عنوان الموضوع : تعالوا شوفوا -تم الاجابة
مقدم من طرف منتديات نساء الجزائر

تعالوا شوفوا



السلام عليكم ورحمة الله وبركاته
أنا ان شاء الله راح اقولكم عن نفسي
أنا يا بنات محطمه يوم اني صغيره والناس تنفر مني وحصلت لي مواقف اثرت فيني
عموماً اني وعمري 11 سنه ترى مابغيت افصل صرت اوهم لنفسي ان فيه ناس تحبني وتهتم بي وصديقات عندي
كنت اتعب وانا افر بتفكيري بس فعلاً كانت البنات ماتعطيني وجه و محطمه من قبل الأهل حتى امي كانت تقولي انتي ماحد يبغاك وحتى عند الناس ماكانت عندي كرامه لامن قريب ولا من بعيد لهذا السبب صرت اوهم لنفسي بس مرات كنت احاول اني اترك اوهامي وابدأ علاقه حلوه ومتغيره لكني ما اشوف الا العكس لدرجه كنت ابكي بحرقه اقول في نفسي ليه كذا انا مثل الناس عاديه وش فرقني عنهم بس خلاص انا اقنعت نفسي بالأوهام اقناع تام والحين صار لي عمري 20 سنه وانا اعيش مع ناس متوهمتهم لنفسي على فكره لو ماني عايشه مع ناس وهميين والله اعلم ماكان شفتوني عايشه لهالحين لأني ذقت ضروف قاسيه بكل ماتحمله من معنى كانت حياتي ماتدخل العقل كنت كل يوم اقول خلاص هذا اليوم غير لاكن للأسف الأيام تتكرر نفسها وترجع اسؤ من الماضي كنت افكر بالزواج من وانا بأول متوسط عشان ابي ارتاح كان الكل من دون استثناء محسسني اني غير الناس كانوا يستخفون فيني ولاتكلمت ما اعطوني وجه بس مره وانا كان عمري 15 سنه فكرت اترك الناس الوهميين لاكني لما تذكرتهم وكيف رجعت ابكي بحراره كبكاء الطفله بس جاووني الناس الوهميين وهدو لي بالي حتى قالوا ليه تبين تتركينا انتي خلاص مالك بهالدنيا بعد الله غيرنا واحنا نعزك (كنت اتعامل معاهم وكأنهم حقيقيين) المهم اني قلت خلاص ماني بتاركتكم بس امنيتي كانت اني اتعامل مع ناس مثلي اشوفهم ويشوفوني افقدهم ويفتقدوني قالت لي واحده كنت اتوهمها لنفسي اختي الي اكبر مني (كانت اكبر امنيه تكون عندي اخت اكبر مني افضفض لها فحققتها بالوهم)قالت لي لايهمونك الي مايبونك دامك ماغلطتي عليهم ولا سويتي لهم شئ كافي انهم كانوا يستغلونك لمصالحهم (هذي الحقيقه كانوا يستغلوني لما يملون يخلوني اسولف لهم لأن سوالفي لها طعم)هذا غير كلامهم على غيرهم انتي احسن منهم والله يعوضك بعد ماتتزوجين بغيرهم .. عاد انا هنا خلاص اقتنع بكلام اختي واشكر الله ان وهبني اياهم في وحدتي كنت دايم وحيده وان طلعت اشوف بنات اهلي او المدرسه مايعاملوني كوحده منهم كنت احسس نفسي اني اتوهم انهم يعاملوني غيرهم لكن للأسف حتى غيري ملاحظ هالشئ ان معاملتهم غيري (تخيلوا انا لما اجلس اتكلم يناظروني بإستماع فجأه يلتفتون على بعضهم يتكلمون) بس بهالمواقف كانت اختي الي اتوهمها تجيني تقولي خلاص حبيبتي ماعليك منهم امشي قومي عنهم لا والبلى لما اقوم تمر فتره يجون لي ليه تركتينا (هذولا بنات خالاتي شكلهم ياخذوني معهم عشان امي وخالاتي يهاوشونهم ليه يتركوني وكذا)
المهم الكلام الي فوق مجرد توضيح على سبب توهيمي لنفسي المشكله الحين
انا عمري 20 سنه وصار لي عشر سنوات وانا عايشه باوهامي وما اطلع من البيت الا للكليه ومرات بسيطه لبيت اهلي (عدم خروجي سببه الضروف) وعلى اني بالكليه سويت علاقات حميده مع البنات الى اني لما اجلس معاهم ويتكلمون مالي خلق لا اسمع لهم ولا بغيت اتكلم معاهم ادور على كلام من جحر النمل يالله يطلع ومرات لما هم يمشون انا امشي خلفهم حتى هم يرجعون لي يقولون احنا نبي نفهم بس انتي ليه تمشين ورانا وانا ارد بس بداخلي اقول كيف اصف بصفهم وهم اعلى مني مستوى وارقى مني كرامه وان جلست معاهم احس بملل لأن كلامهم الي يقولونه مالي علاقه فيه ولا ادري عنه شئ هم عندهم حاجه غير المسن اسمها واتس اب يتكلمون عنها وعن هالأشياء التكنولوجيا وانا ماعرف عنها شئ بس لارجعت البيت استانس اذا احد دز لي مسج انطر نطره لاكن خيبة امل لاصارت من شركة سوا وكثير ماادخل عالمسن لاكن ما اشوف احد داخل امل والله
بس امس والي خلاني اكتب لكم هذي المشكله اني رحت عند اهل امي وتكلمت مع بنت خالي المتزوجه اسألها عن اختها الي كبري وينها قالت انها رايحه للبازار مع بنت خالتها آآآه يا اني جتني الغيره والقهر ان هم ماشاء الله قلوبهم واحده ويجتمعون دايم وكذا انافي بالي ان شاء الله اني اتزوج واجتمع مع ناس اخلاقهم طيبه مثلي بس مرات اقول كيف اتزوج ومن وين راح يجيني هالزوج وكيف بيجيني وانا الحين كذا (حالتي يرثى لها لااهتمام بمظهر ولا عنايه بشعر ولا اهتمام بغذاء) وكل مالي ابي ناسي بالوهم الي اعيش معاهم الا اني صرت احس بالرعب والخوف منهم لأنهم مو موجودين بالحياة اصلاً
تخيلوا يابنات مرات احس اني بطيح ويغمىى علي ومرات احس راح اوافي الأجل تعبانه نفسياً من حالي الحين
مرات اقول احسن خل اظل على هالحاله ومرات اقول العكس انتم وشرايكم انا مازاد التعب معي الا لما حاولت اختلط بالناس الحقيقيين انا الحمد لله ملتزمه وابي ارجع اوهم لنفسي اني اعيش مرتاحه مع اهلي وناسي
بس دايم لما ابي اتخذ هذا القرار احس اني خادعه نفسي بنفسي بس بعد مايجيني هذا الشعور يكون في بالي ان ماعندي احد غير اوهامي لأن كرامتي معدومه ومرات استغفر الله احس اني محاسبه على هالشئ مع ان مو ذنبي حركات الناس سخيفه جداً
انتم وشرايكم بموضوع توهيم نفسي اني محبوبه مع الناس لأني احس لما اكبر راح اندم وافكاري الحين ملخبطه حدها

>>>>> ردود الأعضـــــــــــــــــــاء على الموضوع <<<<<
==================================


اختي العزيزه
قرأت مشكلتك بتمعن,والسبب هو النقص الي عندك تحاولين تعبينه بأي طريقه,الاشخاص الوهمين ابدا مو الحل والدليل راح يجي اليوم ولحظه الي تبين تتخلصين منهم,هم اناس خلقهم تفكيرك ومايسوون شي الااذاانتي طلبتي منهم
وحدتك هي الي خلقت لك هذا العالم
اتضح لي جوانب من شخصيتك
انتي انسانه شخصيتك اجتماعيه,تهتم بكلام الناس ونظرتهم,انسانه مبدعه وقلبك طيب ,تتمنين الي يفهمك
لكن تفكيرك جدا سلبي ,ونظرتك للحياه سوداويه,واسمحيلي لكنكي تظلمين نفسك ,,,,
نحن لم نخلق لنعيش الاوهام,خلقنا الله لعبادته ,انتي قلتي انكي انسانه ملتزمه وانا اقول مستحيل ربما مصليه نعم لكن لستي ملتزمه حياتك مليئه بالفراغ العاطفي ,وانتي بكلامك انكي تملين من سوالف صديقاتك ربما لانكي اعتدي العيش بالخيال ولكن صدمتك بالواقع هي التي زادت من حالك
انصحكي بالتقرب من الله عزوجل
اشغلي وقتك بالقران
حددي هدفك بالحياه
اكتبي قائمه واقرائيها بعد كل صلاه وقبل نوم(انا قويه ,انا جميله انا واثقه من نفسي,انا محبوبه,,,,,الخ)
لاتفكري ابدا بنظره الناس لكي بل بنظرتك انتي لنفسك
اجعلي لنفسكي شخصيه ,قولي مايضايقكي للأخرين,فهم لايعلمون مابك
واقرائي عن كتب تطوير ذات
ابدئي ببناء نفسك لابهدمها
ارجو ان اكون قد بينت لك
hanan


__________________________________________________ __________

احنا حبيبتي في زمن الغرباء يعني لا تستغربي انك لالاان مالقيتي ناس تفهمك او حتى انتي تفهميهم لكن انصحك تلاقي حل وسط يعني مش تتنازلي عن شخصيتك والي بتحبيه لكن برده حاولي تحبي الي بيحبوه مادام مش حرام وحاولي تتقربي منهم حتى لو شايفه كلامهم تفاهه معلش مرات التفاهه احسن من الوحده
انا مش بطلب منك تتنازلي عن شخصيتك الحلوه وعن رقي تفكيرك لكن حفهمك المطلوب الام مثلا عشان تفهم طفلها وتقدر تتجاوب معاه بتنزل لمستوى تفكيره وتسمع لتفاهاته وكانها مهمه لكن طبعا هي بتفضل امراه مش طفله حتى لو وهي بتكلموا بطفوليه وبتستمع لكلامه عن الكرتون والخيال واي تفاهه يقولها نفس الشيء انتي تجاوبي مع الي حوليكي في تافهاتهم لكن بدون متدوبي فيهن وتنسي شخصيتك
مينفعشي تفضلي وحيده حتعى لو اغلب الناس تافهه معلش ساريهم المهم ما تساريهم في غلط وحرام لو تفاهه تنازلي زيهم ولاقي نقط تلاقي بينكم وتاكدي الحل مش في الزواج الان اولا لازم تعملي صداقات ولازم تتقربي من العيله ومن بنات خالاتك وكده يعني لازم تتقلبيهن بعقليتهن وتشاركينهم وربنا يسعدك


__________________________________________________ __________

وشو ذا الكلام توهم بتوهم
أرجعي لعقلك انتي مو هينه انتي داهيه
لكن مانتي عارفه نفسك والدليل سؤالفك هدي
مايقولها إلا شخص واعي وعنده قدره على ادارة حوار ناجح حتى
حتى كلامك ماشاالله مصفف كنك عندي وأنا أسمع
وأنتي ماقريتي ألايه ~ لن يغير الله مابقوم حتى يغيروا مابانفسهم ~
مايحبوني مالي كرامه أحس انهم أعلى مني مستوى كلها كلام فاضي
أعكسيها وقولي بكل ثقه يحبوني عندي كرامه ماراح اتنازل عنها لي مستوى راقي ورفيع
ماأقولك إن التغيير سهل
لكنك انتي بديتي الخطوة الأولى اللي هي انك قاعده أدوري ع الحل
كملي حبيبتي
ايه صح نسيت أقولك إن الناس تشوفك مثل ماأنتي تشوفي نفسك
عززي ثقتك بنفسك وأعرفي قدراتك طيب انتي تقولي
إن سؤالفك ماينمل منها
أكيد أكيد أكيد انهم يحبونك ويريدون يقعدون عندك كل الوقت
مو بس إذا كان ماعندهم أحد
لكن الظاهر إن أصحابك الوهميين اثرروا عليك
أرجعي لعقلك وخلي الأوهام
وإذا استقتي لهم تذكري الله الحليم الرحيم الودود اللطيف العليم الحنان المنان
إذا لقيتيه من تبين بعده
وإذا فقدتيه من راح تلقين بعده
الله يردك لعقلك ويهديك ويريك الحق حقا ويرزقك اتباعه ويريك الباطل باطل ويرزقك
اجتنابه
أرجو إن يكون لنصيحتي صدأ عندك


__________________________________________________ __________

رفـــــــــــــــــع


__________________________________________________ __________

المشاركة الأصلية كتبت بواسطة مشكلتي
اختي العزيزه
قرأت مشكلتك بتمعن,والسبب هو النقص الي عندك تحاولين تعبينه بأي طريقه,الاشخاص الوهمين ابدا مو الحل والدليل راح يجي اليوم ولحظه الي تبين تتخلصين منهم,هم اناس خلقهم تفكيرك ومايسوون شي الااذاانتي طلبتي منهم
وحدتك هي الي خلقت لك هذا العالم
اتضح لي جوانب من شخصيتك
انتي انسانه شخصيتك اجتماعيه,تهتم بكلام الناس ونظرتهم,انسانه مبدعه وقلبك طيب ,تتمنين الي يفهمك
لكن تفكيرك جدا سلبي ,ونظرتك للحياه سوداويه,واسمحيلي لكنكي تظلمين نفسك ,,,,
نحن لم نخلق لنعيش الاوهام,خلقنا الله لعبادته ,انتي قلتي انكي انسانه ملتزمه وانا اقول مستحيل ربما مصليه نعم لكن لستي ملتزمه حياتك مليئه بالفراغ العاطفي ,وانتي بكلامك انكي تملين من سوالف صديقاتك ربما لانكي اعتدي العيش بالخيال ولكن صدمتك بالواقع هي التي زادت من حالك
انصحكي بالتقرب من الله عزوجل
اشغلي وقتك بالقران
حددي هدفك بالحياه
اكتبي قائمه واقرائيها بعد كل صلاه وقبل نوم(انا قويه ,انا جميله انا واثقه من نفسي,انا محبوبه,,,,,الخ)
لاتفكري ابدا بنظره الناس لكي بل بنظرتك انتي لنفسك
اجعلي لنفسكي شخصيه ,قولي مايضايقكي للأخرين,فهم لايعلمون مابك
واقرائي عن كتب تطوير ذات
ابدئي ببناء نفسك لابهدمها
ارجو ان اكون قد بينت لك
hanan

هلا حنان ماشاء الله عليك من جد حسيتي فيني وربي اتمنى انك رديتي بعضويه بالمنتدى لكان تواصلت معاك بالخاص لأني بالمره ارتحت لردك
طيب كيف ما اكون ملتزمه عشان حياتي كلها فراغ عاطفي أنا ماانكر اني اشكو من الفراغ العاطفي لاكني الحمد لله مهتمه بأمور ديني كلها والحين بادئه حفظ كتاب الله
صدقيني مو ذنبي اوهم لنفسي هذا الشئ انا محتاجته ومابقدرتي احققه الا بالتوهم انا تعبت وانا احاول ادخل نفسي بين الناس مارضت بي
إن شاء الله راح اعمل بنصيحتك الي ذكرتيها ياقلبي
الله يوفقك ويرزقك من فضله
كلماتك درر تقاس بماء الذهب
الله يجعله في موازين حسناتك