عنوان الموضوع : بعد أسبوع أختة بتجي تشوفني ؟؟؟ -تم الاجابة
مقدم من طرف منتديات نساء الجزائر

بعد أسبوع أختة بتجي تشوفني ؟؟؟



بنات بدخل بالموضوع على طول .. !!
أنا كلش ضد فكرة نظرة أهل الرجل بالبنت مباشرة كذاا ؟؟
يعني مثلاًً ..
يقولون ( بنجي نشوف البنت )
خيررررررر إنشاء الله ؟؟
أدري بتقولون عادي و كذا أسلوب أغلبية الناس .. !!
أوكي معاكم
لكن أعرف الناس اللي عندها ذرة عقل , تزور أهل البنت زيارة بمسمى غير .. !!
يعني جيران لكم و بنتعرف ..؟؟
شبابنا أصحاب و بـ نتعارف ..؟؟
بنتكم صديقة فلانة .. ؟؟
آآي مصيبة ........ آي دآهيةة ......؟؟
لكن الأسلوب الرخيص ذآ و أسلوب الأذلالي ذآ أنا ما أحبة ؟؟

بنات قسسسسسسم نفسيتي تعبانة مووووووووووووووت
مو مصدقة أن هالأسلوب اللي كنت أستحقرة و أستحقر أصحابة و أقول كيف ترضى البنت تتزوج
بهالطريقة الرخيصة ............؟؟
أني أنا بيوم بتزوج كذاااااااا .............. و بهالطريقة ؟؟؟؟؟؟؟؟؟؟؟؟

يعني بأختصار .. ( بنشوفك و نتفرج عليك .. عجبتينا أوكي .. ما عجبتينا نشوف غيرك )
سلاماااااااااااااات ... ؟؟

بنات ..
اللي متقدم زميل زوج آختي .... و زوج اختي آهو اللي كلمة عني ..
طبعاً من كلمتني أختي بصراحة أرتحت لة و كلشش أوكي من ناحية شغلة و السكن
و اخلاقة و كل شئ ........... ؟؟
لكن تفاجأت بأختي آمس تقولي أنو ( أختة بتزورنا ) فقططط ( بتشوفني ) ؟؟؟؟؟؟؟
طبعاً رفضت و بقوووووووووووة ؟؟؟
طيب ما يعرفون أسلوب غير كذا ...... ؟؟؟
آكو مليون طريقة .؟؟

بنات ..
ممكن تقولون عادي و كذا الناس .. ؟؟
لكن صدقوني إذا رضيت بزيارتها رآح أحس بأهانة داخلي .. و ربي ما رآح أرتاح حتى معآة ..؟؟
أختي تقول عااااااادي أنتي حسساسة شوي ..
( و كلامي مو معناة عدم ثقة بنفسي , الحمدلله وآثقة بالله أولاً , و ثقتي كذلك بنفسي و أني على قدر من الجمال و الذرابة .. وواثقة بالموافقة من لدنهم )
لكن هذه قناعة بنفسي و مبدأ إذا تنازلت عنة ما رآح أرتاح نفسياً .. )


ما أبغى هالأسلوب الرخيص .. وما أبغى أخسرة .. و مو كل يوم يجي واحد ثقة و ع دين و أخلاق لكن ( قاهرني هالتصرف ) ؟؟

محتارة .. و ما أدري شـ أسوي .. !!
أنصحوني بمنطق

>>>>> ردود الأعضـــــــــــــــــــاء على الموضوع <<<<<
==================================


شوفي حبيبتي انا كنت مثلك , قعدت ابكي واقول مستحيل اتزوجه يجي يشوفون مدري ايش

وترين انا كنت عنيده ولي شروط بس بعدين هديت من كلام امي وقمت صليت الاستخاره

وافقت تجي اخته تشوفني اذا الشرط اللي يبيها فيني ولالا وانا بعد امي قالت لاخته

تعالي انتي عشان نشوف ولدكم وش علومه وهل وضعه يناسب بنتي ولالا

والحمدالله جت اخته واسلوب امي كان معها راقي مره ماعطت اخته كلمه مع ان اخته قالت خلاص نبي البنت

امي قالت لا بنسال عن الولد اعذريني ومن حقنا, فاانتي ريحي اعصابك وخلك واثقه

واذا ماصار من نصيبك اعرفي انه شر وانصرف عنك


__________________________________________________ __________

مااادري احس عاادي لا تصيري حساااسه


__________________________________________________ __________

منك حق وانتي مو حساسه
ﻻن غلط تجي تشوفك عجبتيها وﻻﻻ
مرة مرة صعبه ﻻني أعرف وحده مجربه و رفضوها


__________________________________________________ __________

اممم انا اجوف ان هذي من العادات والتقاليد تقريبا ..
الكل قام يسويها .. ومشت ع كل الناس وحد قال انها غلط
وحتى لو غلط من وجهة نظرك مثلا .. الكل تقريبا بيتم يسويها
لان خلاص هذي عادات وتقاليد والكل تعود عليها ..
نفس ما انتي مظلومه فـ هل شي .. كل البنات انظلمو على قولتج

يعني مثلا قيادة المراه في السعوديه .. صح إنه ما يصير ومب عدل
إن الرجال يسوق والمرآه ماتسوق .. هاي ظلم .. بس خلاص يعني
هاي قانون وينطبق ع الاغلبيه بس لو تركزين فـ هل موضوع بتجوفينه ظلم
بس يعني محد قام وتكلم وسوى مشاااكل وكبر السالفه .. خلاص هل ظلم بيكون ثابت ..

وطبعا محددددد من اللي بيخطب يعني الخاطب او اخت اللي بيخطبك بيفكر فيها وبيجوف
ان هل طريقه غير مناسبه ولازم احترمها واكلمها بـ طريقه احس .. لان كل العالم ما افتكرو فـ هل شي
إلا انتي ،،


__________________________________________________ __________

انتي بس ادعي انهم يقبلونج .. وان شاء الله الامور اتعدي على خيير