عنوان الموضوع : اشك في امي .!
مقدم من طرف منتديات نساء الجزائر

اشك في امي .!



السلام عليكم ورحمة الله وبركاته

كيف حالكم ؟

انا بصراحه اشك في امي انها تكلم واحد و انا ابوي متوفي من 20 سنه و امي حرمه زينه و مهتمه فينا و تشتغل و تصلي قيام الليل و تقرا القران دووووم و مالها بالاغاني ولا الاعراس ولا الناس
المهم إلي صرت الاحظه انها تدخل الغرفه من 8 فليل تقول بنام و لين 11 يمكن وهي تتم على التلفون و انا اعرف صديقتها المقربه واعرف ان مو هي الي تكلمها..
المهم ان طريقة كلامها مع هالشخص الي للحين ماتأكدت احس انه ريال طريقه غريبه
و مره شفتها بعد ماسكرت المكالمه تمسح الاسم و مسج بس من بعيد مامداني اقرأ عدل
و مره تتكلم و هي مرتبكه

فيدوني بالله شسوووووي اذا امي تكلم وااحد شو اسوي؟!

>>>>> ردود الأعضـــــــــــــــــــاء على الموضوع <<<<<
==================================


ليش الشك وانتي تقولين انها مره زينه ومصليه مسميه ومربيتكم عدل ولا مقصره في شي اتجاهكم ؟؟!! .. ماوصلت هالعمر وعقب مرحله صعبه في تربيتكم ترى مو بالساهل مره بروحها تشيل مسؤولية بيت وعيال بدون زوج وابوج من عشرين سنه متوفي. ،، الله يغفرله ويرحمه يارب،، عشرين سنه وهي تعاني وتكابد مع هالحياه عشان تربيكم ،، وجايه عقب كل المر اللي تجرعته والدتج عشانكم وبكل بساطه تشكين فيها ،، لاحول ولاقوة الا بالله العلي العظيم،، ياعمري وين الثقه وين ثمرة التربيه .. ليش مخج وصلج للشك فيها عشان شويت تصرفات تمر علينا كلنا ولا شفنا احد شك فينا ،، تعوذي من ابليس ما اتوقع حرمه ضحت ومرت بتجربة امج وعقب هالعمر بتطيش .. تعوذي من ابليس وقربي منها اكثر وخليج لها عون ياغلاهم واحتويها ياعمري سنين وهي اللي محتويتكم جا دوركم تعوضونها ياقلبي .. لازم كلكم تحسون فيها وتبوسون الارض اللي تمشي عليها وتحطونها فوق كفوف الراحه ،، بدال ماتجين تقولين شاكه فيها روحيلها حسسيها انكم حواليها وتسمعون لها وتحبونها عشان ماتضطر تروح لغيركم تبحث عن الحب والاهتمام ،، كل البشر تحتاج حب واهتمام من اللي حواليهم مو عشانها ام خلاص وظيفتها تعطي وبس ،، اسمعي مني،، لاتخلين امج بروحها سويلها حلا تحبه او طبخه تعجبها هاتيلها هديه احضنيها وقوليلها احبج بدون مقدمات او مناسبه ،، بوسي راسها ورجولها بعد .. ورب الكون لاجا احد من ضناي وانا متمدده وبدون مقدمات يبوس راسي وايدي ورجولي اقسم بالله ابيع الدنيا لعيونه واتحمل كل العزر لخاطر عيونهم هذا وعيالي توهم صغار وانا ام بس حبيت اقولج ان الام تبي بعد تحس بقيمتها وان عيالها يحبونها ولازم يعبرون عن هالحب ،، الله يخليكم لها ويفرح قلبها بشوفتكم كل من في بيته متزوج ومستقر ويخليها على روسكم بركه ورحمه في هالدنيا ويطعمها بركم ياغلاهم .. موفقه وربي يسهل امورج يارب.


__________________________________________________ __________

من يقولك لا تشكين هذي ماتفهم شي أبدآ ، الشك مطلوب في كل حال أهم شي لا تتصرفين بدون يقين ، اصبري وتابعي ولو قدرتي تلمحين لأمك عن تصرفاتها الغريبه لمحي ،، أم أب اخت ما أحد فوق الشبهه إذا دخل فيها فأنا والله أعرف امرأة كبيره ولها علاقات جنسية مع عماله آسيوية وأنفضحت مؤخرآ


__________________________________________________ __________

امكن واحد من اخوانها


__________________________________________________ __________

يا حبيبتي اتق الله ولا تتبعي خطوات الشيطان كيف توصفين امك بهذه الصفات الجميله ثم تقولين انا بشك فيها

اصلا لا يجوز لك تتجسسي عليها وتراقبيها

لو ارادت ان تفعل الشر كانت فعلته من زمان لما كنتم لسه صغار وتركت الدنيا وشبابها عشانكم

انت عارفه ايه واحدة فقدت زوجها يعني حرمان من كل ناحيه وياريتها بروحها لأ كمان مسؤله عن ابناء
لو حسستيها بأي كلمه من اللى انت قولتيها دي كأنك بتذبحيها

حبيبتي ان بعض الظن اثم

والله ده لو انا رأيت بعيني شئ على امي ما اصدق اكذب عيني

هذه كافله للأيتام استغفري ربك يا حبيبتي وروحي قبلي يد امك ولا تتحدثين ف هذا الامر والا تجدين واحدة ما عندها فهم تقوي شيطانك وتوقعك ف الغلط وتظلمي امك وتجرحيها وبعدين تندمين


__________________________________________________ __________

ياقلبي لاتتضايقين


اكيد امك تحبك وربتك طوال هالفتره لين كبرتي
ضحت بشبابه ومستقبلها وربتك وكبرتك والحين تقولين اشك فيهاا


لاياقلبي لاتشكين يمكن امك نيتها زينه وقصدهااا تتزوج

ياقلبي انتي اسعدي امك وسولفي معهاا وكوني صديقتهاا وامزحي معها واطلعو مع بعض تمشوووو واقضي وقتكك معها
يعنني سوي حلا وقهوه واقعدو العصريه مع بعض وسولف وانبسطووو واطلع اماكن تمشيه بالمولات تمشي معها روحوو زواجات منسابات واذا ماتقدرون تتطلعون سووي قعده حلوه بالحوشش او بالسطح واشوى وسولفي معها
حاولي تتقربين منهاا
لانها مسيكنه ملت مالها صديقات وماترحون زواجات
طفشششت تبي تقضي وقتها مع احد تبي تسولف وتضحك لاتلومينها ملت من البيت والشغل والنوم



تقربي منهااا وصدقيني رح تستانسسسس معك وتصير تسولف معك وتترك الناسسسس



فديت قلبك الله يسهل امرك مشكلتي بسيطه