عنوان الموضوع : عروس وتبي تتطلق ! ساعدوني ,, مجابة
مقدم من طرف منتديات نساء الجزائر

عروس وتبي تتطلق ! ساعدوني ,,



السلام عليكم والرحمه


انا انسانه عمري 18 سنه ملجت تقريبا من 9 شهور على ولدعمي ,, كان توووب معاي الحمدالله
بالرغم من بعض الاشياء الصغيره اللي ماتنذكر اصلآ

المهم صارلي 9 شهور مالجه وللحين ماشفت المهرر !!
ماحسييت اني عروس ابد حتى خواته يوم يو الحفله قعددو وماتحركو والبوز شبرين
كل شي نحن دفعناه حتى حفله الملجه !
بالرغم من ان حالتهم الماديه ممتازززه جدا وبنفس مستوانا
لمحنا لهم لكن لاحيا لمن تنادي .. المهم نحن شايفين خير والحمدالله وموضوع الفلوس مب مشكله
مع انه شي من حقي وابسط حقوقي اني استلم المهرر واستانس فيه !

زوجي قبل السفر كان مايسافر ابدد والحين سافر تاايلاند وماقال انه مسافر تايلاند الى حقي
ورجع البلاد وماكمل شهر الا وبيرجع تايلاند مره ثانيه !!

وايد يدقق على الفلوسس والحساب ومرات توصل للتقصير يعني عمره مادخل علي بوررد او شي جذي
اكتشفت انه يدخخن مع انه محد يدري عن هالششي ,, وبالنسبه لصلاته هالشي ربي بيحاسبه مب انا

والحين يقول ماراح تكملين دراسه الا بعد سنه من الزواج مع ان انا شارطه عليه اني اكمل دراسه
ونفس الشي بالنسبه لليييسسن ,, ماشي ,, حتى شهر عسل قالي مافي !!!

يبيني دوم اكون بحاجه له ,,

دايما يقط كلام ويقول استانسي الحين بعدين بتشوفين شي ثاني بس على اسلوب المززح ,,
يحسسني اني انا اللي راح احتاااجه ,,واني بدون مااسوى شي
ودايما ييقدسس اهله ويسمع كلامهم بكل شي !!

واذا صارت بيننا مششكله ولاشي يقول ترى الحب عمره ماراح يكفي لاتتحرين اني ما اقدر اتخلى
عنج او هاذا يحبني يعني خلاااص .. لاحبيبتي غلطانه ,,

مع ان كنا عايشين بنفس البيت قبل الزواج الا ان محد كان يعرف هالشي عننه @!
وانا ما استعيلت لما وافقت قعدت 3 شهوور استخير وافكر زين لان الزواج عمره ما كان لعببه !
وهاذا مصيييرر شخصين ..

كلمت امي وابوي بالموضوع قالو اذا ماتبينه قولي دام انكم على البر وانتي بنت صغيره
واذا هو مايعرف قيمتج تراج عزيزه وغاليه علينا ويخسسي حد يذلج ولو شو ماكان

وانا قررت اني اتطلق منه وابي اعرف شلون افاتحه بالموضوع ؟ وشو اقوله

>>>>> ردود الأعضـــــــــــــــــــاء على الموضوع <<<<<
==================================


انا ماقدر اقولك شي هاذي حياتك
اذا انتي تقدري تعيشي معاه وتربي اولادك مايحتاج طلاق
اما اذا انتي ماتقدري تعيشي معاة ولا تربي عيالك ولا هو فاهمك وغلط في حقك وكذب عليك في اشياء وانتي مو مرتاحة انا لو مكانك اتطلق
لان لو جبتي اولاد وين رح تحطيهم
انا ماقولك تطلقي او لا هاذي حياتك
بس فكري عدل قبل لايصير حمل


__________________________________________________ __________

والله شوفي اكبر غلطه سويتيها سكتي عن المهر
المهر مو حكاية عندك فلوس ولا ماعندك والمهر ولو دفع مليون مابيوفي حقك
بس الموضوع مبدأ انو هالشي حقك واذا سكتي عليه انتي ماعندك شخصيه وانهضم حق من حقوقك طبيعي بيذلك ويستكثر عليكي هذا حقك وكان مفروض يوم الملكه يسلم مهرك وانتي قلتيها عنده يعني كمان مو ماعنده وانتي مقدره ظرفه عنده بس مستخسر فيكي انا مااقول تطلقي بس طالبي بحقوقك مهما كانت صغيره هالشي بينعكس على حياتكم بالمستقبل اما ع الملكه احنا عندنا ع اهل العروسه بس لو عندكم غير كان مفروض اصريتي انه هو الي يسويها
وع الدراسه انا اشوف احسن بعد سنه بس اذا انتي تبين ع طول هذا من حقك وواجهيه من الحين قوليله ماراح ااجل انا شرطت وهذا شرطي ماتبي الله يرزقك بوحده احسن مني وتأكد اني باخذ الي احسن منك
بس يمكن هو يفكر والله اعلم انو انتي خلال السنه بتحملين ومابتقدري تكملي !!
اذا هذي نيته فلا تعليق !!
ولاتخليه يعلق تعليقات كذا اذا قال بتشوفين شي ثاني حتى لو مزح قوليله ماراح اشوف الا كل خير انا وراي رجال مو بنت شوارع سكتيه ع طول لاتسمحيله بهالشي اليوم مزح وبكره واقع

ع العموم انا اقول كمان استخيري اولا ثانيا اجلسي معاه جلسه ثانيه وقوليله كل الي بخاطرك
انو تبي مهرك وانك سكتي ع ملكتك مع انو كان مفروض هو الي يسويها بس عشان تكملو حياتكم
وانو مفروض يعطيكي مصروف شهري وع دراستك وع كل شي وع قولت اهلك انتي لسه بالبر
وافق كان بها ماوافق انتي شوفي تقدري تكملي حياتك معاه بهالشكل ..؟
اذا ماوافق هذا باب عشان تقولي انو خلاص تنفصلوا
اذا وافق اعطيه فرصه ثانيه يمكن يحبك بس اهله يمكن يزنو ع راسه وهي قرصه له
وقوليله انو مو هو بس بالنسبه له الحب مو كل شي
قوليله وانا بعد صح الحب شي اساسي بس الاهم عندي الاحترام بيننا



__________________________________________________ __________

كلمت امي وابوي بالموضوع قالو اذا ماتبينه قولي دام انكم على البر وانتي بنت صغيره
واذا هو مايعرف قيمتج تراج عزيزه وغاليه علينا ويخسسي حد يذلج ولو شو ماكان

وانا قررت اني اتطلق منه وابي اعرف شلون افاتحه بالموضوع ؟ وشو اقوله

ي قلبي .. إرمي دبلته عليه
يعني إنفصلي عنه .. نصيحة والله .. أولا وآضح وأكيد البخل صفة فيهم
ثاني شي يبغى يسيطر عليكي ويذلكي وكلامي والله صحيح
طيب هذا إسلوب يتعآمل فيه معآكي وإنتو مملكين .. وكلآم أهلك عين الصوآب
مآدآم صفأته وآضحة لكي وأهلك مآشآء الله نصحوكي
وحسو إنك مو مرتاحة معآه ..
فا الأفضل إنك تنفصلي عنه .. وقوليله إنتا ماتقدرني
وتهيني كل شوي وشايف نفسك
بكرة ربي يعوضني .. من جد شآيفين حالهم أهل خطيبك
ع إيش التكبر والبخل ..
وتقولي مادفعو لكم شي
يعني يبغو ياخذوكي بالرخيص
ي عمري بكرة ربي بيعوضك ويجيكي إنسآن
يحبك ويحسسك بقيمتك .. لو أنى مكآنك ع طول تركته
ما استشير أحد
ربي يوفقك وييسر لكي أمرك


__________________________________________________ __________

اخذري كل الحذر من كثر سفرياته الى خارج البلاد باقي امور سهلة


__________________________________________________ __________


السلام عليكم


كيف ملجه بدون مهر

الرجال شاف الدنيا عادي والامور سهاله قام يدلع

ويقط كلام لما تتكلمي وياه وبدا يغلط فيج

قوليله على بلاطه مو عشان سكتنا انك ما جبت المهر أكون رخيصه بنظرك

وبنت الأجواد ما ينقالها هالكلام

قوليله كلامك ما يناسبني ونحن على البر تقول جي كيف لو نتزوج

قوليله اسمحلي إذا ما راح تقدرني من الان عليك الرب حافظ

وكلاً له طريقة وانا اهلي عزيزه عليهم ما يرضون بالكلام الي تقوله


الله يرزقج بزوج يقدرج