عنوان الموضوع : زوجى المحترم وألفاظه البشعة -لصحتك
مقدم من طرف منتديات نساء الجزائر

زوجى المحترم وألفاظه البشعة



السلام عليكم ورحمة الله وبركاته

انا صراحة وصلت من الضيقة مالله به عليم

طفشت من اسلوب زوجي معي والفاظه البذيئة ... ما تتخيلون كيف ينفس عن غضبه فيني بأوسخ العبارات .. حتى صرت احقد عليه .. احيانا اذا ماعجبه رأيي انتقدني بعقلي واني غبية وهلم جرا من الالفاظ ..
و الشيء اكبر انو يقول لي كلام جنسيه فظظييعه لدرجه اني كرهت الجماع بسبب هذا الكلمات
و يقول لي قدام ابني و ابني عمره 5 شهووور
الف مرة قلتلو و نصحتوووو بس ما نفع
الصراحة تعبت نفسيا .. وفكرت كثير الطلاق .. وهذا الموضوع ماخفيكم جاب ليه امراض من كثر ماني متضايقة منه ..


ارجوووووووكم ارججججججججججوكم انزلو مووضوعي

>>>>> ردود الأعضـــــــــــــــــــاء على الموضوع <<<<<
==================================


الله يعينك ويصبرك

وربي تعاطفت معك
من كثر مااشوف مثل موضوعك كرهت الزواج

الله يحنن قلبه عليك


__________________________________________________ __________

حبيبتي لاتفكري في الطلاق عشان ولدك لساتو صغير وان شاء الله بيكبر شوي وزوجك مارح يقدر يقول هيك ألفاظ قدامو وانتي مالك الا انك تدعي لو بالهدايه والصلاح


__________________________________________________ __________

لا اله الا الله .. ياربي استغفر الله العظيم،، حبيبتي شنو اصلا يخليه يغضب.. طالما عارفه ان النقاش معاه عقيم تفاديه احسن اذا انتي عارفه نتيجة النقاش وياه سب وشتم ،، وابعدي عن اي شيء يخليه يغضب او يعصب،، واذا شفتيه معصب ومتسبب ابعدي عن وجهه واسكتي عنه ليما يهدئ ،، انشغلي عنه في حال تواجده في البيت روحي خلصي بقية اشغالج بالمطبخ في غرفة الغسيل بالكوي تطبيق ملابس مسح بلاط اهم شي لاتقابلينه ،، واذا كان لج طلبات اختاري توقيت يكون فيه هادي واطلبيه ،، حاولي تتأقلمين مع شخصيته واعرفي نقاط ضعفه وابعدي عن اي شيء يسبب توتر بينكم عشان هالصغير حرام .. في يوم اختاري مناسبه حلوه وسوي اللازم من اكل وحلا وهاتيله هديه واحتفلوا سوا واذا شفتيه مستانس ورايق عاتبيه بحنيه قوليله ان العصبيه مو زينه له راح تجيه امراض بدري بسببها يحاول يمسك اعصابه اكثر ويمسك لسانه لا يتفوه بكلام يجرحك ويجرح شموخه ورجولته بعد،، وانه مو حلوه بحقه يسوي هالتصرفات .. وحياتي انتي شوفي طباخكم ابعدي عن البهارات الحاره والكثير بالاكل وقللي الزيت والملح في طباخج واعطيه سوائل كثيره واعطيه عصير ليمون بارد وبرتقال بين فتره وثانيه وبالليل حاولي تخلينه يشرب يانسون كل هالشغلات تخليه هادي ورايق ،، يعني حاولي تحلين مشكلتج بكل الطرق ياغناتي.. واذا كلش كلش ماتسنع رغم كل محاولاتج .. سويلج زعله بسيطه لبيت اهلج وعاتبيه بالمسجات وخلي احد كبير وفاهم من اهلج يناقشه ويعلمه شنو التقصير عنده ،، وياعمري محد خالي من الهم كلن بقلبه شقى اللي له يافديتج ،، ولاتنسينه من دعائج بعد كل صلاة واثناء كل سجود ترى مايرد القضاء الا الدعاء ،، وعسى ربي يسخره لج ياغلاهم ويولف بين قلبينكم ويزرع محبتج في قلبه اللهم امين واسفه طولت عليج.. دمتي بود


__________________________________________________ __________

برائي مايقول مثل هذا الكلام الاعشانه شايفك احسن منه
بعض الازواج كذا اذا شاف زوجته فاهمه واحسن منه يقول لها انت ماتفهمي يخاف انه تقوله انت كذا وكذا
يبدا يثبت نفسه بطريقه غبيه
انت احسن شي تجنبي تفتحي مواضيع معاه اشغلي لو هو بالبيت لبي له طلباته وبس
وغير كذا اسحبي عليه خليه مع نفسه ولو قالك كلمه تعصبك لاتردي عليه
عليه خليه يحس انك تتجنبيه ومتغيره عليه
بس ياعمري لا تفكري بطلاق وبعدين تندمي
وتخربي بيتك بنفسك حاولي معه لعل الله يهديه
صح صعب بس مافي شي بساهل
الله يهديه ويحنن قلبه عليك


__________________________________________________ __________

الله يعينك ويسخره لك ،رددي يارب رضاك والجنه ولاتنسي قيام الليل ..