عنوان الموضوع : خطيبي زارني -تم الاجابة
مقدم من طرف منتديات نساء الجزائر

خطيبي زارني



السلام عليكم
يااااااااااااااابنات خطيبي يزورني في البيت وكذه مره يقولي ليه يدك وجهك فيهم شعر اقول له شقرته مو باين وهو ملاحظ اشيله او لا لان زوجي بشهر سبعه وبشرتي حساسه عادي ااشيله؟؟
ثانيا ع البس يوم يزورني ودي اسوي تغير بالبس انتم شو تلبسون انا نفس الوك ماغيرته اعطوني من خبرتكم علما اني ملكه لي شهرين؟؟
اممممممممم تذكرت اعطيه هديه او لا لاني اخذت له هديه بس ماعرف كيف اقدمها له؟؟
سي يوو

>>>>> ردود الأعضـــــــــــــــــــاء على الموضوع <<<<<
==================================


السلام عليكم
ماعندي خبره بهالامور
الحمدلله لا شافني ولا شفته الا بعد العرس
ان شاء الله احد يساعدك
موووفقه


__________________________________________________ __________

ياعمري اول شي الف مبروك ،، بعدين عادي اذا مملكه عليه البسي اكشخي بس بحدود المعقول ،، ماتكونين اوفر .. وبالنسبه للشعر روحي مشغل خل يشيلون لج وجهج بشمع جدا ممتاز ينظف ويخلي البشره تلق لق بس بعد ماتخلص الكوافيره خليها تحط لج ثلجه مباشره على البشره وبعدين تسويلج مساج خفيف بكريم ديرموفيت مال الحساسيه انا جذي اسوي لان بشرتي حساسه بعدبس مع هالطريقه الحمدلله ماتتهيج بشرتي. لاتخلينه يلاحظ عليج شي لانه بيكون كون فكره خلاص خليه يشوف الجانب الحلو منج والهديه عادي حبيبتي لما يجي يطلع قوليله لحظه لس دقيقه وروحي جيبيها له وياحبذا تكونين مغلفتها بطريقه شيك وحاطه معاها ورده وراشه عليها من عطرج وقدميها له واذا قال شنو المناسبه قوليله تعبير بسيط عن حبي لك بيستانس ،، وربي يتمم على خير ويوفقكم ويسخره لج ياغناتي والف مبروك مقدما..


__________________________________________________ __________

الف الف مبروك
الله يسعدكم يااااااااااااااااااااارب


__________________________________________________ __________

,


اول شيء مبروك الله يتمملك على خير ..
ثاني حاجه المفروض ماتطلعين عنده وفيك شعره وحده من الاساس خليّه يشوفك تلمعين وناعمه ..
..
بالنسبه ل الشعر الي بالوجه انا شلت بشمع ومره كويسْ وصار بقوه ناعم بس عاد مادري عن بشرتك اذا تناسب له او لاا ..
او شيلي فتله .. وسوي تنظيف للبشره .. وانتبهي يشوفك وانتي فيك شعر عوديه على النظاافه ..

وبالنسبه للبس مثل ماقالت لك الاخت اكشخي بس بحدود المعقول ..


والهديه اذا جى لمّك وقام بيطلع قدميها له او أول مايدخلل ..




..


__________________________________________________ __________

بسم الله الرحمن الرحيم

حبيبت قلبي .. الرجال هالفتره اهم فتره يعرفك فيها بحياتك .. خليه يشوف فيك البنت النظيفه المهتمه بحالها
والمفروض انك ماتشوفينه الا وانتي مرتبه نفسك .. حتى ماتلقين انتقادات منه .. كيف بعد الزواج بتكونين .. اذا الان ماهتميتي بنفسك امامه الرجل دائم ينظر للبعيد من خلال القريب ... ازيليه بالشمع ..عند مشغل .. وحطي مكياج خفيف بدون اساس كحل مسكره بلاشر خوخي ناعم وروج ناعم جدا مقارب لبشرتك .. فقط .. الخمريه بشعرك والعطور والكريمات المعطره لجسمك .. خلي بقايا عطرك بيده اذا يسلم عليك حتى اذا طلع يشمها في يده ..ويعلم انه تزوج ورده وليست امراه فقط .. شيلي جسمك وش يمنع ؟؟؟
على الاقل المناطق الظاهره له كاليد .. وكان وضحتي له سبب عدم ازالة شعرك بأسلوب ذكي .. مثلا من اجل الزواج لو شلته الان ماقدر اشيله وقت الزواج لانه بيكون صغير .. وبصراحه انا طلعتلك رغم اني ماكان ودي تشوفني كذا لكن عشان عينك طلعت لك ..
الهديه نصيحه نصيحه من اخت لاتعطينه اياها ابد الان ... اتركيه هو من يبادر لك فيها ... اثقلي خوذي كلام اخت تحبك بالله ... عوديه انه هو من يهديك ومقابل كل هديه منه هديه منك ... حتى لايتعود الاخذ ولايعطي .. اجعليه يتعلم العكس دائما تعطيني تاخذ .. اكيد ليله الزواج بيهديك اذا اهداك طلعي هديتك وقديمها له وفاجئيه فيها ..
اسألي اي احد من اللي حوالينك او صاحباتك قولي مااهداني عادي اهديه .. وشوفي ردود فعلهم ..او وحده متزوجه ثقه ...
نرجع لمشكله الشعر .. بعد الزواج شوفي وحده تجي للبيت تشيلك بالحلاوه كل شهر .. وعوديه على ذلك ..
بالاخر كل شيء بيرجع له .. لاتقصرين على نفسك دلعيها من اجله حتى لايتذمر منك مستقبلا ...
ويعرف انه تزوج من بنت ولا اروع في لبسها ونظافتها وجسمها .. وتملين عينه ...
لبسك البسي ماشئتي فهو زوجك ولكن دعي لبسك يتسم بالحشمه قد ماتقدرين تعرفين تفكير الرجال قبل الزواج تجرأت تلبس كذا عندي؟؟
انا لبست تنانير قصير تحت الركبه مو فوقها تحتها نص الساق وبلايز شبه رسميه اكمام طويله تكفي رجيلاتي مطلعتها له ههههههههههههههههه جزمه اكرمك الله عاليه ساده
فساتين ناعمه جدا قماش زي البيبيات مو فساتين عرس شك وتطريز ههههههه تحت نص الساق نص كم مع شباشب ناعمه على رجلي تبرزها لكن ناعمه .. البس سلسال الرجل معها ماينزل من رجلي للان 11 سنه متزوجه مانزل من رجلي طبعا بدون اجراس فيه بس سلسال ..سلسال بصدرك ناعم خاتمين بيدك ناعمه حلق صغير ناعم التمسي النعومه بكل مايخصك ..
مره كوني رسميه بلبسك مره سبور دلعي نفسك عشان يتعلم بكره يدلعك ..
شعرك مره ارفعيه .. مره خليه سايب ناعم .. مره لميه على جنب خليه نازل لكن ملموم
خليه يتعود على اطباعك بحرصك على جمال جسمك ولبسك .. يتعود مايبخل عليك بكره بقيمتها .. يكون كريم معك بالمال من اجل هالناحيه واخرها لك وله ..
اختك شماليه كفو