عنوان الموضوع : الحييييييره ذبحتني -لصحتك
مقدم من طرف منتديات نساء الجزائر

الحييييييره ذبحتني



صباح الخير

مالي الا انتم بعد الله

تكفوووووووووووووووون ابي رايكم بكل صراحه وكل وحده تحط مكانها بمكاني ..واتمنى تكونون فاهميني في مشكلتي

تقدم لي واحد وتمت الشوفه الشرعيه والحمدلله مرتاحه..واهو مرتاح

الريال عنده زوجه ويهال

المهم جو اهله وتمت الخطوه الاولى..الخطبه الرسميه

بعد كم يوم جانا اتصال من وحده تقرب لزوجته ..تكلمت كلاااااااام كلام كثير وكبير بنفس الوقت

مثل انه يضرب زوجته ..واشيااء كثيره حيرتني بصرااااااحه..

كلمنا زوجته وقالت نفس الكلاام..وقالت اشياء المفروض ماتنقال في خصوصياتهم وفي الاخص في الفراااش...وقالت انه مايبغى عيال

المهم انا عشت في حيره ماعمري عشتها ..تعبت نفسيتي علما اني مطلقه وليس معي اولاد ..وعنده خبر اني ابغى عيال وماعنده مشكله قالو حقك

كلمنا اهل الريال قالو ((حسبي الله ونعم الوكيل))اصلا اللي يابت لكم الخبر مأذيتنا بحياتنا مو كويسه معناا



السااااااااالفه بصراااااااحه حيرتني وهيجت عندي القيلوووووووون

ولا اد ري من اصدق ..محتاااااااااره ولا ودي استعجل في الامر ودي اتحقق ..وبنفس الوقت اقول( الباب اللي يجيك منه الريح سده واستريح)


شرااااااااااااااااااااااااااايكم

تكفوووووووووووووون

>>>>> ردود الأعضـــــــــــــــــــاء على الموضوع <<<<<
==================================


استخيري قبل كل شي والله يكون بعونك حبيبتي المشكله مو هينه لازم الخاطب واهله يعرفون بالموضوع ويكونو بالصوره

تمنياتي لك بالتوفيق


__________________________________________________ __________

نصيحتي لكي انك لا تستعجلي بالزواج فكري واسالي عنه خصوصا انك تقولي مطلقه وصعب تتطلقي مرة ثانيه اكيد خذي الحذر في المرة هاذي ولازم تتقربي من اهله وتتعرفي اكثر وتشوفي كيف اطباعهم وحياته مع زوجته وعيب الواحد يحكي بالاسرار الزوجيه او المشكلات ........والصلاة الاستخارة ........واذا انتي مرتاحه معه ,,هذا شيئ راجع لكي انتي ونحن مانقدر نقلك وافقي او لا توافقي وعليكي بالدعاء ........تحياتي .


__________________________________________________ __________

شكلها زوجته الأولى ماتبغاه يتزوج عليها عشان كذا يمكن قالت هالكلام عنه ... وشكلها والله اعلم راح تبهذلك وتدخلي في مشاكل انتي في غنى عنها وترجعي تطلبي الطلاق والطلاق مرتين صعب ... برأي ارجعي استخيري الله ولالالالالالالالالالالالالا تستعجلي ابدا في امر الزواج ... كل شي بالعجله إلا الزواج ياأختي....الله يوفقك


__________________________________________________ __________

الله يعينك ويعينها ويفرج همك وهمها

لاتلومي زوجته الأولى على كلامها من غيرتها على زوجها تبيك تبعدي عنه علشان تخافي منه وماتتزوجيه وبهالطريقه زوجها ماراح يتزوج ثانيه عليها علشان كذا تبيك تكرهينه تقولك يضربني ويسوي ويسوي هي وش حادها تقول كذا مو حب فيك ولاخايفه عليك إلا خايفه منك ومن وجودك في حياتها وانك تأخذي منها زوجها

يعني على قولة اللي قبلي إذا تزوجتيه الله يعينك عليها وعلى غيرتها منك
بس رجاء إذا تزوجتيه اشرطي بيت لحالك لاتدخل عليك ولاتدخلي عليها علشان ماتغثك وتجيب لك المشاكل


واكيد قبل كل شيء الدعاء والإستخاره
الله يكتبلك الخير ويوفقك ويعوضك يارب


__________________________________________________ __________

استخيري اكثر من مره واذا ارتحتي توكلي ع الله

وبنت عمي نفس سالفتك كذا بالضبط يدقون عليها وع اخوانها بعد يقولون كلام ماينقال عشان مايبونه تزوج ع زوجه وسبحانه مرتاحه هي وتزوجته والحين مشاء الله مبسوطه ومرتاحه ومعها بنت ولد الله يخليهم له

وانا اقولك ياما تجيك اتصالات انتي اذا ارتحتي بستخاااره توكلي ع الله

والله يوفقك ويسعدك