عنوان الموضوع : زوجي زعلان مني الطبيب يجيب
مقدم من طرف منتديات نساء الجزائر

زوجي زعلان مني



السلام عليكم
بااقولكم مشكلتي يمكن تلقولها حل محتاره وطفشانه ومو عارفه وش اسوي قبل مده زوجي جا من العمل وهو مركب برنامج واخذ جوالي وركبه لي هو تقريبا يشبه للواتس اب مضافين وكذا وركبته بس ماعجبني ولاعندي مضافين فيه يعني موكثير مركبينه المهم في هالاسبوع صار للبرنامج تحديث وصارالبرنامج يدخل غرف دردشه للي يبي يدخل وزوجي عنده مضافين كثير بس نادر يفتحونه امس شفت البرنامج في جوال،زوجي وشفت انه صار يدخل غرف قلت لزوجي ايش هذا؟ قال اي هذا تحديث جديد صار كذا قلتله وليش؟ خلاص وش تبغى فيه قال يعني انا باادخل دردشه؟ قلت طيب ولو خلاص وش تبغى فيه قال لا ابيه قلت طيب،وسكتت كنا بمطعم انقهررررت وانسدت نفسي وسكت جا الاكل م قدرت اكل طفشت مرررره جالس يقول شفيك وكذا قلتله مافيني شي ووقت جا الاكل ماقدرت اكل بلعت اول لقمه غصب وماقدرت امسك نفسي بكيت وهو جلس يقول لازم تنكدي علينا شفيك الحين حنا طالعين نستانس وانا ساكته مارديت عليه ومارضيت اكل قام زعل وطلبه سفري وطلعنا وهو معصب ويقول انتي لازم تنكدي علينا كله عشان البرنامج خلاص حذفته وانا ساكته مارديت عليه وكل شوي يقول شفيك الحين ومعصب وانا ماارد لين،وصلت البيت جلس يهاوش ماخليتينا نتهنى بالاكل ومدري ايش مارديت عليه ونمت وهو جلس يتفرج شوي ونام حسيته مقهور انا خايفه من البرنامج اخاف اروح عند اهلي ويطفش ويدخل غرف ويتعرف ع بنات وتكبر وهو مقهور مره مدري ليه وانا مقهووره وش يبغى في البرنامج ومو عارفه وش اسوي اكمل زعل لين يراضيني هو واقنعه ان البرنامج مو زين والا اروح انا اراضيه وماكأن شي صار انا احس هو غلط انه يترك برنامج دردشه بجواله والشيطان شاطر وماله حق يعصب ومحتاره مو عارفه وش اسوي

>>>>> ردود الأعضـــــــــــــــــــاء على الموضوع <<<<<
==================================


لا حول ولا قوة إلا بالله , كأنكم بزران !
خلاص لا تسوين شي .. خليه مع الوقت بيرضى ..
الرجال مو مثل الحريم يبون من يراضيهم إذا عصبوا .. بالعكس يحتاج وقت لحد ما يهدى ويرضى من نفسه ..
بعد انتي مالقيتي تبكين إلا بوقت طلعتكم ؟
من جد تنكيد ..
يختي اختاري الاوقات الصح ف كل شي واعرفي كيف تتصرفين !
بعدين إذا ع زوجك وانه طلع واخذ الاكل براا .. وزعل هو
ترا هذا حال غالب الرجال .. يقلب الموضوع عليك ويزعل هو
مع ان الحق معك 100%
عشان كذا طنشي .. خليه يرضى من نفسسسسسسه :/


__________________________________________________ __________

الله يهديك اختي العزيزة
لو جيتية بالمسايسة كان حذف البرنامج قدامك وهو يضحك بعد


__________________________________________________ __________

تبين الصراحه انتي الغلطاانه يعني هو مطلعك تغيرين جو وتفتحوون سوالف حلوووه ولاا عشاان تدورين سبب عشاان تزعلوون من بعض ,, وللمعلووميه الرجل ماايحب ان احد يأمرره ويقووله سووي كذا ,, كاان ممكن تقولين له حبيبي هالبرناامج مو عااجبني وموو مرتااحه له وهوو بيفهم ,, الله يهديك ويووفقك ويسعدكك مع زوجك


__________________________________________________ __________

المشاركة الأصلية كتبت بواسطة خدوج ام خدود
الله يهديك اختي العزيزة
لو جيتية بالمسايسة كان حذف البرنامج قدامك وهو يضحك بعد



__________________________________________________ __________

انا بعد أقول انتي الغلطانة كان المفروض تخلية يمبسط بالطلعة وأنتي قلبتي الطلعة
نكد وبكي فيك شي قاهرك اتركية في وقت ثاني وتكونوا بالبيت استعجلتي بردك على
الموضوع مشكلة اذا ماعندك صبر وكل ماصادفتك مشكلة عطول رحتي تحليها باي
مكان حتى لو مطعم على كذا ماريح تنحل مشاكلك لازم تكوني حكيمة عشان الطرف
الثاني يتقبل النصيحة منك ويقتنع لازم تفمري بالوقت المناسب والمكان المناسب ....
اتمنى ماتزعلي انا صارحتك عشان تاخذي حذرك بالمرات القادمة الان روحي راضية باي
طريقة بس موأعتذار لانك لو اعتذرتي معناه انك راضية عن البرنامج واي كلام بعدين مالة داعي
فانتي شوفي اي حاجة يحبها واعمليها عشان يرضي مثلا اذا سويتي قهوة العصر أو المغرب حسب
الوقت عندكم أعملي معها حلى أو كيك وحاولي تضحكي وتضحكية باي طريقة المهم تفكي الشفرة هههههه
وتخلية ينسى الموقف عادانتي وشطارتك ...