عنوان الموضوع : امي ما قالت لي اني مخطوبه
مقدم من طرف منتديات نساء الجزائر

امي ما قالت لي اني مخطوبه



السلام عليكم

انا عمري 19 متخرجه من الثانوي
انا احب ولد عمي من الطفوله وهو بعد يحبني
هو الحين تخرج من الجامعه وعلى طول جاء خطبني
ومن هنا تبدا المشكله

هو كان ناوي يسافر برا يكمل دراسته بس اهله قالو تزوج قبل ما تروح
وهو وافق وامه الي تصير خالتي كلمة امي وقالت لها ان ولدها يبيني
امي قالت اوك بس خلوه يسافر يكمل دراسته برا وبعدين اذا جاء يتزوجون
خالتي قالت طيب خليها خطبه رسميه قالت امي احنا قرايب وما بيننا شي رسمي وكذا وعلى اساس ان امي قالت لي انه بيتزوجني وانا وافقت واني انا موافقه على كل شي

وانا ما دريت الا من اخته هي قالت لي انا انصدمة
يعني فرضا مو موافقه ليش تروح تقولهم خلاص اوك اذا جاء يتوزجو
يعني حرام يروح يدرس سنتين واذا جاء اقول انا رافضتك

والصدمه الاكبر انه اعطاني هديه على اساس ان امي قالت لي
طبعا انا قبلت الهديه وكذا بس مخبيتها عن امي لانها لو بتدري بتقص رقبتي
وودي صارت خطبه رسميه او على الاقل امي قالت لي

يعني امي الحين ما تدري اني انا ادري اني انخطبت

وعلى بالها اني ما ادري عن شي


المشكله لاكبر اني انا وامي بيننا حواجز
يعني ما اقدر اروح اقولها عن شي واني سمعت اني انخطبت
هاذا شي مستحيل اقوله لامي
امي مره بعيده عني وتحب تكبر السالفه مره
حتى مشاكلي البسيطه ما اقولها لها ومشاكل المدرسه بعد
يعني لحد يقول لي قولي لامك لانه شئ مستحيل

يعني صعبه اخذ هديه من واحد من ورا اهلي

انا فكرت كثير بس حسيت ان الموضوع ماله حل ابدا ابدا ابدا

>>>>> ردود الأعضـــــــــــــــــــاء على الموضوع <<<<<
==================================


انتي الي تكبرين السالفه مثل امك

هي ماخبرتك مدري شو قصدها حرام عليها ماتبا تفرحك

ولا ماتباكي تفكرين كثير

امك عندها شي ماتبا تخبر حد

احد بنته تنخطب ويقول يسافر يدرس اول

شكلها تبا تفكر في الموضوع فترة طويله

ومو مقتنعه يمكن

الأحسن تقولين لها شفت اخت الولد وقالت مبروك وكذا

لان لازم راح تعرفين شي طبيعي

الي مو طبيعي انك تسوين مثل امك وتسكتين

لا تلومين امك كثير لانك انتي قاعده تتبعين خطاها

هذي حياتك ونصيبك ولكي الحق تعرفي اليوم قبل باكر

واتمنى لكي التوفيق في حياتك


__________________________________________________ __________

أمك أدرى بمصلحتك و ممكن خبت الموضوع حتى تركزين على دراستك

لا تكبرين الموضوع حبيبتي <3 و إذا مرة متحسسة من هالشيء خلي خالتك او بنتها يسولفون قدامك و قدام أمك عن الخطبة و شوفي ردة فعل أمك !


__________________________________________________ __________

عادي حبيبتي انا انخطبت وابوي وافق مادريت الا يوم رحت سويت فحوصات الزواج محد قالي عرفت لما شفت اللي خاطبني يعمي زوجي الحين شفته قدامي بالمستشفى عرفت السالفة تزوجت وعااادي
زممكن امج تبي مصلحتج زي ماقالوا وانا رأيي من رأي اللي قبلي والله يوفقج ان شاء الله


__________________________________________________ __________

طيب قولى لخالتك وهى تقنعها او بنت خالتك وخليها تفهم منها الموضوع


__________________________________________________ __________

السلام عليكم ورحمة الله وبركاته
عزيزتي
المفروض اول ما الشاب اعطاك الهديه .. تروحين تقولين لماما انك اخذتي الهديه لانك عرفتي انها موافقه .. وبهالحاله تكونين ضربتي اكثر من عصفور بحجر واحد
اولا
تبينين لماما انك عرفتي
ثانيا
تكسرين الحاجز اللي بينك وبين ماما وهذا اهم شيء
ثالثا
تبينين لماما انك عرفتي بالخطبه .. وكلمه ورا كلمه تقولين لها ان اهل العريس قالولك ..
وشوفي ردة فعلها
مامعقوله راح تضربك بعصا اذا تكلمتي وياها بطريقه لطيفه وهادئه

بالتوفيق عزيزتي