عنوان الموضوع : غلطة وندمانه عليها مجابة
مقدم من طرف منتديات نساء الجزائر

غلطة وندمانه عليها



السلام عليكم

اممم اول مرة اكتب في هل لقسم وانا اكتب بالجوال ونفسيتي زفت يعني ان شالله تفهمون عليه

اول شي يمكن تقولون لاحول بلاهم هذول لانه توه قريت مشكله قريبه من هالمشكله

بقولهم في البدايه انا ندمانة ع كل شي ف ياليت لحد يقولي الغلط منك ومادري وش لاني ادري الغلط مني


بقولكم القصه من البدايه وان شالله مااندم لاني كتبت لكم

المشكله انه انا تعرفت ع بنت من احد المنتديات وقلت لها انه عندي اخ ومدري ايش وقالت لي انه تحبه ومن هالكلام وأساسا كذب ماعندي هالاخ به الاسم
وانا جلست أكلمها ع اساس انه ولد ومادري ايش ادري اني غلطا بس مدري ليش سويت كذا

المهم استمر هلـا حال تكلم شخصيتين وفتره بقينا ع هالحال

وبعدين انا تعلقت في البنت وحبيتها وحتا انه هي ترويني صورها وانا اوريها صوري وكذا وتعلقت فيها بقوه وسارت اختي مؤ بس صحبتي وسارت تقولي كل شي عنها وكل ما تتضايق انا أواسيها وكانت فوق راسي ولاعمري ذليتها او شي وكنت دايم ادافع عنها لما تتضايق من صحباتها وأشوفها هي ع الصح

وكانت تقولي انها ماتشل في خاطري ع حد ولا ازعل من احد مهما سار
وبعد تقولي كيف تتعامل مع صحبتها الْي غدرا بها ومادري ايش

وكنت دايم ادعي ل ربي انها تعرف للحقيقه بدون ماتنجرح كثير ودايم ادعي ربي اننا مانفترق ويجمعنا في الجنه

ومرة صليت الفجر ودعيت نفس الدعاء ودخلت المسن وكتبت لها كل شي لاني ماقدر اكمل ولاشي حاولت ابتعد عنها بدون ماقول لها شي ابتعدت عنها شهر

وما قدرت وربي ماقدرت أنساها وبعدين دخلت المسن ولقيت حالها معفوص فوق تحت

وتعبانه ومريضة ومادري ايش المهم قلت برجع لها

المهم لما انا كتبت لها كل شي طبعا بعد فتره من لما تركتها شهر

كانت هي مؤ موجودة ع المسن وكتبت ومادري ايش. كتبت هي آناي ماعندك قلب ومن هالكلام

قلت لها انا احين مابا شي منك وربي لو تبغي اني ابتعد عنك وبترتاحين عادي المهم انك تسامحيني وماتزعلي كثير ومن هالكلام

وقالت لاعادي وانا قلت لك ما يفرقنا إلا الموت وانا حمدت ربي وشكرته وصليت ركعتين وكذا

وانا بعد من اسباب اني مقلت لها لانها مرة كانت بتنتحر ومادري ايش وانا هداتها وكذا بعد فتره عرفت من اختها انها حاولت بس الله ستر عليها وانا جمدت ربي انه ماسار لها شي وكل يوم انا اساسا اقول يارب استودعتك فلأنه

المهم بعد فتره من اعترفت لها انقلبت عليه وتقولي كله منك ومادري ايش وسارت تكتب برروسنالت في المسن حقها عني تقصدني فيها وكذا وترسل لي كلام يجرح

وانا لي فتره وانا اعتذر لها ودايم هي تجرح وبس وتذلني ويوم اقولها ليش تذلني وانتي تقولي انك مسامحتني

تقولي انا ابويه مارباني اني اذا احد اما اقولها خلاص حقك عليه لانه ايش اقولها لاني انا الغلطانه وهي دخلت طرف ثالث في الموضوع مع انها قالت لي مابقول لاحد ومحد له خص انا ماقلت لها لاتقولي لاحد

المهم الطرف الثالث وقف معايه ومعاها لانه انا اعتذرت مليون مرة وحاولت اعوضها وكل شي بس هي صاده


وسارت لها فتره بس تجرح وتخاصم وتذل ومن هالتوبيكات وماعرف ايش وترسل رسائل خصام وانا ساكته وارد لها ببرود وأتأسف هي تخاصم وانا أهديها وأتأسف

انا ما عمري ذليتها ماعمري خاصمتها كذا صح اني كذبت عليها بس ماسويت كذا فيها

وبعد فتره من الخصام تاسفت هي وانا قلتلها خلاص ماسار شي وللحين ادعي ربي نبقى صاحبات وتتحسن هالصداقه

وهاليومين سرت احيانا اقولها وحشتيني ماترد عليه بس قبل لو يوم مادخلت المسن تكتب في التوبيك وينك ومادري ايش ووحشيتي اما الحين لا

وسارت تخاصمني كمان وكتبت توليك فيه كلمات بعدين سبه انا عرفت انها لي وبعدين كلمتها عادي كأني ماشفتها وبعدين كتبت لي الكلام في المحادثه قلت ترا انا ادري انها لي قالت ايوا احسن دامك فهمتيها

احين مادري ايش اسوي معاها استشرت صحباتي قالولي دامك اعتذرتي وذلتك هذي مؤ صاحبه سيبيها بس انا مؤ قادرة انا احبها وأعدها وما تغيرت معزتها عندي

مادري اتركها ولا كيف لانه انا الغلطانه وبعد ماقدر اتركها وربي صعب عليه

أبا أراضيها

ومحد يخاصمني لو سمحتوا لانه نفسيتي زفت ومالي غيركم بعد الله

ولاتزيدوني هم وساعدوني


وآسفه لاني طولت عليكم كثير ادري

>>>>> ردود الأعضـــــــــــــــــــاء على الموضوع <<<<<
==================================


حتى لو خبرتيها انك بنت زيها
الشيطان موجود وبيدخلكم من ابواب ثانية
انتي ندمتي وتبتي واعتذرتي
والي سويتية خطا بعينة بس هم تستاهل اهي شلون تثق بشاب ولا نت بعد
الموهم انا انصحك تحذفيها من عندك وتستغفري الله كثيررر
وتدعي لها ان الله يجبر بخاطرها زي ماكسرتية
حاسة فيك يالغلاء ماقول الا الله يريح قلبك ويفرج همك


__________________________________________________ __________

خلاص انا اشوف انك تنسحبي من حياتها و شيلي كل شي يربطك فيها احذفيها من المسن


__________________________________________________ __________

ارسلي لها رساله وقوليلها انا اعتذرت منك
وعارفه اني غلطانه بس انتي جالسه تهينيني
وتكتبي توبيكات
وانا ما اقدر استحمل اكثر يا ريت تسامحيني مره تانيه
وانا بحذفك لان انتي مو راضيه تقبلي اعتذاري ومع السلامه
وشوفي ردها لو كلمتك كانه مافي شي خلاص بس لو ما همها احذفيها وما عليكي منها


__________________________________________________ __________

اسمحي لي
هذا كلووو لعب اطفال وشغل مراهقين


__________________________________________________ __________

يامثبت العقوول ثبتنا
اقوول ماصارت هالبنات كل يووم سالفه والله استغرب بعضهم اكبر مني وين الخوف م الله ومراقبته ف كل صغيره وكبيره انتي المفروض تنسين هالبنت والاحسن تحذفين المسن ::
انتبهي مووكل مره تسلم الجره