عنوان الموضوع : مو قادرة أتصرف مع خطيبي...عجزت..رح أكرهو مجابة
مقدم من طرف منتديات نساء الجزائر

مو قادرة أتصرف مع خطيبي...عجزت..رح أكرهو



مرحبا صبايا كيفكم؟؟

الله يسعدكم انا لازمني رفعة معنويات

انا بنت عمري 17 سنة خطبت من شهرين عرسي عالصيف خطيبي ذات اخلاق وأدب

المشكله خطيبي بحبني بس انا مو قادرة أحبه لاني انا يللي أعمل كل شي مشانه وبرضيه
وبضحي وبرضى بشغلات ما بدي اياها مشانه رغم اني صغيرة والي كتير أحلام

مشكلتي انه خطيبي يتأثر كتير بأهله يعني بحسبلهم حساب عالحامي وبالبارد

هم كويسين كتيييير اهله يس هو بتصرفاته بيكرهني فيهم وهم بحبوني

والمشكله اذا حبيت اطلع معه لازم يدخل اهله لدجة انه اهله عادي مو فارقه عندهم بس هو مو بيجرأ ياخدني لحالي

انا مشكلتي عشت مع اهلي بعيله مع عمامي

خطيبي بعد الزواج بده يغربني 3 سنوات والله أعلم وكنا ناويين يرجع يبني اله بمنطقه لوحدنا
من جديد فتحت معه الموضوع لهو بيحكيلي
انا بدي ابني الي ولأهلي رغم انهم اهله الهم بيت ملك

أأنا انجنيييييييت حكيتله حبيبي انا ما بتحمل ازا بعيش مع عيله رح اعيش تعيسه

وقلت له أنا ما بصمد بعيله يعني مستحيل اسعدك أو أكون مرتاح لاني أعلم بنفسي

والمشكله انه هو معي بهذا الكلام بس ما يسترجي يمكن يبني الي وما يبني لأهله

قلت له ابني لأهلك بيت جديد ما عندي مشكله

وأنا مستعده اعيش ببيت أهلك القديم بس المهم اني ما اكون بعيله

لاني التفاهم الجماعي صعب والله

عالفاضي بحسسني اني بدي ابعده عن اهله وهو عارف اني انا مش هيك واني بنت ناس

قال بس انا هاد مخططي ما بعيشش بعيد عن أهلي
.رغم انه هو هسى بغربه وبدي اعيش معه من3 إلى 4 سنوات انا كمان بغربه

والمصيبه انه قبل هيك قال لي انه أهله بيتدخلوا صحيح انهم طيبين بس بيتدخلوا وبلطشوا كلام

وقال لي انا بعرف انه لو أسكن لوحدي رح أكون سعيد أكتر وبعرف انه أهلي رح يتدخلوا وما رح نكون مرتاحين بس انا بدي ابنيلهم معي انا راسم هيك..مع العلم انه اهله ما بيعرفوا بهالحكي

يعني المصيبه انه بيعرف اهله وعارف اني ما رح أكون مرتاحه لا انا ولا هو بس ناوي ازا رجع يسكن معهم


مشااااااان الله احكولي

انا كيف أقنعه أشعر انه مستعد يبيعني كرمالهم . رغم انه اله اخوان اكبر منه وعايشين عادي ومرتاحين
أحس انه متزوجني فقططط لهديك الشغلات ..... وباقي الامور شوور أهله ...قال بيحكيلي بالمستقبل شو ما عملوا اهلي لا تزعليهم حتى لو دايقوكي لا تتصرفي لو غلطوا فيكي اوعي تحكي كلمه ... هو بيكرهني فيهم

رح ينخرب بيتي وخايفه تصير هالمصايب وانا معي ولاد بالمستقبل..
لاني أعرفه ازا عشت مع اهله رح يضل يرضي اهله على حسابي ما رح يتعرف علي

رح أصير اتمنى اطلع انا وزوجي لحالي
رح اصير بس احل مشاكل مع دار حماي

عنده عقدة اسمها أهله وهو من النوع ما ييجي لا بالكلمه الحلوة ولا العصبيه

خاصه عند اهله وبوقف تفكيره

الله يسعدكم شو أعمل

انا صغيرة ونفسيتي صارت زفت
وعندي بكالوريا

ومش قادرة احبه من تصرفاته

أحس بكل اشي يفضل اهله عني

كل ما ييجي من سفره يطلع اهله مرة ومرتين وتلات
ولما اقوله طلعني يا بطلعني مع امه وخواته يا اما يطلعلي بحجج انه ما في وقت وألقاه برضو طالع معهم

مع انه انا شايفه اهله كتيييير كويسين بجننوا بس المشكله بخطيبي انه ما يقدر وما يسترجي
أشعر انه بخااااف منهم ما بعرف لييييش

كيف بدي أغيره
لازم يعرف انه هاد الحكي رح بيأثر على حياتنا

رغم انه عارف بس مش فارقه معه مقابل اهله ما يحكوا هيو سكن مرته لوحدها ويمكن انهم ما يحكوا

انا رح أطق

مشااااان الله
والله أقتل نفسي ازا رح يضل الوضع هيييييك

>>>>> ردود الأعضـــــــــــــــــــاء على الموضوع <<<<<
==================================


ههههههههههههههه حبيبتي سامحيني معك حق
المهم انتي لازم تتبعي زوجك وين ما يروح
ويمكن يكون مقرب كتير من امه فما يقدر يفارقها
له اسبابو وانتي الوحيدة القادرة على اقناعو ازا حاب يغير رايو


__________________________________________________ __________

انا بحكي انه عرسي بعد شهرين وبعدين بدي اروح معه أتغرب 3 سنوات وارجع اعيش ببلدي ...انتي فاهمه غلط


__________________________________________________ __________

...............


__________________________________________________ __________

يا حبيبتـي طالمـا أنتِ لسـا صغيـرة ، حـاولي معـو أكتر ، وحاولي هيـك تعمليلـه تهديد ، تحكيلـه أنا مش راح اقدر أعيـش معـك لو بدك تعيشنـي مع أهـلك ، وشوفي كيف حتـكون ردة فعلـه . .

يعني انا بشوف تقعـدي أكتر معـو وتناقشيـه بهاد الموضوع ، وناقشي أهلك او امك ، واحكيلها ، يمكن بتقدر تنصحـك اكتر


__________________________________________________ __________

انا قلتله انا يمكن انفصل عنك ازا استمريت بالمستقبل بعيشتي مع اهلك
...رد علي وقال انا لو تصير مليون مشكله ما ببعد عن اهلي...حسسني اني بدي أبعده عن أهله ......رغم اني انا غير هيك....
كرهته
واهلي بيقولوا هاد موضوع احنا ما بنقدر نتدخل فيه ...لانه يعتبر خاص وما رح يتدخلوا