عنوان الموضوع : اختي وام زوجها مجابة
مقدم من طرف منتديات نساء الجزائر

اختي وام زوجها



اول شيء اتمنى الادره تنزل هالمشكله الله يجزاكم خير بليز نزلوه مشكله اختي


السلام عليكم خواتي
خواتي انا ابي اطرح المشكله لكن مو مشكلتي مشكله اختي اختي تزوجت قبل كم شهر وافقت برضاها...
لكن يا بنات تخيلوه انها ماتحب زوجها ولاتطيقه قسم بالله يا بنات انها تسب زوجها قدامي وقدام خواتي وخواني واحنا نصحها نقولها لها عيب مهما كان هذا زوجك تقول لنا لا هذا مو رجال انا هنا انصدمت قلت لها ليه


قالت انه يسمع كلام امه ودلوع امه انا قلت لها طيب هو طيوب وحبوب معك قالت ايه لكن انا اكرهه قلت حرام عليك طيب هالولد يحب امه ويسمع كلامها لانه بار بامه قالت ايه لكن امه مو طيبه معي وتكلم من وراي

فعلا يا بنات امه انا وخواتي من شفناها مارتحنا بصراحه لانها قويه وعصبيه وتحب كل شيء بكيفها وابو زوج اختي ساكت مايتكلم مدري خوف من زوجته ولا يبي يبعد عن شرها

تخيلوه اختي تبي البيت لحالها لانو هي ساكنه مع اهله تقول انا تعبت من امه كل شوي تاخذ ولدها وتقول اعمل كذا واعمل كذا يعني تدخل بحياتهم والولد يسمع كلامها قالت له اختي روح قول لامك نبي البيت لحالنا طبعا جوزها راح وقال لامه وقالت امه مافي اجلسوه معنا وماعليك منها ومدري ايش وراح جوزها وقال لاختي هنا اختي تضايقت وعصبت وحطت الحره بجوزها وتقول انت منت رجال وانت وانت...
بس يا بنات زوجها انسان طيب وحبوب ويحبها ومايبي فرقاها لكن العجوز امه حسبي الله ونعمه وكيل تبي كل شيء بكيفها الموهم اختي جت عندنا وحكت لنا كل شيء واحنا قلنا لها ماعليه اصبري عشان عيون زوجك تقول لا هذا مو رجال وتسبه قسم بالله زوجها انسان طيوب لكن اختي الله يهديها الموهم نقول لها ماعليه اصبري واستغفري وادعي لانو نادرا تلاقين زوج يموت بزوجته لكن هي انسانه عنيده وعصبيه وذيك مره قالت لنا امه تقول لي ليه ماتحملين تقول مو بيدي وتسكت امه واذا جاه ولدها تقول زوجتك وش عندها ماتحمل وكذا ماتدري انو مو بيده ولا بيدها لكن الله يهديها الموهم انا واهلي مانبيها تتطلق من زوجها زوجها حبوب لكن امه اعوذ بالله عطونا نصايح اختي كرهت زوجها وكل مايجي زوجها عندنا تعصب تقول وش يبي هذا نشبني حتى بيت اهلي وانا وخواتي نصحها اصبري يابنت هذا زوجك ومالك الا استغفار تقول انقلعوه انتم ماتبوني ولا تبون مصلحتي ومدري ايش وعصبت وقلبت البيت فوق تحت
وبسسس ادري طولت عليكم لكن انتم خواتي اللي بتساعدوني

>>>>> ردود الأعضـــــــــــــــــــاء على الموضوع <<<<<
==================================


الحل بيد الزوج يمسك العصا من النص ويعرف كيف يرضي الطريفين من غير افراط ولاتفريط
الله يصبر قلبها ويسخره لها .....


__________________________________________________ __________

السلام عليكم ورحمة الله وبركاته
يعني يا عزيزتي كل اللي قالته ام زوج اختك هي ليه ماحملت؟؟ واشفيها تأخرت بالحمل؟؟ وايضا رفضت ان يعيشون لحالهم .. علما ان زوج اختك يحب زوجته ويموت فيها على حسب وصفك .. ومامقصر وياها .. وهذا وصف اختك وطريقة تعاملها معاكم يوم تنصحوها ..
انا اشوف اختك مو اهل للزواج اطلاقا .. وليست بمستوى المسؤوليه حتى ولو عاشت ببيت مستقل هي وزوجها .. وسوف تبقى تبحث عن زلاّت وفرص لكي تثور وتقلب عاليها سافلها فوق راس زوجها ورؤوسكم .. هي طبعها هكذا .. لاتحتمل المسؤوليه .. يعني الله يصلحها لسه ماصار اللي يجعلها تطلب الطلاق .. ام زوجها ورفضت استقلال ابنها في السكن من المحاوله الاولى .. لسه مامر سنوات على زواجهم ولا صار خطأ واهانه معينه بحق اختك .. اما ان يلبي زوجها طلبات والدته فلا ارى مشكله في ذلك .. هل تأخر عن طلبات زوجته وتركها وكان يلبي طلبات والدته فقط؟؟ لا أظن .. لان على حسب وصفك هو يحب زوجته جدا ..
عزيزتي
مابيدي تقديم اي نصيحه لأختك سوى ان ادعو لها بالخير
فهي ناكره للنعمه .. عذرا على الوصف .. فلقد استندت في وصفي هذا على وصفك لتصرفات اختك ..


تحياتييييييييييييييييييييييي


__________________________________________________ __________

آآه من بنات هالايام دلع وربي
الوحده ماتقدر تتحمل كلمتين ومن من ؟؟؟ من امه اللي المفروض مثل أمها
اعذرين اختي لكن اختك تسب زوجها من وراه وأمامه وتقوله انت وانت
ومع هذا المسكين جاي لغاية عندها يراضيها ولسا مكبره راسها
غير كذا اللي ماتشرط بلعقد بيت لوحدها ترحب باللي يجيها لانو ببساطه
ناس ماتعرفينهم ولا تعرفين طباعهم واكيد مايطلع الانسان الا مع العشره
ثانيا ..الوحده تبي راحتها باللبس والنوم والحركات مو في غرفه اربعه في خمسه وتعري فيها
واعملي ما بدالك فيها
ثالثا... حتى ماتتشوه العلاقه بين الزوجه واهل الزوج نبقى بعيدين عن المشاكل
كان المفروض شرطت بيت مستقل
والحين مافي احد جاهل عن هالامور
من يبحث عن السعاده يبحث عن اسبابها والطرق الموؤديه اليها اولا



__________________________________________________ __________

تقول لزوجها اذا تبغاني ارجع حط لي بيت لحالي وانتهت المشكله اختك الله يهديها شكلها متسلطه وماعجبها زوجها لانه طيب والا لو انها تزوجت واحد يوريها الويل كان مانطقت ب ولا كلمه الله يهديها


__________________________________________________ __________

المشاركة الأصلية كتبت بواسطة نمت وحلمت
تقول لزوجها اذا تبغاني ارجع حط لي بيت لحالي وانتهت المشكله اختك الله يهديها شكلها متسلطه وماعجبها زوجها لانه طيب والا لو انها تزوجت واحد يوريها الويل كان مانطقت ب ولا كلمه الله يهديها



للاسف
اختك دلوعة , وماهي قد مسؤلية الزواج
الرجل يحبها ويدور رضاها وهي كذا تتصرف ؟ بهذه الطريقة ماراح تكسبه ابدا
لاسمح الله بكرة اذا تزوج واحدة ثانية بتموت قهر
قولي لها تعقل وترجع قبل لاتهدم بيتها

اما ام زوجها فلازم تعتبرها ام لها وتحترمها شوي
الله يهديها