عنوان الموضوع : نقله كبيره في حياتي ممكن راي الناصحات ؟؟؟؟ مجابة
مقدم من طرف منتديات نساء الجزائر

نقله كبيره في حياتي ممكن راي الناصحات ؟؟؟؟



السلام عليكم
مساء الخير والفرح والسرور والعافيه عليكم جميعا
متضايقه ودي افضفض لكم مدري احكي مع مين والا مين ماعندي خوات وامي كبيره ومريضه مالي الا الله ثم انتم ياخواتي الغاليات
صار لي متزوجه سنه عايشه مع اهل زوجي امه وزوجةاخوه بنفس البيت امه حبوبه وطيبه زوجة اخوه مسويه نفسها انا راعية البيت والكل بالكل وانا مخليتها على راحتها تحاول تبي مشاكل بس انا ياراس اسلم ما القي لها بال وغير كذا بيت اخوه الكبير جنب بيتنا واخوه الثاني قبالنا ولااازم لازم وجبة العشاء نجتمع
المهم المشكله ومافيها انا احب زوجي ومكرمني ومحترمني بس فيه نقطه معتمد ع السواق اعتماد كلي حتى مواعيدي وطلعاتي لاهلي من لما كنت عروس الا الان ماوداني لبيت اهلي ولامره هذي نقطه بجد متألمه منها
ثاني شي لي سنه ما تأقلمت معهم ابد ابد ابد
حياتهم غير عن حياة اهلي واعمامي وخوالي احيانا اقول ليش اجبر نفسي واعيش معاهم ليش ما اطلب الطلاق وابتعد عن عيشتهم الصعبه
وموضوع اني اطلع ببيت الحالي مافي امل قبل 6 سنوات هم عايله مرتبطين ببعض مره للدرجة الهياط والنفاق للدرجه لو تتنوم ام وحده من حمواتي وام زوجي تركت امها وراحت مع ام زوجها ناس ملتزمين بتغطية الوجه بين الحريم لازم برقع لان رجالهم عادي يجلسون مع بعض
وانا. ماتعودت احيانا اجلس ابكي لما يجي زوجي يسألني انتي متضايقه مني ماتبيني اعطف عليه انا ابيه بس العيشه صعبه في البيت برقع وشرشف وقومه وقعده والوجه الثاني اللي عندهم يعني انا اشوفهم مثلا
اخته وزوجة اخوه الكبير وحريم اخوانه وخواته موجودات سوت وحده من حريم الاخوان شي لو حاجه بسيطه وقامت طلعت حشوا فيها يعني اكيد اكيد انا بيسون لي كذا
ذبحتني الوسوسه والافكار حملت نفسي هم مو قده الحزن بين على عيني من كثر الكتمان والتفكير امي تسألني فيك شي اقولها لا مرتاحه ولله الحمد من ناحية الزوج مرتاحه بس الوضع الاجتماعي لا ابدن مو مريح ماتعودت نفاق وهياط وبهرجه ماتعودت انافس احد في المطبخ والنفعه والقومه تغيرت حياتي مررره
اكيد يا اخواتي في منكم من مر بأصعب من حالتي الله يعينهم جميعا بس ابي خبرات السابقين منكم ابي منكم نصيحه او توجيه اي شي منكم يدفعني ويقويني
انا فضفضت ومنكم الاستجابه
شاكره لكم قراءتكم وردودكم

>>>>> ردود الأعضـــــــــــــــــــاء على الموضوع <<<<<
==================================


سبحان الله وبحمده...سبحان الله العظيم
رررررررررفع


__________________________________________________ __________

الله يعينج حبيبتي ..

انا امي كانت نفسج بالضببط تقول لنا سوالفها الحين تطلع اللي فقلبها لنا ..

ماتقدرين تسوين شي لازم تتأقلمين معاهم ..

يعني انتي احين لازم تعيشين حياة ثانيه في بيت زوجج غير عن حياتج اللي كنتي تعيشينه في بيت ابوج ..

الكل كان جذي اكيد كل شي بيتغير ..

والله يساعدج حبيبتي على اللي انتي فيه تصبري..

تحيآتي ..


__________________________________________________ __________

صعبيها تتصعب...وسهليها تتسهل...احمدي ربك ان فيه امل تطلعون في بيت مستقل...ثانيا اقنعي نفسك بعاداتهم...اكيد قبل الزواج كنتي تعرفين عاداتهم..او هم اخبروكم...اذن مالك الصبر..وبالنسبه للمطبخ حاولي الاكلات اللي ماتعرفين تتقنيها سويها عند امك وبعدين عندهم لان مافيه مجال عندهم لتجارب وزي ماتفضلتي يحبوا يحشوا في الناس....بالنسبه لحشهم في الناس.انصحي فقط...وعلى راي المثل..من جاب لك ودى عنك..مدري اذا المثل صح المهم انه واااااضح قصدي...ولا تطلبي الطلاق دام زوجك طيب..والمفروض تفضفضين له عن تعبك من هذا الوضع لانه جديد عليك

وعندي اقتراح جميييييييل جدا...يمكن يعجبك
الرجال يجلسون بالمجلس وانتوا بغرفه ثانيه وماله داعي
تجلسون ع العشاء سوى...ولو قلتي له حرااااام...
والله اني اعرف وحده اهل زوجها طلبوها تكشف امام اخوان زوجها وهي رفضضضضت وحريم الاخولن كاشفات الوجه فقط يلبسون الشيله على الراس وحتى مافيه
شرشف مثلكم يعني اجسامهم ياينه باللبس...صاروا الحريم والرجال جلستهم وحده وسفرتهم وحده وهذي الحرمه اللي رفضت كشف وجهها اهل زوجها يعاملونها معامله سيئه..لكنها ابتغت رضى الله قبل رضاهم...اتمنى ان لا تكبتي الكلام داخلك فضفضي..حتى لو هنا
دعواتك احمل صار لي 6سنين....تحياتي ....اماني.....


__________________________________________________ __________

الله يقويكِ حبيبتي ويساعدك ياااارب

انا والله لسة طفلة عمري 18 مش هقدر أفيدك سامحيني

وانتي اختي أماني ربي يرزقك توأم ياااااااااااااااارب وبشرينا


__________________________________________________ __________