عنوان الموضوع : زوجي يضربني ويهيني ويشك باخلاقي ويرجع ولاكأن شي صار -لصحتك
مقدم من طرف منتديات نساء الجزائر

زوجي يضربني ويهيني ويشك باخلاقي ويرجع ولاكأن شي صار



السلام عليكم ورحمة الله وبركاته
مشكلتي واللي مكدر صفو حياتي زوجي يضربني كفوف على اتفه الاسباب ومرات يضربني كفوف برجله على وجهي
ويهزئني ويهين كرامتي ويشبهني بالحمار اللي يجي بالضرب والمذله
,,,,,,,,,,
متزوجه لي سنه و7 شهور حامل بالخامس
اول مشكله بعد زواجي بشهرين خبرت اهلي وكلموه اعتدل شهرين وراح يقول كثييير اني انا ما احافظ على اسرار بيتي ووصل الخبر لاهل زوجي وراحو يرموا كلام لازم تحافظي على اسراربيتك ومن هالكلام ان الحرمه يحبها زوجها وتكبر بعينه اذا حافظت على اسرار زوجها
طبعا انا في النهايه صرت الغلطانه( سبحان الله )
ولدهم يغلط ويضرب واصير انا اللي ما احافظ على بيتي
المهم عاهدت نفسي ما راح اخبر اهلي بشيء نهايئاً وصار يذكرني ف الطالعه والنازله اني انا اخبر اهلي بكل شي طبعا كرهت نفسي

مرت الايام صار يضربني على اتفه الاسباب ويهزئ بشكل جارح ويتلفظ علي بكلام قاسي مثل اني غبيه ..حماره..خبله ماتعرفي لشي,,انتي ولا شي..
ولدرجة صار يكرهني باهلي يقول اهلك مايحترموك حتى الصغار يتلفظوا عليك بكلام وانتي مثل الخبله تضحكي بوجههم انتي مثل الشغاله عندهم (عشان رحت العيد عندهم وطلعوا امي وابوي واخواني للديره يسلموا على اهلنا وصرت انا واخواتي الصغار ف البيت )
طبعا انا اسكت اذا صار يهزئ لاني لوتكلمت راح يضرب
صرت اخاف منه ما احس بالامان معه
يزعل ويصرخ ويهاوش ويضرب وانا سااكته يزعل يومين واذا رجع انا اكون ناسيه الموضوع او اتناساه

اخر مشكله قبل 3 ايام
كلمت الجامعه قسم رجال عشان اخلص معاملتي بعد ما قفلت دقيت عليه ع طول وخبرته باللي صار ماقالي شي
بعدها بيومين دق عليه ورديت عليه صار يتكلم ويقول عدلي صوتك وارفعيه لاتصيري خبله ورمه خليك حرمه و كلمه قالها بس والله نسيت
طبها انا ابغى اخفف من عصبيته ضحكت بهدوء وقلت (مايصير ادلع عليك)
عصب وصار يزيد ف الكلام الجارح
طبعا انا انقهرت وقلت (اصلا غلطان اللي يدلع عليك)
قال مع السلامه وقفل بوجهي
طبعا جاء ف الليل وانا ما وضحت له اني زعلانه صرت اسولف معه واخذ اخباره
قال من كلمك اليوم قلت امي ووحده من اخواتي عشان اسجلها في حافز

صار يضحك ويقول: طيب اهلك درو عن حافز
قلت: ايه درو
قال: طيب مين اللي شحدك منهم
انا انقهرت من الكلمه
طنشته وطلعت من الغرفه
بعد مارجعت قال: ومايخليك للي ف بطنك احد شحدك من اهللك؟
طبعا هو حلفني باللي ببطني وقلت له :الكلمه ذي عيب واهلي ماهم بحاجتها
قال :لا انا قصدي مين اللي طلبك
قلت: امي دقت عليه وتمزح معي تقول ابيها كلها

ودق عليه اخوي عشان اكمل بيانات اختي
قال :ليه ما خبرتيني ان اخوك دق عليك
قلت له:كلمني قبل لاتجي بنص ساعه

صار يهزئ وانتي ما حافظتي على بيتي تكلمين الغرب وتميعين صوتك وصار يشكك باخلاقي ولاتعلميني وانتي كذابه ما صرت اثق فيك
حاولت اناقشه بس مافيه فايده تكلمت معاه قال لاترفعي صوتك علي
سكت لان النقاش معه عقيم واخذ تليفون البيت والجوال معاه ومن البكره رجع الجوال بس
ومن يومها هو ينام بحاله ولايكلمني نهايئا
من اليوم الثاني ناداني فجاة وقال منتي مشتاقه لاهلك انا بوديك لاهلك لين تعقلين وترجعين من نفسك اني خطبت بنت ووافقوا اهلها طبعا اخذنا نتناقش ماعجبه النقاش قام يرمي علي كل اللي عنده وضربني كف وكسر جوالي وعاقبني مافيه نوم لين الفجر عشان اقومه للعمل
اهم شي نام الاخ وانا جالسه على الكنبه ابكي بهدووووء اذن الفجر صحيته ناداني لفراشه وصار اللي صار(#####)
راح للعمل وهو معصب عشان ماجاريته ف الجماع لاني مغصوبه
جاء من العمل يغني ويسولف معي وانا مطنشه شايف يدي فيها كدمات من ضرب البارح راح للصيدليه وجاب مرهم ودهن يدي وباسها طبعا انا مطنشته
طلعت من الغرفه لحقني وضمني وباس راسي انا هنا جلست ا بكي فتره طويله
نسيت او تناسيت اللي صار ورجعت ايامنا احلى من اول
بس اللي تاعبني كيف اخليه يتوب عن ضربي هل اخبر اهلي احس حياااتي جحيم صدق اضحك واسولف معاه بس القلب ميييييت ومكسوره
وبصراحة انا اخاف منه موووووت


تعبت معاه والله من شهر رمضان واحنا بمشاكل

ابي نصايحكم بليززز والله نفسيتي سيئه وبس ابكي وما صرت اهتم بحملي (اول حمل )

>>>>> ردود الأعضـــــــــــــــــــاء على الموضوع <<<<<
==================================


حسبي الله ونعم الوكيل بسس ,, يا اختي المفروض انكـ رجعتي وخبرتي اهلك انه مازال يضربك وماتغير عن قبل وماعليكِ من كلآمه هو عارف نفسه انه غلطان ولا لو انه موغلطان مايزعل منكِ لانكـ خبرتي اهلك لأشاف انك ساكته بيزيد وبيكررها مرتين وعشر اهتمي بنفسك !!! كيف تسكتين وخصوصآ انكـ حامل واول حمل لكِ الله يكون بعونك ويسهلك امورك ان شاء الله وتولدين با السلامه,,
الصراحه انا فاهمه نوعية زوجكـ مايبي زوجته تتناقش معاه الي يبيه هو بيصير وبس وما ابي احد يقوله هدا الشيء صح ولا غلط ,, ( ليهه يجي يخبرك انه بيتزوج عليك وانتي حامل ومالكم الا سنه متزوجين بس ) حسبي الله فيه بس ويقولك ابوديك لاهلك حتى تعقلين وترجعين من نفسك وانتي وش سويتي معاه حسب كلآمكـ انتي ماغلطتي معه با العكس صابره ومستحمله اغلآطه بحقك شك وضرب !!!! الصراحه غريبه ما ني فاهمه بس انصحك انك ماتسكتين وخصوصآآآآ انك الآن حامل , وممكن يضرك انتي وجنينك لآبد من تدخل اي احد فآهم انتي ادرى عآد يا اختي والله يكون بعونك وحسبي الله في الي كآن السبب ,, حاولي تهدين اعصابك ووتهتمين بنفسك هدي الفتره مهمه لكٍ .


__________________________________________________ __________

هذا مو انسان وانتي غلطانه انك سكتي له ليش ياماما مو ماخذك من الشارع من بكره لمي عفشك وعند اهلك لو على كلام ما عليش الكلام يروح مع الريح ولو الجرح صعب ينسى لكن ضرب واهانه وتجريح لا والله الله لا يرده وغيره الف واللي في بطنك ربي يرزقه ........وجهة نظري
تحياااااااتي


__________________________________________________ __________

لو انا مكانك لايمكن اقعد عنده
اهم شي كرامتي فو ق كل اعتبار
ولو بيتزوج خله يروح ويشوف مين الليراح يتحمله
لانه مريض موصاحي
ولو اثار الكدمات ما زالت موجوده لازم تروحي للشرطة
ولا لجمعيه حقوق الانسان ياخذولك حقك
رجاءا لاترضين على نفسك الاهانة
اذا ماتبغين الطلاق وقفيه عند حده باي شكل من الاشكال

وجهة نظري فقط لاغير
وانت حرة بحياتك ونت ادرى بظروفك ووضعك
ربي يفرجها عليك


__________________________________________________ __________

اختي سؤال الهدرجه تحبينه او ما ادري وش اسمي صبرك¿
الزواج انك تحس بالامان براحه هرجال خلك تشوفين انجوم بعز الظهر يا اختي الرجال هاين كرامتك ومعذبك
يضربك وانتي حامل طيب ليه ابكي عليك او اضحك علي استسلمك وكان جلدك تعود
طيب وش تبين اقوال ياعمري يضربك وانتي ساكته متي بتتركينه ايذا كسر رقبك حسبي الله ونعم الوكيل فيه **


__________________________________________________ __________

آلله يععععينك كيف تحملتيييييه .. آذا بقىآ
ع ذا آلحال ومآعقل خذي آغراضضضك وروحي آهلك ولا ترجععععي إلا
لمآ يننننعدل ويسير يحترمك ومايمد يده عليييك آببببد ..
بتوفيق حبيبتي ..