/ زوجي وشغله والغيره /*** -تم الاجابة

[aksachli]

عنوان الموضوع : / زوجي وشغله والغيره /*** -تم الاجابة
مقدم من طرف منتديات نساء الجزائر

/ زوجي وشغله والغيره /***



السلام عليكم بنات

كيفكم وش اخباركم

بنات انا عندي مشكله

وهيه الغيره

بنات ابي اقول لكم

زوجي طيوب ويمووت فيني بكل ماتتصورونه كل شئ ابيه يجيبه وكل صيف لازم سفر الى اخره


ولاكن هوه عمله مدير مستشفى للقوات المسلحه يعني مستشفى حكومي

عاد انتم تعرفون مستشقيات القوات المسلحه كيف كبيره وضخمه

وهوه المدير والممرضات والدكتورات يعني عادي يسولفون يتصلون عليه في اي وقت حتى خارج اوقات الدوام الي تبي اجازه والي تبي غرض

وانا هنا اولع نار

بنات انا عندي ولد والحمدلله عمره سنه يوم كنت حامل فيه كان مواعيدي عنده وهوه حاط مواعيدي عند احلى دكتوره على قولته ومشاءالله عليها فاهمه

وكان يدخل معي في الموعد وكانة تسولف معه وهذي زوجتك لانهم يعرفونه

وانا كنت مولعه نار على انه يكون بحدود يعني مو مره لانهم هم الي يحاولون يحتكون فيه هوه شبه رسمي معهم

وقبل شهر
في الليل اتصلت على عمتي الي هيه امه واسولف معها وقالت ان عندها موعد بكره في نفس المستشفى الي زوجي فيه فقلت انا راح اروح معك لاني احبها وايد واشوفها مثل امي
قلت خلاص الساعه 8 صباح تلاقيني جاهزه لان عندها سواق هيه فقلت لاتقولين لفلان مابيه يدري جلسة تضحك وتقول انتي تبي تروحي معي لانك خايفه علي او تبي تشوفين زوجك كيف علاقاته قلت انا كلها بس لاتقولي له ماقالت له لانها وايد طيبه واقول لها كل اسراري
راح زوجي لدوامه مابيعرف شئ جاتني عمتي ورحت معها كانت في الاستراحه تنتظر فقلت لها عمتي ابي اروح اشوف فلان قالت اوكي بس شوفيه من بعيد لايشوفك الى فاخر شئ قلت طيب فرحت انا اعرف مكتبه فين وصلت لمكتبه ولقيت بنات ممرضات جالسات عنده وهوه جالس يشرب قهوه وهم جالسين جلست اراقب شوي قامو كلهم ويمشون في ممر رايحين لعياده وهم يمشون وحده منهم تحاول تقرب منه وتمشك يده انا اناظر وهوه يبعد عنها
ويمشي بسرعه مايبيها تقرب منه وهيه حيوانه تبيه باي طريقه ظليت وراهم جاء عند العياده وكتب ورقه ورجع لوحده ويقول لها من بعيد خلاص الورقه شوفيها على المكتب فراح لمكتبه انا وايد تضايقة على انه مو بيده الي انا شفته منها هيه ولاكن جلست ابكي ورحت لعمتي وقلت لها كل الي شفته انه يبعد عنها وهيه تحاول تقرب منه ال اخره فقالت عمتي اوكي احنا عارفين ان الغلط منها هيه هوه ماسوا شئ ولاكن اروح الحين معك لمكتبه اعلمه الادب وربي فرحت خلصت موعدها ورحنا مكتبه ودخلنا وهوه في البدايه ماعرفنا وجلست عمتي الي هيه امه تقول انت ماتستحي زوجتك عرفة كل شئ فقال هيه وش جابها هنا انا مافيه شئ اخبيه وطلعت عمتي فقال لحظه اخلص الورقه واوصلكم عمتي زعلت معي فقالت لا سواقي عندي مابي منك شئ يطالع فيني بنظرات غريبه هوه لو امه مو موجوده كان اكلني انا رحت مع عمتي يوم ركنا واحنا في الطريق قالت عمتي لي والله زوجك ولدي واعرفه من زمان مو راعي الخرابيط هذي وانتي شفتيه بعد يوم يبعد عنها بس انا هاوشته من شان يقف عند حده ولايختلط بهم جاء زوجي وقالتي انتي طالعه من البيت بدون علمي وهذي ماراح اقول فيها شئ لانك رحتي مع امي وخذيتي امي في صفك وتراقبيني وكانك مو واثقه فيني انا راح اقول لاعمي شوف لي حل مع بنتك هذي الغيره عمتها وحتى شغلي ماتبيني اشتغل ودخل الغرفه وهوه زعلان مني وبعد يومين جاء ابوي عندي اثره من جده راح وقال له وجاني ابوي وقال انتي ماتستحي على وجهك الرجال مو مقصر عليك بشئ كل شئ تبينه عندك وسمعته مشاءالله عليها كل واحد يمدحه ويحبك لاتهمدين بيتك بيدك وبنسبه للبنات هذا شغله كلهم دكتورات ودكاتره وهوه يحبك ويمشيكي والله انه جاني يقول تكفى ياعمي بنتك تبي تجلسني عندها حتى شغلي ماتبيني اروح له والله انه يقول انا احبها وامووت فيها وهيه كل شئ بحياتي وانا هذا شغلي وش اسوي فقال ابوي انا اكلمها انا قلت بحدود مو مسخره فقال وجاء زوجي وجلس وقال شفت ياعمي هم يتصون علي وش اقول لهم اقول لهم كلو تراب ولعاد تتصلو علي هذا بيتك الي تبيه

هنا راح ابوي وجلس هوه وقال افهمي انتي شفتيها يوم تقرب مني وانا ابعد وقالي شئ قال انا لو افكر في الخرابيط الي انتي تفكري فيها وربي ماراح تعرفي شئ ولاكن انا ماعندي شئ اخبيه عند هم يتصلون علي وانتي جالسه مااطلع برا من شان اكلم اكلمهم عندك ماعندي شئ اخبيه

بس ابي حل مع الغيره ابي اتخلص منها

>>>>> ردود الأعضـــــــــــــــــــاء على الموضوع <<<<<
==================================

الله يعينك بس واضح من كلامك ان زوجك واحد محترم ومايعطيهن وجه لكن مسكين مابيده شيء هو كذا شغله مافي حل الا انك تتقبلين الوضع الحالي وتعودين نفسك عليه ولاتزورينه بالمستشفى قد ماتقدرين لانك بتتعبين وعلى راي المثل للي يقول ان ما طاعك الزمان والا اطعه (اي طيعه ) موفقه

__________________________________________________ __________

المشاركة الأصلية كتبت بواسطة عذيب الارواح الله يعينك بس واضح من كلامك ان زوجك واحد محترم ومايعطيهن وجه لكن مسكين مابيده شيء هو كذا شغله مافي حل الا انك تتقبلين الوضع الحالي وتعودين نفسك عليه ولاتزورينه بالمستشفى قد ماتقدرين لانك بتتعبين وعلى راي المثل للي يقول ان ما طاعك الزمان والا اطعه (اي طيعه ) موفقه

__________________________________________________ __________

يا لامس الجمر من برد الوصل لفه

__________________________________________________ __________

الله يعينك

__________________________________________________ __________

وين الباقين..؟

صج هوه وايد محترم مايبيهم ولايختلط بهم بس المشكله منهم هم الي يتلزقون فيه حسبي الله عليهم