عنوان الموضوع : تكفون خواتي قولوا لي وش اسوي مع....لاتحذفون مشكلتي تكفون تهمني برتاح الطبيب يجيب
مقدم من طرف منتديات نساء الجزائر

تكفون خواتي قولوا لي وش اسوي مع....لاتحذفون مشكلتي تكفون تهمني برتاح



السلام عليكم ورحمه الله وبركاته
انا حبيت ثلاث مرات
الاول:حبيته واكتشفت ان بنت خالتي تحبه وضحيت عشانها وتركته
الثاني:حب من طرف واحد وذبل لانه مو حاس او مومصدق
الثالث:ولدجيراننا واااه بس كلمته على اني غلطانه بس مايدري اني
بنت جيرانهم وماله علاقه بأخواني هو موظف مو بنفس مدينتنا هذا اللي طمني كلمته على اني غلطانه كلمته 9شهور وحبيته بس هوماحبني
لانه اتوقع انه مو مصدق اللي قلته له داقه بالغلط يحسب احد دازني عليه
او شي كلمته وكل شي تمام بس له شهر مايرد علي ابدا ابدا ابدا
مادري ليش مع العلم الرقم ماحد يعرفه الاهو
وش اسوي؟احبه ولاتقولون اتركيه مستحيل اللي جرب الحب يقدر يساعدني
وش اسوي ياخواتي وش ارسل وش اقول تكفووون؟اتصل ولالا ؟
ولاشلون؟
اتمنى تفيدوني كيف اخليه يرجع ويحبني عشان لاحبني اقوله عن كل شي
وكيف اخليه يهتم فيني او يتصل او يرسل او يشتاق
انا تعبت ادري انه مايحبن لانه مايدري من وين نازله عليه
لاتطنشون واسفه ع الاطاله

>>>>> ردود الأعضـــــــــــــــــــاء على الموضوع <<<<<
==================================


حبيبتى اسمحيلي..
هذا مو حـــــــــب هذي فضاوه

اسمعي شريط وهم الحب راح تلاقي حل لمشكلتك فيه


__________________________________________________ __________

ياحياتي هذا الحب خطاء في خطاء اش يعني انك داقه عليه
اسمعيني ليه الوحده تنزل من مستواها واعذريني ياقلبي والله اكلمك على انك اختي
انتي قاعده تتوهمي على بالك انك في فيلم صدقيني الحب مو كذا
لا هو اتصال ولا نظره ولا كلمه الحب عشره
يعني انتي تتوهمي خلي املك بالله كبير واتركي عنك دروب الشيطان
وحتى اذا دري انك بنت الجيران صدقيني ماراح يتزوجك لان الواحد مايتزوج وحده قد كلمته وبالغلط كمان
وحتى ان حصل زواج نسبه فشله اكثر من نسبه نجاحه
واسال الولى لكي الهدايه اختي الغاليه


__________________________________________________ __________

لاياحبيبتي هذا موحب خافي ربك كيف تحبين واحد ماتعرفيه ؟
والوحده اذاحبت واحد وهو مايحبها يهين كرامتها ويذلها ويستحقرهاتصير مثل اللعبه في يده وبعدين هو شافك تعلقتي فيه ويبغى يعذبك هذي طريقه كل الشباب يسوووووها
ومستحيل يستمر هذا الحب ابد لانه مايرضي الله
وخصوصا انتي اللي تجرأتي ودقيتي عليه
ولاتقولي مااقدر اتركه هذاالشيطان يقولك كذا يعني الحياه ماراح تمشي الا به ؟
وأحمدي ربك انه مايرد عليك هذي فرصه لك تجلسي مع نفسك وتحاسبيها
اتقي الله يا اختي .انتي راح تتحملي وزره وكل كلمه نطقها انتي راح تتحمليها
يااختي هذي نصيحه لوجه الله انا ماأبغالك الا الخير واخاف عليك زي ماأخاف ع نفسي و اعتبرك مثل اختي واكثر (لايؤمن احدكم حتى يحب لأخيه مايحب لنفسه)
اسأل الله العلي القدير ان يهدي قلبك, ويبعدك عن الحرام ,ويرزقك بالزوج الصالح
واسأل الله ان يريك الحق حقا ويرزقك اتباعه ,ويريك الباطل باطلآ ويرزقك اجتنابه


__________________________________________________ __________

المشاركة الأصلية كتبت بواسطة انا اختي زيزفونه
حبيبتى اسمحيلي..
هذا مو حـــــــــب هذي فضاوه

اسمعي شريط وهم الحب راح تلاقي حل لمشكلتك فيه



__________________________________________________ __________

أنتي جالسة تقضين وقت

لأن عمر الحب ماكان نطة حبل من واحد للثاني للثالث

ولو ولد جيرانكم هذا كمل مارد عليك أسبوع إلا أنتي ناطة للرابع

أتمنى بس تنتبهي على نفسك وتحاولي تقنعي نفسك إن اللي جالسة تسويه غلط

والله يكون بعونك إن شاء الله

تحياتي..