عنوان الموضوع : امى بتروح منى مجابة
مقدم من طرف منتديات نساء الجزائر

امى بتروح منى



السلام عليكم يابنات وكل سنه وانتم طيبين انا عندى مشكله صعبه وارجو ان الله يعينكم وتهدونى لارشد الطرق انا عندى 19 سنه والدى ووالدتى منفصلين ووالدى معرفتهوش الابعد16 سنه وزورته كم مره ومات فى شهر 11سنه2017 ووالدتى اتزوجت وانا عندى8 سنين هو الموضوع مش مشكله واحده هى كذا مشكله فى بعض المشكله الاولى ان زوج امى هو اللى ربانى وعمره ما عاملنى معامله سيئه وانا عنده احسن من ولاده وكان محترم جدا لكن اتغير منذ3 سنين عرف واحده مطلقه ومعاها بنت وبقى يكلمها ووالدتى عرفت ونفسيتها تعبت جدا وهى مخلفه منه ولدين وبنت وهما لسه صغيرين الكبير فى سنه خمسه ابتدائى واللى بعديه فى سنه ثانيه والبنت عندها 3سنين المهم هو مابقاش بيسال فى حد وماما بقت بتشك فيه وهو كل شويه بيضربها ويهددها انها لو قالت لحد من اهلها هيقتلها وكمان بيرمى عليها يمين الطلاق كل شويه وهى اتبقى ليها مره واحده وفى مرتين كانت فى فتره الحيض وكمان بيقول كلام قليل الادب وبيتهمها بافعال سيئه جدا امام جيرانها وهى مش عارفه تعمل ايه هما قاعدين فى شقه ايجار 5 سنين عملت قرد من شغلها 17 الف جنيه خلاها تبيع دهبها 3مرات اى فلوس معاها بياخدها بيقولها انه مديون وهو ماكنش كده انقلب حاله من يوم ماعرف الست التانيه ومانعرفش ايه اللى بينهم عشان العلاقه مستمره 3 سنين كمان ماما مش عارفه تعمل ايه لان الولاد نفسيتهم تعبانه جدا كما ان هى ماتملكش تصرف على 3 ولاد لانه اخد منها كل حاجه وانا مش عايزاها تسيب البيت لان مش عايزه اخواتى يشربوا من نفس الكاس اللى شربته لانى كنت بسافر عند بابا شويه واسافر عند ماما شويه لان كل واحد فى بلد وانا عايشه مع جدى ووالدتى المشكله التانيه ان زوج امى مابيحبش حد يطلعه غلطان وانا جيت اتعاركت معاه لانه كل شويه بيتخانق مع ماما بدون سبب وانا عندها ووالدى كان لسه متوفى وكانت نفسيتى تعبانه ورحت اغير جو عندها وهو ماعمليش اى اعتبار مع انه دايما بيحبنى اروح هناك لكنه اتغير من ناحيتى وبقى يتخانق مع ماما وكل شويه يقولها بنتك...بنتك...بنتك الكلمه دى بضايقنى كتير لانه هو دا اللى ربانى وانا بعتبره ابويا فجاه لقيته اتغير وبقى يقولها ماتخليش حد من اهلك ييجى عندنا وبنتك ماتجيش هنا ولا تكلميها تانى وكسر التليفون علشان ماتكلمنيش ومره رحت عندها بليل قالها انا هسيب البيت لانى كنت عندها مع انى انا مش بشوف ماما الاغير كل اسبوع مره لان شغلها فى البلد اللى احنا عايشين فيها فبتسيب اختى الصغيره عندنا وبتيجى تاخدها بعد الشغل وبتمشى ومابعدش معاها وساعات مابشوفهاش لانى بكون مش فى البيت المشكله الثالثه ان جدى عنده شلل ومابيتحركش ووالدتى ماعندهاش اخوات او اخوال ولا اعمام عشان حد يقف له ويرجع كرامتها اللى جرحها وبعدين هى منعه حد اصلا يتكلم معاه عشان هى خايفه ومش عايزه تخرب البيت علشان الولاد لانه هياخدهم منها واكيد هيتجوز ومافيش حد هيستحمل ولاد جوزها وهى كمان خايفه على شكلى لانى انا بنت وعلى وش خطوبه اكيد ماحدش يوافق يرتبط بواحده امها تكون مطلقه مرتين اكيد هيطلعوا العيب فيها كمان انا بقولها لو جه صالحك على سبيل الافتراض تتفق معاه من اولها على كل حاجه علشان مايرميش عليها يمين الطلاق تانى وش هيبقى فى رجوع هى مش موفقانى على رايى وبتقول اصل طبعه عصبى ومابيديش مجال لحد يتفاهم معاه على فكره والدتى صغيره فى السن وانا وهى اصحاب وبنتكلم كاننا اخوات انا اسفه على الاطاله بس ارجو من الاداره النشر وارجو من اخواتى انهم يساعدونى فى مشكلتى ويدعولى

>>>>> ردود الأعضـــــــــــــــــــاء على الموضوع <<<<<
==================================


ياعمري حاسه فيكي وفيها مع

الله سبحانه وتعالى حط حل لمثل هذه الحاله وهي انهم يتصالحا بمعنى اذا كان الرجل معرض عن الزوجه ومال لامرءه اخرى يريد ان يتزوجها

يترك زوجته الاولى في بيتها وعلى ذمته مقابل ان تعفيه من مصروفها هي (لا اقصد مصروف اولاده طبعا)

وهذا هو الصلح الموجود في القرآن لانه افضل من ان يطلقها ويخرجها من بيته ويلحق بها الاذى من كلام الناس

وربي ييسر اموركم ياعمري


__________________________________________________ __________

الله يسخره لامك ياقلبي عليكي


__________________________________________________ __________

ما بملك إلا انه ادعيلكم الله يسر اموركم ويهدي البال وترجع حياتكم عسل يا رب .


__________________________________________________ __________

والله اليمه حركات زوج امك حسبي الله على واحد مثلهـ مرا مايستحي وقليل ادب وزودها انا اقول لو تطلق والمحكمه ترد لها عيالها وهم صغار بعدين ..! مايخلونه ياخذ حضانتهم الا اذا طلعت اعمارهم 18 سنه اظن كذأإ ..واظن هالقرار طلع بعد ماشافوا تعذيب الاطفال من زوجه الاب المهم من كلامك انتي مصريه والله ماعرف عندكم قرارات مثل كذا والالا ..لكن ماعندي الا ادعي لك الله يكون بعونك

بنات قيموني ...خخخخخخخخخخخخخخخخخخخخخخخخخخخخخخخ

<<بـرا


__________________________________________________ __________

حبيبتي لا تنسي اقوي الاسلحه

الدعاء

قومي في جوف الليل وادعي ربك ان يؤلف بين قلب زوج امك وامك ويصرف عنه غيرها