عنوان الموضوع : ابي حل يريحني الطبيب يجيب
مقدم من طرف منتديات نساء الجزائر

ابي حل يريحني



السلام عليكم انا بقولكم مشكلتي من البدايه انا عمري 25 سنه ،، انا قبل اربع سنوات اتزوجت بس زوجي واحنا بشهر العسل عمل حادث وتوفى الله يرحمه يارب ،، انعزلت انعزال تام عن الناس نضراتهم لي ويقولون لي انو من عيوني مات وهالكلام من اقرب الناس لي من امي وابوي ،، بمساعده من نفسي حاولت وكملت دراستي رغم نفسيتي الزفت. قبل كذا ثلاث سنوات بعت ذهبي واشتريت لابتوب عشان دراستي واسوي البحوث . انفتح معاي موقع زواج صدفه . دخلت بالموقع مو قصدي زواج وربي صدفه . وكانت تجيني مسجات كثير بس كلها اطنش . كان في واحد يرسل لي . وارسلت له لانو كان يرسل لي بشكل متكرر ويقولي تكفين ردي ومن هالكلام . وصار يقول لي انو صادق ضلينا يمكن سنه بالموقع بينا رسائل وبعد السنه صار يكلمني جوال. طبعا هالشخص عمره 40 متزوج حرمتين . انا ماانكر كان قريب مني حيل ويهتم فيني وبذات اني فاقده الامان ولاانكر انو ارتحت له واغليته . وقال انو بيتزوجني بالبدايه اترددت وبعدين قلت له انا موافقه . جا لاهلي وطلبني منه طبعا اهلي متشددين بس قلنا له انو اخته شافتني بالجامعه واهلي ترددو لانه متزوج مرتين ولو وافقت انا بكون الثالثه ،، صح انو الحمدلله وماشاء الله ربي معطيني كل شي وبعدها توظفت الحمدلله بس اهلي ناشبوني ع راتبي وهم ماعليهم قل شي وكنت اعطي ابوي بس ماكان يعجبه يبي راتبي كله ،، فكرت اوافق ع المتزوج ، واتصل به ابوي وقاله البنت موافقه ، وصار كل شي وتزوجنا ،، بس الحين ندمانه انو اتزوجت شخص متزوج مرتين وانا الثالثه لاتلوموني وتقولون انا غلطانه صح انا صغيره بس انا ارمله وكل الناس تناظر لي نظره انو ارمله مع العلم انا ارمله بس بنت ، اشوف كل خواتي وصديقاتي واقول ليش انا انحرمت من كل شي صح هذي قدرت ربي والحمدلله على كل حال ، اللي اتزوجته همه بس رغبته الجنسيه مايهتم فيني بعد الزواج والان هو بديره وانا بديره ثانيه واغلب مسجاتنا وصلت لسب وعدم الاحترام ،، طلبته يطلقني بس رافض ،، ولاني عارفه وش اسوي انا مابي اطلق وارجع لابوي والناس يعيرون فيني ،، واكثر من هذا اكتشفت انه يخون مع بنات بالجوال ومسجات حب ،، انصدمت اكثر ،، انا كل اللي ابيه انسان يفهمني يحسسني بالامان يهتم لمشاعري قبل رغباته بس مالقيت ونفسيتي تعباااااااااااااااااااااانه احس كرهت كل شي حتى زوجي كرهته وصايره بس اسبه والان لي شهر انا بيت اهلي وافكر الغي رقمي ولاعاد ارسل له ولاعاد اشوفه متصل بالواتس اللي مقابله اربعه وعشرين ساعه وفوق كل هذا حتى زوجي صاير يقولي بخيله عشاني مااعطيه من راتبي وهو لو كان زوجي لحالي ممكن اعطيه بس هو متزوج غيري ثنتين ليش تعبي بيروح للغير ويقولي مغروره وشايفه نفسي ،،،،ساعدووني

>>>>> ردود الأعضـــــــــــــــــــاء على الموضوع <<<<<
==================================


ياختي الله يكون بعونك حبيبتي بس فهمت من كلامك ان زوجك من نوع المزواج ويحب الحريم بس عشان رغبته الجنسيه فقط فما ان يكون زوج فهذا مستحيل اعرف رجال من هاالنوع كثير


__________________________________________________ __________

مابعرف اختى كيف انصحك والله .. الله يعينك .. بس انتى تسرعتي لما وافقتي تتزوجيه وانتى التالتة
بدعليك من كل قلبي ربنا يفرج عليكي همك وكربك .. ويسعدك ويهنيكي معه او غيره .. الله يعوضك على مافاتك


__________________________________________________ __________

هع يقول مغروره وشايفه نفسك؟!!

طالعي فيه وقولي اكيد مغروره وشايفه نفسك كل الزين فيني
ماعليك ولدي في نفسه ونفسك ونفس هلك مدى الثقه والحب لنفسك
ان ماحبيتي نفسك محد راح يحبك ابدا..
خليك مستقله عاطفيا

المهم


اختي... اول شي الحمد لله رب العالمين معك راتبك ... تمسكي فيه ولاتعطينه ريال واحد
تمسكي فيه بيديك ورجولك ... هم مو محتاج دامه مع ثلاث حريم

وبالنسبه خيانه والخ... انا اشوف ياختي ليش تهتمين يخون بالطقاق الي يطقه ياشيخه
ليش تعبين نفسك هو متزوج قبلك ثنتين وان خان يعني بتغيرين فيه شي اتريه لربك العالم بكل شي

انا اقولك زوجك الحقيقي هم ابناءك يااختي باذن الله لما يرزقك ربي ابناء خليهم كل دنيتك
والرجل مجرد شريك اكيد بيتزوج علشان حاجته الجنسيه انتي قومي بما يرضي الله والتفتي لنفسك

اعيدي نفسك من جديد
الان دامك ببيت اهلك ... ابيك هالاوقات تذكرين الله وتستغفرين وتصلين القيام وتدعينه ليل نهار

وعلى الي يعايرونك ارمله والخ.. سبحان الله ردي عليهم ليش ساكته اضحكي والتفتي قولي
سبحان الله الله يرحم حالكم متاكدين انكم مسلمين ((ويقضي الله امرا كان مفعولا))
وقولي من احبه الله ابتلاء ورفعه لي بالدنيا والاخره وانا من احبابه الحمد لله
وان اول من تزاحم الرسول صلى الله عليه وسلم على الباب الجنه ارمله علشان كذا تعايروني بشي ربي كاتبه
باذن الله تشوفونه بانفسكم وانصحكم تنشغلون بانفسكم عني يمكن القبر لكم قريب
ردي ... ابتسمي راح يبلعون لسانهم ولاتعزلين نفسك ابدا هذا يدل على ضعفك ((لكن ابوك وامك انتبهي غصب تبرين فيهم اسكتي)) اما غيرهم لا
لاتسمحي لاي احد يمشي عليك

غيري نفسيتك..وان جاء زوجك قولي مارجع لك الا بشروط
وبحضور اهلك او احد اعمامك او اخوالك من تثقين به شهود
لو تبصمينه مافي اي مشكله

1- الراتب ماله دخل فيه ابدا ووظيفتك ماله دخل فيها ابدا
2- يعطيك نفقه شهريه وانتي حددي
3-لايلمسك ولا يضربك ولا يتلفظ عليك ((طبعا غير العلاقه))
4- يقوم فيك وبامورك وبامور عيالك هو ونفقتهم
5- البيت الي ساكنه فيه يسجله باسمك <<< وش فيها انتي خليك غاليه وناضري فيه بثقه واطلبي من حقكك تامنين مستقبلك وعيالك الي هم امانك وازوجك وحياتك باذن الله هذا اذا ماكان ايجار (هذا الشرط اخليه لنفسك انتي تقررينه)

واكثري من الدعاء واستخيري الله قبل..وماعليك منه جاء ماجاء بكيفه معك وظيفتك حياتك كوني جارات اصدقاء والخ

الله يسهل امرك


__________________________________________________ __________

تسرعتي لما وافقتي تتزوجيه


__________________________________________________ __________

الله يعينك ويكتب لك اللي فيه الخير
أنتي باقي صغيره وأحسبي ألف حساب
قبل تحملين منه