دار المسنين
عنوان الموضوع : دار المسنين
مقدم من طرف منتديات نساء الجزائر
دار المسنين
السلام عليكم حمة الله وبركاته
اتمنى اولاً من الاداره اسرعه في وضع موضوعي لانني بحاله نفسيه سيئه احتاج من يوجهني وينصحني ويوسيني
انا امراه عمري 47سنه غير متزوجه ولم يسبق لي الزواج من قبل
بقولكم قصتي عطوني حل
لما كنت في المتوسطه تعبت امي وظطريت اني اترك الدراسه عشان امي واخواني من يشوفهم من يقوم فيهم طبعاً ابوي تزوج بعد مرض امي لانها كانت مريضه ماتدري الله يرحمه عن شي
عندي اخوان صغار وانا اكبر وحده فيهم
اهتميت بخواني وربيتهم وحرصت عليهم لدرجة ينادوني يمه ماكان عندي هم غيرهم تقدمو لي الكثير والكثير من الخطاب بس كنت ارفض لان اخواني وامي اهم شي اخاف اتزوج وين يرحون الصغار وقتها كان عمري 16 سنه حاولت ان اكمل دراستي منازل لاني كنت شاطره بالمدرسه ومديرة المدرسه جتني البيت وكلمت خالتي وطلبت مني هذا الشي الله يجزاها الجنه
كبرت وكبرو اخواني طبعاً ابوي مايسال عننا الله يرحمه ماتت امي بس لسى اخواني مازالو مراهقين
ومحتاجين مصاريف كثيره ويادوب المصروف الي يعطينا ابوي يكفينا اكل وشرب بس
اشتغلت وراتبي والله ماكنت اشوف منه ولا ريال كان كله لهم وكنت مبسوطه والحمدالله مو ندمانه ولاشي
تخرجو اخواني من الجامعه وتوظفو وزوجت اخواتي البنات الحمدالله تطمنت عليهم
وتزوجو اخواني الحمدالله
المشكله الحين محد يبغاني هذا الواقع انا صرت متنقله بين اخواني بحكم ماعندنا بيت ملك والله عمري ماتدخلت بينهم وبين حريمهم اجي البيت الواحد فيهم حتى الغرفه ماطلع منها
زوجة اخوي الصغير المفروض انها كبر عيالي تعاملني معامله قاسيه بس انا مارد عليها لاني ادري اذ رديت عليها راح اخسر اخوي لامو اخوي ولدي راح اخسره وانا مابغى شي يفرق بينا مابغى اندم على العمر الي راح بتربيتهم
يعني لما اروح عند اي واحد من اخواني يعملوني حريمهم معامله قاسيه مثل الخدامه يخلوني اشتغل وانظف انا ماعندي مانع بشغل وتنظيف بالعكس بس يكون بيني وبينها الشغل
اما اكبر العيال هاذي حرمته ماتخليني اطلع من غرفتي اذ جيت عندهم وكل ماتناظرني تقلب وجهها وتنافخ حتى اعيالها ماتخليني امسكهم ولااجلس معاهم على سفره وحده بحجة اني اكل بيدي وماتبغى عيالها يشفوني كذا لانها هي تعلم وتربي وانا اخرب لاسف اخوي هو الي طلب بعد مني كذا عشان العيال
تعبت وكرهت عمري ليه كذا يسون فيني
خواتي او بناتي بمعنى اصح حنونات معاي بس صعبه علي اروح اعيش عند وحده فيهم
الاولى عايشه عند حموله
والثانيه مع زوجها يدرس برا
وظيفتي الي من زمان هي كانت وظيفه تعب ومكده والراتب قليل عشان بس اخواني
والحين انا جالسه في البيت
وحده من حريم اخواني طردتني من بيتها والسبب تافه كان عندها عزومه وانا من القافه طلعت حبيت اني استانس وانبسطت مليت من الحشره وطلعت والكل يسال من اكبر انا ولا هي ولما قلت انا انصدمو قالو باين زوجة اخوك اكبر عاد تكلمت زوجة اخوي قالت ترا عمرها 47 سنه مو متزوجه يعني لاتنخدعون فيها حنا تعبونا الرجال والحمل والولاده وهي مرتاحه اكيد بيصير شكلها بالعشرين قالو حتى ولو الملامح والشكل واضح ماشاء الله ان شاء الله بناتك يطلعون مثلها عاد هي قالت لا ان شاء الله مابغاهم عوانس على قلبي كافي وحده بالعايله
اااااااااااااااه ياخواتي وبعدها بكم يوم قالت بيتي يتعذرك يانا يانتي في هذا البيت فشلتيني عند صاحباتي وترا هم قالولي كانو يبغون يرفعون معنوياتك مايفشلونك
وطلعت وصرت متنقله بين الصغير والكبير وكل وحده الله يهديه
شسوي يابنات ردو علي
انا ادري ان قطار الزواج فاتني وماراح اتزوج الحين كل الي يتقدمون لي يبغون ممرظه مو زوجه
فكرت اني اروح دار مسنين قالولي شلون الطريقه وين اوصلهم وهل يقبلون مثل حالتي ردو علي مافي احد اقدر استفسر منهم غيركم تدرون والله ماطلع ولا اجي ولا اروح ولاشوف احد مليت مليت
والحمدالله على كل حال
طولتها عليكم
بس اسالولي وردو علي
تكفون يالاداره بسرعه حطو الموظوع محتااااااااااااااااااجه رد باسرع وقت النت مو متوفر عندي كل يوم تكفون
تكفون يابناتي بسرعه
>>>>> ردود الأعضـــــــــــــــــــاء على الموضوع <<<<<
==================================
لاحول ولا قوة الا بالله قولي حسبي الله ونعم الوكيل من جد قطعتي قلبي مالهم خاتمة وربي لاتياسين بتلقين الحل باذن الله صبرك وتعبك مارح يضيع ان شاء الله
__________________________________________________ __________
صدقيني يا اختي تعبك عليهم ماراح يروح هدر وان شاء الله ربي يعوضك عن ايام الحزن اللي شفتيها معاهم
علاش ماتحاولي تمشي للجمعيات اللي عندكم الجمعيات الاجتماعيه اكيد يلاقو ليك حل
او تشتغلي في مكان ويكون فيه اقامه وظيفيه
مالنا الا ندعو لك ربي يفرج عليك ويسعدك بللي يرضيك يااااارب
__________________________________________________ __________
بسم الله الرحمن الرحيم
حيالله الصابره الكريمه الحنونه .. حيالله القلب اللي ماينتعوض ....
حبيبت قلبي .. اذا بالرياض تواصلي معي .. بيتي مفتوح لك ... تواصلي معاي ...
__________________________________________________ __________
الله يفرج همك ويشرح صدرك
ويسامح اخوانك اللي ماقدروا تضحيتك لهم
حبيبتي ليش ماتكلمين خطابه وتتزوجين
واحد كبير يقدرك ويحطك على راسه
او تقدمين على ولاة الآمر يعطونك بيت تسكنين
فيه معززه مكرمه
بس حقك ماراح يروح ان الله يمهل ولايهمل
عليك بالدعاء والإستغفار
وإن شاءالله ادعيلك بظهر الغيب
والله ان قلبي عورني بجد الدنيا مافيها أمان
حسبي الله ونعم الوكيل
__________________________________________________ __________
وعليكم السلام ورحمه الله وبركاته
ماودي ادعي عل اخوانك لانك امهم بمثابه امهم الله يرحمها
هذا جزاء المعروف
شوفي ياختي باذن الله ربي يعوضك خير
ان الي يتقدم لك استخيري يمكن ترتاحين
واعرفي ياقلبي انما جزاء الاحسان الا الاحسان
قطعتي قلبي كرري حسبي الله ونعم الوكيل
اذا تبين وظيفه جاء ببالي دار الايتام في اطفال تقرين تروحين تشتغلين عندهم ام لهم
ومعززه مكرمه محد يتحكم فيك وتتعرفين ع ناس وتكسبين اجر وتقيمين هناك والدار متوفر فيه كل شي والراتب اتوقع فوق 6000 اذا ماني مخطيه
انتي استخيري الله يوفقكك
هذا الي جاء في بالي
اما دار المسنين انتبهي تروحين له حسبي الله ونعم الوكيل بس
الله يسخر لك خوانك ويرزقك البيت الملك الخاص فيك
ويشرح صدرك وصدورهم
الله يرزقك الزوج الصالح الي يسعدكك يارب والذريه الصالحه
وماعلى الله شي صعب سبحانه
رد مع اقتباس
