امسحيها من مخك

مموفقه


__________________________________________________ __________

انتي شايله هم الابله ولا هم امك يابنتي حرام عليك تتكلمي ف امك كدا دي جنتك وبعدين اي حساسيه لو كانت الابله دي امك كان زعلتي وقلتي ليه تكلمني بصوت عالي ولي تسحبني وايش فيها تناظرني كذا واذا بخاطرك اعتذار روحي اعتذري لامك هي اولي من هالابله الله يهديك