عنوان الموضوع : زوجة أخوي بزرة صغيرة في السن
مقدم من طرف منتديات نساء الجزائر

زوجة أخوي بزرة صغيرة في السن




السلام عليكم

مثل ماهو واضح في العنوان احنا زوجة اخوي صغيرة في العمر

وتصرفاتها بزورة حدها

احنا عادات العايلة لازلنا متمسكين فيها وهي البنت لولد عمها طال الزمن

والا القصر حتى لو يكون متزوج تكون الثانية

او حتى الثالثة بس ماتتزوج غريب

المهم اخوي الكبير عمره تقريبا 27سنة خطب بنت عمي وهي صغيرة في المتوسط وعمرها

15 سنة عشان مانخالف الأصول طيب..

عمي فرح كثير وتزوجوا وصار لهم 4 شهور متزوجين وهم معنا في البيت لكن شقة

مستقلة ..

المشكلة انها لسى صغيرة في تصرفاتها وماتعرف تدبر شي في البيت ولاتطبخ ابدا

امي تطبخ وتعطيهم كل يوم وحاولت كذا مرة اني اعلمها ايش المفروض تسوي وكذا

بس ماتطبق تقهر تخيلوا يجي اخوي من العمل وهي جالسة عندنا في الصالة وينحز

ويقمز لها يقومون شقتهم وهي مو فاهمة اناا افهم

وهي لأ تظل جالسة.... ولما اجلس معها

تقولي ايش اللي يحصل بينهم كزوجين وتفصل الكلام

اقول لها مايجوز خليها بينكم

وترجع يوم ثاني تقولي البارحة صار .... واحيان امي تكون جنبنا

شلون ماتستحي قدام خالتها تتكلم كذا وانا خايفة هذا اسلوبها يعني تتكلم برا

البيت عن خصوصياتهم وتنشر الغسيل..

اخوي كلم امي البارح علموها تتسنع وتتنظف لانه صج طفش منها حتى النظافة

مو حيل مهتمة تجلس جنب اخوي بجلابية ويمر عليها يوم كامل ماتمشط شعرها

ولاتعرف العطور والمكياج..

كيف انصحها لانها تسمعني بس ماتطبق واخوي لما شافها كذا قال لها نأجل الحمل

لين ناخذ على بعض لكن الصراحة هو يبيها تتسنع عشان مايتوهق بالعيال لو ماحصل

نصيب وتفاهموا..

ودي اساعدها عشان اخوي وعشانها بنت عمي وانا اكبر منها عممري 20 سنة..

>>>>> ردود الأعضـــــــــــــــــــاء على الموضوع <<<<<
==================================


ياعمري هذي توها جاهل وربي تلاقين اكبر همها تلعب ويمكن لازالت تتابع ام بي سي ثري،، حبيبتي علميها بالهداوه ولو عندها خوات كبار خليهم يساعدونج عليها او كلمي امها تعلمها مافيها شي لمصلحة بنتها،، والاحسن خلي اخوج فعلا يشيل فطرة العيال بالمره من راسه زوجته بروحها تبي من يربيها،، ياعمري طولي بالج عليها. وخليها تقرا مواضيع المنتديات عن سنع المتزوجات وكيف يعاملون ازواجهم ومافيها شي خرعيها قوليلها انه ممكن يتزوج عليج ياحظي اخرشيها صج بيطلع قلبها والله خخخخخ ،، وخلي اخوج يطول باله البنت توها صغيره ولابعد عرفت قيمة الزواج ،، خليه هو يطلب منها تلبس ويساعدها شنو تختار وعلموها الطباخ بالتدريج مره بعد مره بتتعلم عشان تعتمد على نفسها ولا تتعود على مساعدة خالتها لها مايصير ياعمري ،، صدقيني شوي شوي بتتعلم بس يبيلها طولت بال الشغله موفقه والله يعطيج على قد نيتج ان قدرتي تساعدينها وباين انج بنت قلبج طيب ربي يرزقج الزوج اللي يستاهلج يارب.


__________________________________________________ __________

الي زوجها ظلمها

مالكم الا الصبر والتربيه بالحسنى

وقبل يجي اخوك طلعيها شقتها وساعديها تزهب كلشي

ولاخلصتن وريها شتلبس وبودريها وزينيها وامدحيها

وقوليله شوف يوم لبستي زنتي وطلع وجهك احلى من يومك بالجلابيه

وهه وهه لين تتعود والله ياخذ بيدها

ومالكم الا اجر

و مثل ما احسنتي لها بترجع لك

والحمل يأجلونه موب عشان النيه الشينه الله لا يكتبها

عشان يكبر جسم هالضعيفه وتتحمل

مو يذبحها البزر والا يشقون بطنها عشان يظهر

وعلى هونكم

والله ان امها وابوها توثموا فيها

خلكم رحومين واوقفوا مع هالمسكينه الي ابتلت ولا تمتعت بطفولتها

وعطوها مساحه تلهى وتلعب لاتحاصرونها بالمسئوليات تكبر متعقده وكاره الزواج وساعته

وعزي عنها


__________________________________________________ __________

يوووو اختي الله يعينكم ويعين اخووك

ويعينهاا المسكينة ماتهنت بطفولتها

ساعديها خطوة بخطوة الله يجزاك خير وتتزوجين ازوج الصالح


__________________________________________________ __________

حـــــــــــــــــرام متـــــــــى تندثر هالعادات الخاطئة الله يعينكم

البنت عنـــــــدكم مدفونه بالحياة

خليه يتــــــــحمل لين تكـــــــــبر

يربيــــــــــها على يده

مهما قلتي مارح تفـــــــهم

لانه عقلها صغــــــــير


__________________________________________________ __________

هدمتوا طفولتها لا حول ولا قوة الا بالله