عنوان الموضوع : الله يحقق أمنياتكم أدخلوعاجل جدا مجابة
مقدم من طرف منتديات نساء الجزائر

الله يحقق أمنياتكم أدخلوعاجل جدا



مساء الخير

بنات أكتب مشكلتي من باب التخفيف عن نفسي
والله تعبت من المشكله
لكن ما أقول إلا اللهم أرزقني الصبر على مصيبتي

مشكلتي

أنني زوجه ثانيه طبعا تزوجت ورضيت به ورضيت أن أكون زوجه ثانيه
لظروف الله أعلم بها

المهم
أن زوجي عادل بيننا في بداية الزواج ويحترمني وأشعر بحبه لي

لكن بعد 3 أشهر تغير أحيانا إذا صحيته للصلاة يصحى وأقول له
لاتنام قم الصلاة

فيعيد كلامي وهو غاضب و من باب الإستهزاء

وغيرها من المواقف يعيد كلامي من باب الإستهزاء

تجاوزت هذه المشكله وصبرت

والشي الثاني بالنسبه لتقسيم اليوم بيني وبين زوجته
يبدأ اليوم من صلاة المغرب
والله ما أكذب عليكم
إذا يومي وهو عند زوجته1 ما يطلع إلا قبل صلاة العشاء

وإذا عندي ويوم زوجته1 والله يطلع بدري وما يصلي المغرب يقول أصلي عند عيالي

طيب أنت تصلي عندهم ليش ما تصلي عندي

دايم مو على وقت الصلاة

دايم إذا يومي يطلع بدري لعياله

وإذا هو عندهم والله ما يطلع إلا متأخر

فوق كذا دايم كم مره يتكرر هالشي
يبيت عندهم يومين
ويقول بعوضك
صح يعوضني ما أكذب


لكن نفس الحكايه

ما يكمل يومي يطلع بدري


صبرت
وناقشته
وعصب قال هذا شي خاص فيني لاتناقشيني فيه مره ثانيه

طبعا أنا أكبر منه

وش رآيكم

وش أسوي تعبت والله

خاصة من ناحية الوقت قسم بالله يقهرني

يومي ما يكمله عندي يطلع بدري

وإذا عنده شغل لعمله
ما يخلصه إلا بيومي عشان ما يكون وقت المغرب قريب ويقول خلاص بروح لعيالي

وش الحل إذا كلمت الوالد تعبان ما يقدر على المشاكل

إخواني أصغر مني

صعبه أكلم أحد قريب لي

وش أسوي
أطلب الطلاق

أنا أبي ألحق على نفسي

لاتكبر المشكله

>>>>> ردود الأعضـــــــــــــــــــاء على الموضوع <<<<<
==================================


ياعمري عليك الله يفرج همك يارب 000انا والله مادري وشش انصحك فيه 00اسمعي حاولي انك تهتمي فيه اذا جاء عندك واذا قرب المغرب جهزي ملابسه قولي اكيد رايح ولا كأن هامك الامر وتابعي تلفزيون او اقري قران قبل يمشي يمكن يحس

يارب يفرج همك وحاولي تستغفري كثير 000بس مادري هالحل الي قلته يناسبك او لا 0000ادعوووولي بالفرج فانا في هم


__________________________________________________ __________

ادعي ربك ان تتعدل الامور بيناتكم واستغفري كثييير
اذكري الله وتعوذي من الشيطان ليه تقولين طلاق
اصبري واصبري واصبري وان شالله ربي راح
يعوض صبرك خير واناا اختك ..بعدين لا تلحين عليه
وتقولين له لا تروح لعيالك ب العكس قولي رح لهم
وربي راح تكبرين في عينه وراح يغيب عنهم ب التدرج
وراح يحبك اكثررر وبكذا راح تكسبينه بذكائك لا تستعجلين
ي قلبي مثل ماقلت لك ,,

اسال الله العظيم رب العرش الكريم ان يسعدك دنيا واخره اللهم امييين ,,


__________________________________________________ __________

ياعمري العدل بالوقت او اي شي ثاني هو محاسب عنه،، انتي كلمتيه وعطاج رده لاتكررين عليه لايلقاها حجه ويصير يعاند ترى اغلب الرجاجيل لاعاندوا مثل الجهال،، انتي لاصار عندج قومي بحقوقه كامله واذا طلع من عندج خليه منه لربه ،، طالما حط ثنتين ملزوم يعدل واذا ماعدل ربي اكيد بيحاسبه الدعوه مو سايبه،،لاتكلمين ابوج ولاشي رجال مريض ولاهو حمل غثا،،يمكن لو قعد عندج اكثر بينغص عليج،، طالما قايم بحقوقج ومصروفج ولامقصر بشي خليه يمكن لو تركتيه وسكتي من نفسه يرجع،، والله ياحبيبتي زوجي من سنتين تزوج علي ولا حتى ناقشته وهب بالعروس وطنشني انا وعيالي وبيتي صار يمرنا كل يومين ثلاث خمس دقايق وهو عند الباب ويمشي واحيانا يمر يتغدا معانا صرت لاجا ألبس واكشخ واقوم فيه كنه ضيف احوفه حوف ولا اشارهه او افتح سيرة بيته الثاني،،تصدقين مع مرور الوقت اكتشفت انها بس تدري انه جايعندنا تقوم الدنيا على راسه مل منها ومن تصرفاتها طلقها ولا تحسف عليها خلال شهرين بس طلقها ورجعلي ولعيالي الرجال مايحب المره الحنانه الزنانه انتبهي حتى لو معاج الحق تغاضي اذا ودج تعيشين الوحده عشان تتعايش لازم تتعلم شلون تتنازل عن بعض الامور لان محد كامل لو ان فيه اخطاء مانقدر نتحملها او نتحاوزها ساعتها الطلاق احسن حل وانتي شوفي شنو تقدرين عليه وقيمي حالتج،،موفقه لو اني طولت عليج ومنج العذر والسموحه وربي ييسر امرج ويسخر ريلج لج يارب.


__________________________________________________ __________

لا قلنا لكم مالحب الا للحبيب الاولي

طقيتوا وثرتوا

والدراسات الاجتماعيه كلها اثبتت ان الحب للزوجه الاولى

ومن بعدها مكملات

ياعزيزتي ي صاحبة المشكله

انا ادري الوحده ماتقبل تصير زوجه ثانيه الا من الشي الي مابعده

وم ترضى الا من الشديد القوي

وانه لابديل عندها اما زوجه ثانيه او بدون زوج

المهم طالما هذا الوضع نصيحتي لك لاتدققين

وبالعكس خلك طبيعيه ولا مباليه

بعض الرجال الا كلهم بعد فيهم العناد

ولاشافوا المره تبي شي عاندوها لو انه حق

انتي اززززززززززززززززززززززهليه

خلي يروح يجي يطير يوقع لاتهتمين

ان جا هلا ومرحبا ان قفى فمان الله

لو شفتيه قعد اسبوع والا شهر عاااااااااااااااااااااادي

كذا بيقعد يفكر بنفسه شغيرها لاتكون كرهتني لاتكون لاتكون ويقعد يودي ويجيب ويعيد حساباته

ابدى لا عليك صحتك وعافيتك والا الرياجيل م وراهم الا الضغط والسكر والامراض النفسيه

الله يصبرك


__________________________________________________ __________

ممكن يشعر بالملل عندك ويقضي شغله في يومك ,,كوني متجدده في حياتك,, وايضاً لاتراقبيه وتحسبي الساعات كم قضى عندك وعندها !!انتِ رضيتي بهذا الزواج وعليك بالصبر ,ايضاً هو اب وأولاده يحتاجونه,,لم تقولي لنا اسباب زواجه على زوجته ,,أخشى ان يكون اخذك لمجرد خلاف بينه وبين زوجته ,,وانتِ الضحيه ,لايوجد حل سوى النقاش والتفاهم حول هذا الموضوع في وقت مناسب,,
الله يفرج همك ويبدل حياتك سعادة وهناء,,,,