عنوان الموضوع : غيرة خطيبي(زوجي) الجنونيه -تم الاجابة
مقدم من طرف منتديات نساء الجزائر

غيرة خطيبي(زوجي) الجنونيه



هلااا

اتمنى اني احصل عندكم الاستشاره اللي تفيدني ,,

اعرفكم علي قبل انا عمري 19 وزوجي عمره 25 يكون ولد عمي تملكنا من 5 شهور انا الحمدلله جميله جدا ودلووعه مو مدح بنفسي لكن هذا الحق وكلام الكل عني, عندي اخ واحد فقط عمره 12 واحبببه حييييلل وعلاقتي فيه مررا كبيره لان هو اخوي الوحيد مالي ونيس غيره ..

مشكلتي هي غيرة زوجي الجنونيه علي , يغار بشكل مو طبيعي ابدا .
يغار من كل شي حولي حتى من اخووي يغار لاني احبه وعلاقتي فيه مررا لدرجة يقولي من تحبي اكثر انا ولا اخوك وامك وابوك قلتله كلكم احبكم وما يعجبه الكلام ويسكت

يغار علي من اولاد خوالي واعمامي يقولي لا تكلمينهم ولا حتى تسلمي ولا تجلسين بمكان هم فيه ,, ونحن ف العايله عادي نجتمع كلنا ونجلس سوا ونسولف بس بوجود الكل طبعا وبحدود ونتحجب بس ما نغطي وجهنا يعني نلبس جلابيه او تنوره وقميص ونتحجب ..

الحين لا تنوره ما تلبسي اذا كان عزيمه ووسعي جلابياتك شوي والحجاب لا تلفيه كله ويغطي بس راسك وباقي جسمك بارز, مع انه ما يطلع شي مني لاني البس جلابيه بس لازم اغطي بالشيله منطقة الكتف والصدر

يغار حتى من بنات العايله ومن صديقاتي لما اكون معهم بسك رجعي البيت او قومي يلا بنطلع او يطلع اي عذر عشان يقومني واروح او اجلس في البيت ,, وما يبيني اخذ شي من معهم ابدا او اعطيهم شي يخصني مثل فساتين او شي ممكن نتبادله لفتره بسيطه كحاجته لعرس او حفله يقول اذا احد لبس اي لبس من ملابسك او اي شي يخصك مو راضي تلبسيه مره ثانيه خلاص ارميه
يقول حتى خواتي اذا طلبوا منك شي لا تعطيهم واذا تستحي منهم قولي خالد مو راضي او خبريني وانا اقولهم ,, بس انا استحي اقولهم كذا فشله

مره كانت خالتي منومه بالمستشفى وامي جابت بنتها الصغيره عندنا وانا ماسكتنها والاعبها واشيلها واعطيها حليب وكذا وهو جاي عندنا غااار كثير منها خلاص اتركيها لا تشيلينها روحي عطيها امك وبالليل قلت لامي بنيمها عندي وكنت اكلمه وانومها ونومتها جنبي ع السرير وهو محترق من الغيره لا تخليها تنام جنبك وديها عند امك قلتله حرام نايمه وامي تعبانه خليها ترتاح , قال مو ناقص الا ترضعيها ..
يتضايق كثير لما اشيل بيبي نزليه نزليه

احسه كأنه بيبي غيرته مو طبيعيه ما يبي اناظر احد غيره ولا اتكلم مع احد غيره يقولي ابي احبسك ف غرفه انا وانتي وبس ما احد يشوفك ,, احبه اعشقه بس غيرته تضايقني احيانا ..

>>>>> ردود الأعضـــــــــــــــــــاء على الموضوع <<<<<
==================================


ايوو قلتي اسم زوجك هههههه امزح معاك عادي حبيبتي بس لانه زووجك يحبك فيغار عليك يعني اني حطيها في بالك اذا حبيتي الشي تحبي تملكيه بس يعني الشخص تكون غيرته متواضعه مو يحبسك في غرفه!الله يخليكم اله بعض اهنيك شخصيتك حلوه انا حبيتك خخخ


__________________________________________________ __________

اولا من ناحيه جلوسك مع عيال عمك وخالك عاااااادي
فهذا حرام شرعا ومايجوز فعلا لاجلوس ولا هروج معهم
يعني خافي من ربك واترك عنك هلامور بلا عوايدنا بلا كلام فاضي

ثاني شي فترة الخطوبه هذي يسموها فتره التعارف يعني تتعرفو على طبايع بعض وتتركو عنكم العواطف على جنب ... اذا فيه طبع ماعجبك اجلسي معاه بدون خوف ولا خجل واوعك تقولي احبه مااقدر ازعله
(كل الي قالو هالكلمه فتره الخطوبه ) عاشو حياة عبوديه ومذله بعد الزواج

واجههيه بدون زعل او الفاظ سيئه فهميه ان غيرته زايده عن حدها واطلبي منه ان يخفف هالغيره اذا فعلا متمسك فيك( عجبه اهلا وسهلا ماعجبه قوليله كل واحد يروح في حاله( مجرد تهديد) وان شالله يتعدل


__________________________________________________ __________

المشاركة الأصلية كتبت بواسطة مشكلتي
ايوو قلتي اسم زوجك هههههه امزح معاك عادي حبيبتي بس لانه زووجك يحبك فيغار عليك يعني اني حطيها في بالك اذا حبيتي الشي تحبي تملكيه بس يعني الشخص تكون غيرته متواضعه مو يحبسك في غرفه!الله يخليكم اله بعض اهنيك شخصيتك حلوه انا حبيتك خخخ

يؤؤؤ مع الحوسه ما انتبهت سورري

بس انا يضايقني بغيرته هذي صح يغار بس مو كذا عاد حتى من اخوي

امين يارب
تسلمي والله ويخليك حبيبتي


__________________________________________________ __________

المشاركة الأصلية كتبت بواسطة نعناعه مدينيه
اولا من ناحيه جلوسك مع عيال عمك وخالك عاااااادي
فهذا حرام شرعا ومايجوز فعلا لاجلوس ولا هروج معهم
يعني خافي من ربك واترك عنك هلامور بلا عوايدنا بلا كلام فاضي

ثاني شي فترة الخطوبه هذي يسموها فتره التعارف يعني تتعرفو على طبايع بعض وتتركو عنكم العواطف على جنب ... اذا فيه طبع ماعجبك اجلسي معاه بدون خوف ولا خجل واوعك تقولي احبه مااقدر ازعله
(كل الي قالو هالكلمه فتره الخطوبه ) عاشو حياة عبوديه ومذله بعد الزواج

واجههيه بدون زعل او الفاظ سيئه فهميه ان غيرته زايده عن حدها واطلبي منه ان يخفف هالغيره اذا فعلا متمسك فيك( عجبه اهلا وسهلا ماعجبه قوليله كل واحد يروح في حاله( مجرد تهديد) وان شالله يتعدل

اختي انا ما اجلس معهم بروحي ولا اجلس جنبهم يعني بوجود اهلي كلهم وبوجوده
وطبعا نحن البنات نكون جالسين في صوب والشباب في صوب والكلام مجرد سؤال عن الحال والدراسه وكذا ,,


انا كلمته قلتله ان غيرته زايده وتضايقني احيانا قال وش اسوي الله خلقني كذاا غيووور وزوجتي من حقي اغار عليك


__________________________________________________ __________

حظك )=)