قدمت بلاغ في الشرطه ضد زوجي.. -تم الاجابة
عنوان الموضوع : قدمت بلاغ في الشرطه ضد زوجي.. -تم الاجابة
مقدم من طرف منتديات نساء الجزائر
قدمت بلاغ في الشرطه ضد زوجي..
السلام عليكم جميعاً
بقولكم عن مشاكلي مع زوجي واتمنى القى حل
تزوجنا عن حب بس هالحب كان من طرفي انا لان في فترة تعارفنا اكثر من مره تخلى عني لاسباب جدا تافهه وبعدين يرجع لي لدرجة ان تقدم لي شخص واحنا كنا نكلم بعض وقام يبارك لي ويتمنى لي التوفيق وكان مصر اني اتزوج وراح وسأل عن الرجال بعد وقالي انا ماأنفع لك تزوجي هالرجال وملكت عشان اقهره وابين له انا هو بعد مايهمني غيرت رقمي حاولت انساه واحب خطيبي بس ماقدرت كنت احس اني اخونه اذا جلست مع الرجال نفسيتي كانت تتعب كثير كنت اتألم وفي يوم جاب أمه عندنا البيت واخطبتني وانا مملكه اهلي رفضوا بس انا جبرتهم وسويت سوالف عشان اتطلق من خطيبي ولما ابوي راح سأل عنه الناس ذموا فيه وقالوا عنه مغيزلجي لكن انا اصريت عليه فترة خطوبتنا كانت جدا قصيره كان يبي يتزوج بسرعه من أول ليلة حلفني عالمصحف ان الرجال اللي تطلقت منه مالمسني ولا باسني ولا حط ايده علي وكانت نظراته فيها شك ويقولي شهرين جالسه معاه ماصار ولا شي ويوم الدخله كنت خايفه واهو فسر خوفي اني مو بنت وقام يعاملني بقوه ويسحبني على السرير وعورني خلاني ابكي بكي هالموقف ماأنساه كان كل شوي يحط يده ويشوف نزل دم ولا لا ولا هامه اني ابكي واليوم اللي بعده ماعتذر على معاملته لي جرحني من أول ليله ويوم بعد يوم أكتشف أشياء تصدمني اناني شكاك متسلط إلسانه قذر يصرف علي بمزاجه ويعاملني بمزاجيه بعد يعني عادي عنده يهاوشني ويسبني ويسب أهلي وبعد أقل من ساعه يحملني ويوديني الغرفه ويجبرني أنام معاه ويستمتع بعد بدون مايزعل اني مو متجاوبه معاه وكأني مو انسانه كأني جهاز مستحيل يمر يومين بدون ماتحصل مشكله توصل للطلاق واهو اللي يوصلها للحد هذا يصرخ ويفضحني قدام أهله ويهدد بيتركني والأسباب تافهه ماتستدعي كل إللي يسويه ألحين عمر زواجنا 4 سنوات وعندي ولد وبنت منه ولسه ماتغير كل يوم مشكله صراخ تهديد وكلام وسخ تعبت من حياتي معاه مو قادره اركز في شي عيالي متنرفزه منهم ودراستي هاملتها ماأذاكر هذي أول سنه لي في الجامعه أبي يصير لي مستقبل بس شلون بالي على طول مشغول في المشاكل احاول ارضيه بس مافي سبب معين اصلا لتصرفاته كل يوم يدور له حجه احسه يدور الزله علي لاتقولون تكلمي معاة في وقت هدؤء وبرومنسيه لاني سويت كل شي تكلمت ورسلت له رسايل بالكلام اللي في قلبي مافي امل منه بنفس اليوم يرجع ويدورشي يتهاوش عليه لاتقولون شكلي ولبسي لا اكيد مو هذا السبب وهذي بعض المواقف اللي صارت وسببت مشاكل كبيره مره كنا نتسوق ومرينا على شباب فجأه قام يطالعني بنظرات احتقار والاغراض اللي كنا بنشتريها حذفها وطلع من المحل واهو يسب ويلعن وانا امشي وراه واقوله اشفيك واهو يتكلم بصوت عالي ويقول امشي لا تشوفين شي عمرك ماشفتيه يالوسخه والناس اللي نمر عليها تطالعنا وانا والله مدري وش السالفه اركب السياره وانا مخنوقه ومنصدمه من تصرفه تاليها يقولي انا اطالع في الشباب اللي مروا
موقف ثاني.كنت شاريه جوال قبل فتره بفلوسي من مكافآتي لأن مارضى يشتري لي طلبت منه يوديني بشتري غلاف للجوال قالي بعدين وانا انتظر متى بس يقولي بيوديني بعد اسبوعين أو أكثر قلت له متى بتوديني حق الغلاف قال لي لاتحنين قلت له ماحنيت بس اسأل قام يصارخ ويسب واخذ جوالي من ايدي ورماه بقوه على الجدار وانكسر وطلع من البيت ومارجع الا الفجر وبعدها بيومين كان راجع وبايده كيس فيه جوال ظنيت انه شاريه لي بيراضيني طلع شاريه له..
موقف ثالث انا ادرس في الجامعه اهو يوصلني واوقات اخوي واوقات اركب مع باص الجامعه يعني على حسب الظروف الحين وقت الطلعه ضليت انتظر ماشفت الباص وانا افكر ان لسه ماجاء واهو ماشي بدري وقفت مده ماجاء دقيت عليه
وقلت له قام يصارخ ويسب ويقول هذي اخر مره تروحين الجامعه خلاص مافي دراسه
انزين وش اسوي الباص ماشي بدري ليش اترك الدراسه واهو يهدد ويقول اذا مو عاجبك تنقلعين عند اهلك وبطلقك.ومواقف كثيره وهذا اخرموقف
>>>>> ردود الأعضـــــــــــــــــــاء على الموضوع <<<<<
==================================
إن هناك مبادئ وأسس لهذه الحياة الزوجية وضعها الله تعالى، وفيها السعادة والهناء، والبعد عنها لا يجلب إلا الشقاء.
ومن هذه المبادئ والأسس تعاون الزوجين وتفاهمهما سوياً فيما بينهما، ولكن إن كان أحد الطرفين لا يتفاهم مع الآخر كما في حالتك هذه، فهنا يجب أن يكون هناك تنازل من الطرف الآخر من موقفه، فالصلابة والإصرار لا تُفيد في الحياة الزوجية.
وعليه، أقول أيتها الأخت: أنتما لستما في شركة مالية يمكن أن تحل في أي وقت، كما أن الحياة الزوجية ليس فيها غالب ومغلوب، إذ يمكن للزوجة أن تأخذ حقوقها كاملة من الزوج مهما كان والعكس ما دام هناك قضاء وقانون.
اسأليه عن أسباب غضبه وخصومته، وأرى أن تكوني شجاعة، وأن تقولي له: أنا أتحمل كل شيء ونفتح صفحة جديدة، واسأليه عن طلباته ولبّيها له، نعم أريدك أن تكوني معه على هذا الحد، وأنا على يقينٍ أنه سيرجع لك ويحبك ويقدرك ويحترمك.
كان الله في عونك ؛وجعل لك مخرجا ؛وفرج كربك ؛وأذهب همك وغمك ؛ولا أملك إلا أن أقول لك فصبر جميل ، فالصبر عاقبته دائما الفرج والنصر لقول النبي صلى الله عليه وسلم :واعلم ان النصر مع الصبر وان الفرج مع الكرب وان مع العسر يسرا ) .
فأوصيك بالصبر الجميل ، واعلمي أنه كلما اشتد الكرب هان وأنه لابد من طلوع الفجر حتى وإن طال الليل ، والصابر لا يغلبه أحد لأن الله مع الصابرين .
وأوصيك بأن تجتهدي في الإحسان إلى زوجك بكل قوتك ؛ وأن تعامليه بالمعروف ؛ لأن الإحسان يكسب القلوب مهما كانت قاسية وغليظة فعليك بالصبر وحسن العشرة والاحترام وإن شاء الله سوف يغير الله زوجك إلى أحسن حال .
وعليك أختاه بالدعاء والإلحاح على الله أن يصلح زوجك ؛وأن يحسن أخلاقه ؛وأن ينزل محبتك في قلبه ، وإن شاء الله سوف تري عجبا وسوف تعيشين حياة سعيدة تنسين معها كل الآلام والمعاناة وسوء العشرة .
فعليك بالصبر وحسن العشرة والدعاء والله معك يحفظك ويرعاك وعما قريب ستكونين من أسعد الناس وأعلمي أن نصر الله قريب .
__________________________________________________ __________
تستاهلين بعتي الي شاريك وشريتي الي باعك
__________________________________________________ __________
يو وم اجازته جلست بدري نظفت طبخت وصيت الجهال مايصحونه لايتنرفز
وينكد اليوم علينا .صحى تغدى وقال بنزل لامي بجلس معاها في هالوقت غسلت الصحون وبخرت الشقه وسبحت اعيالي رحت اتمكيج الا بنتي جات تطلع الاغراض اللي في الشنطه وتقولي حطي لي انا اخذت الملقط بشيل شعر زايد مني قالت لي يما سويلي مثلك انا هنا ماصدقت انها تطلب لان حواجبها متلاصقه شوي وانا احس مو حلو المهم شلت بس شويه شعر من اللي في الوسط يعني خليته اخف ومايبين اصلا واهي مبسوطه صعد ابوها على طول قالت له شوف حواجبي امي شالت شعر من هنا قام يصرخ مثل المجنون كعادته ويقولي يالمريضه يالجاهله يالوسخه يازباله ليش كذا
وصار مشادات كلاميه بينا انا اقوله لاتغلط ما اسمح لك واهو يسبني ويسب اهلي ويغلط
ومسك ايدي بطريقه كأنه بيفتت عظامي يضغط وانا ابكي واقوله اتركني واعيالي يبكون واهو يقول والله بربيك يالجاهله وانا ابي افلت ايدي مو قادره قمت رفسته وبالغلط صارت الرفسه بالمنطقه الحساسه وقام يقولي وش قصدك بهالحركه كنت خايفة وارجف واقوله موقصدي انت عورتني ماشوف إلا بكس في عيني طحت على الارض من قوة الضربه خلاص صرت مثل العميه ما اشوف شي جات امه تضرب الباب وفتح وانا على الارض تدرون وش سوت قامت تصارخ علي وتقولي انتي بتمرضين ولدي يالظالمه توه مافيه شي بس صعد خليتينه مثل المجنون حسبي الله عليك خلاص تركيه اذا مو عاجبك روحي لاهلك وشوي شوي تجمعو ا اهله كلهم اخوه وزوجته واخوه الصغير واعيال اخوه كلهم يتفرجون وانا ماسكه عيوني وابكي وامه تصرخ وتقولي روحي واهو قال بعد انا ما ابغاها خلاص خلها تذلف لاهلها قدام الكل طلعت انا واعيالي وانا نازله دقيت على اهلي من التلفون اللي تحت وقلت لهم تعالو بسرعه اخوه لحقني قالي رجعي لاتطلعين لحقته امه وقامت تصارخ وتقول خلها تروح لاتتدخل وقفنا في الشارع انا وعيالي حافين والله ننتظر اهلي وانا موحاسه بنفسي كلام بس ينعاد في اذني وارجف جاو اهلي شافوني بالشكل هذا على طول ودوني المستشفى عيوني متورمه ومعاي نزيف داخلي وجرح في القرنيه المهم الدكتور عرض علي يستدعي الشرطه رفضت لما رجعنا من المستشفى امي وابوي راحوا بيت زوجي تخيلوا قلبوا كل شي علي امه تصارخ وتقول صعدت لهم وشفتها تضرب ولدي بنتكم مسترجله واهو يقول تضربني في مناطق حساسه وتغلط علي ماتحترمني.وانا ماضربتها كذابه اهي طاقه عيونها اويمكن ايدي صادتها بالغلط..<كله كذب والله>
اهلي ماخذوا لاحق ولا باطل تبلوا علي وقلبوا السالفه المهم بعد ماسمعت كلامهم من اهلي رحت مركز الشرطه وشكيت عليه قدمت بلاغ سوء معامله وضرب لاول مره تدرون بعد ماستدعوه وش سوى نكر كل شي ورفض يوقع تعهد يقول ما اوقع وانا ماسويت شي طبعا طلع بكفاله ودق قام يلف ويدور بالكلام بس ماعطيته مجال فطلع الكلام اللي عنده هددني لو ماتنازلت بيطلقني ولو وصلت الدعوه المحكمه بيطلق واذا ابي ارجع بيرجعني ودي بدون هذره وكلام زايد لبسي وبمر اخذك طبعا رفضت وقلت له مستحيل ارجع بيتهم مره ثانيه بعد ماطقني واهاني قدام الكل وامه طردتني قالي مستحيل اطلع عن اهلي ماتبين ترجعين كيفك بس تتنازلين عن القضيه احسن لك وانا للحين ماتنازلت ولا ادري شسوي ابي ارجع كرامتي وبنفس الوقت اح+س خلاص ما أقدر اسند ظهري بواحد مثله طبعا بتقولون رجال يتدخلون كل هالحلول صارت قبل ابوي وعمامي وخوالي كلموه عن اخلاقه ومعاملته الزفت معاي وتدخلات امه المستمره لان مو اول مره تصرخ علي وتقط كلام أحس خلاص حياتي معاه وصلت لطريق مسدود. طولت بس حاولت اذكر هالاشياء عشان تعيشون معاي هالمواقف وتعرفون شلون حياتي معاه
ابي رايكم
__________________________________________________ __________
لا شك أنكما جديدان في الحياة الزوجية، وليس لكما تجربة كافية، ومثلكما مثل أي زوجين يدخلان عش الحياة الزوجية وفي ذهنهما صوراً متعددة عن هذه الحياة، وما يجب أن تكون عليه من السعادة والتفاهم، بل ولعلها في بعض الأحيان تكون صوراً خيالية، وإن كان حقاً ما يتصوره الزوجان من السعادة الزوجية والتفاهم، لكن الخطأ الذي يقع فيه الكثيرون هو أنهم لا يتصورون الجوانب السلبية في هذه الحياة، حتى يهيئا أنفسهما لها، فنسوا اختلاف الطباع بين الزوجين، ثم مشاكل الحياة التي قد تواجههما، مما قد تؤدي أحياناً إلى تدخل طرف آخر من أهل الزوج أو أهل الزوجة ...إلى غير ذلك من العوامل التي يمكن أن تسبب مشاكل لهما، فتقلل من السعادة المنتظرة والتفاهم المرتجى.
لهذا ابنتي، عليك أن تتوقعي الجانب السلبي في الحياة الزوجية، ومهما اجتهد الإنسان في أن يجد شريك حياته مكتملاً فلن يفلح؛ لأنه لا يرى إلا الجانب الخارجي، أما الباطن الذي يحمل السلوك والأخلاق فقلّما يكتشف إلا بعد الزواج.
الخلاصة أقول: إن زوجك لن يستمر على هذا الحال، بل سرعان ما يتغير ويتراجع عن سلوكه معك، ولقد أثبتت التجارب العديدة أن أزواجاً كانوا في بداية حياتهم سيئين في سلوكهم وتعاملهم، لكن سرعان ما رجعوا وتغيروا، وأن السبب الأكبر في تغيرهم هم زوجاتهم، لهذا أحثك بالآتي:
1- أن تصبري وتتحملي، فإن صمّام الأمان في الحياة الزوجية هو الصبر، وعامل استمرار هذه الحياة هو الصبر، وسر السعادة فيها هو الصبر، ولو فُقد الصبر لاستحالت الحياة الزوجية.
2- اصرفي النظر عن تصرفاته تماماً، وردي عليه بأحسن الخلق وأجمل التعامل، قال النبي صلى الله عليه وسلم: (وأتبع السيئة الحسنة تمحها، وخالق الناس بخلق حسن) وكان يقصد من وراء ذلك استمرار حياة الناس بود ومحبة.
3- لا تطلبي منه شيئاً في هذه المرحلة، واتركيه تماماً من الطلبات إلا للضرورة، وهو سيشعر وسيرجع عاجلاً أم أجلاً .
4- قومي بخدمته، ولا تقصري في جانبه حتى في فراشه.
5- املئي وقتك بأي مفيد، كأن تضعي لنفسك برنامجاً، مثل حفظ القرآن أو الالتحاق بمركز، أو حضور دروس أو تعلم الحاسوب، ولا تتركي فراغاً لنفسك.
6- استعيني على هذا البرنامج بتغذية روحك بكثرة العبادة من صلاةٍ وذكر وتلاوة، وستشعرين بالاطمئنان، وإن شاء الله بعد قليل ستأتيك ثمار هذا الصبر، وسوف يتحول زوجك تماماً.
وفقك الله لما فيه الخير والرضا، وحقق لك أمانيك في طاعته.
__________________________________________________ __________
المشاركة الأصلية كتبت بواسطة هدوءءءء انسانهـ 
تستاهلين بعتي الي شاريك وشريتي الي باعك
احترمي نفسك.....داااايم الاخظ ردودك جارحه
عندك رد زين قوليه ماعندك لا اشوفك هنا
الله يعينك ياصاحبة المشكله
رد مع اقتباس
