عنوان الموضوع : مشكلتي مع زوجي مجابة
مقدم من طرف منتديات نساء الجزائر

مشكلتي مع زوجي



السلام عليكم ورحمة الله وبركاته

لو سمحتو يا اخواتي انا اعاني من مشكلة واتمنى انكم تساعدوني
وهي مشكلتي مع زوجي ، اول شيء موضوع الانجاب ماجلينه
اثنينا متفقين على ذا الي وحنا نوعا ما متفاهمين ، زوجي كريم وطيب وحنون ولله الحمد

بس المشكلة مو هنا المشكلة ان اهو يشتغل وراتبه ضعيف
وهو هذي التعسيله مدري الشيشة اللي هي زي المدمن عليها دايم يبي يشربها
حلفته ودعيت عليه اذا مايتركها وقلت له ما راح اعطيك حقوقك وخاف وتركها
بس كل يوم يقول لي ابي تعسيله كل يوم يترجاني لدرجة يقول لي ابوس يدك ابوس رجولك
حسيته مدمن عليها بقوة .

الشي الثاني ان يجي من العمل يتغذا وينام ويقعد مع صلاة المغرب يروح المسجد يصلي
بعد مايخلص صلاة مايرجع البيت لا يروح يطلع يقعد مع الشباب يروح يتمشى حتى لو بس بالسيارة اهم شيء مايقعد بالبيت واذا قلت له بطلع او اقعد معاي بالبيت امل بروحي يقول لي انتي تبي تحبسيني بالبيت ومايجي الا الساعة 12 الليل او 1 هو صح يقول لي وين بروح ووين بجي ويكلمني واتساب بس هذل مايكفي انا ابيه يقعد معايا ويطلعني ونضحك ونفرفش حتى بالواتساب بس يكلمني نتهاوش على طلعاته اللي مال امها داعي

نجي للفراش لما يجي الساعة 12 او 1 اوقات يجي 11 حسب الوقت اللي يجيه ويشوفني قاعدة يقول لي يلا قومي ننام واقوم معاهـ وبس نقعد ع آلسرير يفهي وينآم حتى مايقول تصبحي على خير ، بس اذا يبي حقوقة مستعد يسهر للصباح ويروح العمل مواصل
اهم شي راحته بس اذا انا اللي ابي يقول لي نامي طيب وانا ولا حلال عليه حرام عليا

نرجع للتعسيله يهاوشني عليها حتى يقول لي بفك وخلينا نترك بعض عشان هالتعسيله

>>>>> ردود الأعضـــــــــــــــــــاء على الموضوع <<<<<
==================================


الله يفرج همومكم ويصلح احوالكم


__________________________________________________ __________

عزيزتي تقولين طيب حنون وكريم أمانه هالصفات الطيبه ما تشفع له عندك
يا عمري لا تخربين بيتك على مواضيع يبي لها صبر وطولة بال وأسلوب
بالنسبة لموضوع روحته والسهرمع الشباب عادي ياقلبي حاولي تتعودين
تشغلين الوقت اللي ماكان معاك بشي غير التفكير فيه روحي لبيت اهلك اهتمي
في بشرتك حاولي تتابعيين برامج تفيدك عشان ما تحسين بالوقت طويل وانتي
تنتظرينه وعشان الوقت يمر وماتحسين فيه وبالنسبة لطلعتك معه حددي يوم
معاه أو يومين مثل الأربعاء.والخميس قولي له مالي شغل هاليومين نطلع وتمشى
نروح البحر المجمعات المهم ابي اطلع معاك حبيي والمهم بأسلوب وحركات لين
يوافق ويتعود ان هاليومين يطلع معاك
وبالنسبة لشيشه ياقلبي والله اذا هو متعود عليها صعب يتركها بسهوله بعضهم
الشيشه عنده مزاج وتريحه وصارت عاده وتعود عليها يبي لك. صبر مؤ تجينه
بأسلوب التهديد والزعل و ماراح اعطيك حقوقك الزوجيه
ومادري شنو غلط حبيبتي هالاسلوب
غلط هو مؤ جاهل عشان يخاف من هالاسلوب كلميه بأسلوب والله خايفه على صحتك
وياقلبي هالشيشه ضرر عليك وادعي ربك انه يتركها حبيبتي كل شي بالنقاش
والهدوء ينحل نصيحه لأتكثرين حنه عليه ترى بمل منك ومن هالطبع
والله يستر عليكم


__________________________________________________ __________

يمكن بس يصير عندكم اطفال يتغير
ربي يسخره لك


__________________________________________________ __________

الله يعينك


__________________________________________________ __________

مافي وحدة تحب زوجها يشيش أكيد انتي خايفة على صحتو لكن
ضيعتي على نفسك جلسة زوجك
ادا هو مدمن ماتفرضي عليه يتركها
اﻹقلاع عن اﻹدمان ماهو بالقوة واﻹجبار
بالقناعة الداخلية
هو مش مقتنع؟ أجل مارح يتركها حتى لو عشانك
ياستي جهزيلو جلسة حلوة وزبطي مكان الشيشة والبسي أحلى لبس
ترى الشيشة مزاج وكيف ادا خرب مزاجه حيخرب عليكي
دامك اتزوجتيه وانتي على علم اصبري وأوقفي معاه لين يتعالج
وعلى فكرة خرجاته باين انه يشيش برا مع أصحابه والجلسة حلوة وباسطته
رديه للبيت وأعطيه فرصة يشيش في بيته علشان لايدور عليها برا
دامها وصلت انه يطلب الإنفصال عشانها اتأكدي إنه مدمن
وتاني شي هدا في صالحك
لما تشوفيه مكيف ورايق فاتحيه بموضوع الفراش ولاتخبي في نفسك وتكتمي
قوليله انك مش مرتاحة
احتمال قاصد يحرمك ﻷنك حرمتيه يمكن يتعدل لما تعطيه حريته
مانتي مستفيدة منعتيه سواها برا
ولو منعتيه من الفراش علشانها
راح ياخد الإتنين من برا
ادعيلو وانصحيه وأوقفي جنبو ولاتمنعيه
الله يهديه ويصلحو ويرده لك.