عنوان الموضوع : محتاجتكم الطبيب يجيب
مقدم من طرف منتديات نساء الجزائر

محتاجتكم



مساء الخير لكل اخواتي في منتدى سيدتي ....اخواتي انا حبيت اطرح مشكلتي الي اشوفها كبيرة وايد بعد اتمنى محد فيكم يلومني ولايعاتبني لأنه هالموضوع مو بأيدي ...بس امنى تقدمولي النصح وانا اكيد مالجأت لكم الا لأني عارفة انكم بتساعدوني بعد الله سبحانة ...يابنات انا بنت عمري 20 سنة ....ف حياتي ماتعرفت ع ولد ولا كلمت شباب ولادخلت شات ولا حتى منتديات مختلطه لأن هالشي كله في نظري عيب وغير عن عاداتنا وتقاليدنا....والحين اعمل ف مؤسسه ..وتعرفت ع الشاب صرح لي انه يحبني ..وانا مااكذب على حد حبيت هالشاب وتعلقت فية من اول ماشفتة بس كنت خايفة انه هو مايحمل هالشعور تجاهي ....ولما خبرني بهالشي حسيت بفرحه كبيره ...وطلب انه نتواصل من رقمي انا قلتله مستحيييل الا لما يجي يخطبني لأن تواصلي معاه بس من تلفونات العمل ...بس هو قال انا مااقدر اكلم اهلي لأن عمري 21 وللحين يشوفوني صغير وماكونت نفسي ...قلتله طيب خطوبة والزواج بعدين قال صعب انهم يوافقو ..وابوي يبيني اتزوج من عايلتنا ....بس اوعدك اني اوقف واواجهم ومحد يقدر يفرض سيطرتة علي حتى لو كانو اهلي ...بس ف نفس الوقت خايف عليك انك تتعلقي فيني لهدرجة واذا ماصار نصيب تتعبين ...قلتله انا مااقدر امنع نفسي اني اتعلق فيك خصوصآ انة الحب مو بأيدي ...وانا حبيتة بس موقادره لاني خااايفة كثير اني ماامتلك هالشخص ,,,وعلى كثر الصدق الي اشوفه ف عيونه اخاف انة يخدعني ..وانا يابنات قسم ماودي اهلي يفقدون ثقتهم فيني ولااخونهم واكلمة من وراهم ...وف نفس الوقت ودي هالولد يكون لي واحبة يعني بين نارين ....واخاف انة ابوه مايوافق علي ....والله كل يوم قبل ماانام افكر اقول ليش دايمآ حياتي مربوطة بقرارات من الاخرين ليش الناس دايمآ تقرر حياتي ....يعني ابوه ماشافني ولاشفتة ولامره ولايعرفني بس هذي حياتي مربوطة بكلمة من ابوة ياينهيها او انه يخليني اكون سعيده لأبد ....عمري مافكرت اسوي هالشي انا حاسة بالذنب اخاف اغضب ربي واخون اهلي ودي هالولد يخطبني واكلمة بالحلال .....يابنات محتاجتكم معاي ولاتقولي انتي خنتي اهلك وكذا لأن انا حبيت واعتقد كل وحدة فيكم حبت واحد وتعرف هالشعور ....اردو ردكم ولاتنسوني بالدعاء .ربي يجزاكم الف خير

>>>>> ردود الأعضـــــــــــــــــــاء على الموضوع <<<<<
==================================


بسم الله الرحمن الرحيم
حبيبت قلب شماليه نحب لكن اللي يطق باب اهلنا... من يستحق ان نعلق قلبنا به
الوعود وتاجليها لاتحمي قلبك من الكسر يوما ما..
صارحك 1-اهله يرفضون
2-يبون من عيلتهم
3-يخاف اهله
4-لسى صغير ماكونت نفسي؟؟؟
؟؟؟
يعني مبرراته من اول واضحه لك عشان اذا تركك يقول من اول كلمتك عن اهلي؟؟؟؟؟
اكسبي الوقت لصالحك.. واتركيه...
واضح وضوح الشمس...
سيكون معسول الكلام على قلبك.. ولكنه سم يقتلك بالاخر..
بالتوفيق
اختك شماليه كفو


__________________________________________________ __________

حبيبتي ازا هو صادق رح ينتظرك وانتي انتظريه بس اعتقد لازم تخبري امك ويكون عندها خبر وهي بتنصحك اكييد


__________________________________________________ __________

المشاركة الأصلية كتبت بواسطة شماليه كفو
بسم الله الرحمن الرحيم
حبيبت قلب شماليه نحب لكن اللي يطق باب اهلنا... من يستحق ان نعلق قلبنا به
الوعود وتاجليها لاتحمي قلبك من الكسر يوما ما..
صارحك 1-اهله يرفضون
2-يبون من عيلتهم
3-يخاف اهله
4-لسى صغير ماكونت نفسي؟؟؟
؟؟؟
يعني مبرراته من اول واضحه لك عشان اذا تركك يقول من اول كلمتك عن اهلي؟؟؟؟؟
اكسبي الوقت لصالحك.. واتركيه...
واضح وضوح الشمس...
سيكون معسول الكلام على قلبك.. ولكنه سم يقتلك بالاخر..
بالتوفيق
اختك شماليه كفو

كلامك صحيح
أختي حاولي تنسيه في البدايه بكون صعب ومع الايام بتتعودي
الله يكتب لك الخير


__________________________________________________ __________

بالله يا اختي ما بتشوفي الكم الهائل من التناقضات في كلامه

1- قال عمره صغير ما يعرف يتزوج ولا يخطب والسبب انه مو مكون نفسه وبعدين يقولك ابوه مارح يوافق

طيب يعني على اي اساس يريد يتواصل معاكي اذا مافي هدف اساسا من تواصلكم

2- يبي يتواصل معاكي وبعدين يقولك يخاف تتعلقي فيه يااااااااااا حنون ما دامك عارف انك رح تعلقها معاك على وهم وانتي حتى مو جدي بشئ اذا ليش يريد يتكلم معاكي والا بنات الناس لعبه والعلاقات صارت مثل شرب الماء

3- قالك اهل رح يزوجوه من العائله طيب ليش من اساسه يريد يدخل في علاقه هو مو قدها وعارف ان نهايتها رح يتزوج من عائلته اذا ايش هدفه وبعدين ايش العذر البالي حق كل الشباب انه رح يوقف امام عائلته ليش هل بعد كل كلامه المنتناقض هذا في بشارة خير انه ممكن يوقف امام وجه احد لا ابدا مستحيل الكتاب باين من عنوانه

يا اختي كلامه متناقض تمام ويخوف المفروض تبتعدي عنه من الان وانتي لازلتي محتفضه بقلبك واحترامك ولو فعلا يبغاكي يروح باب بيتك لانه الاختبار الامثل له عشان تعرفي اذا فعلا يحبك او لعب اطفال لو بيحبك رح يروح يخطبك ولو تعذر وناقض نفسه اذا الله رحمك منه والقعود معه مضيعه لعمرك وهدر لعواطفك


__________________________________________________ __________

ياعزيزتي معقول للان ومااستوعبتي انه يخدعك
الله يهديك قولي اميـــــــــن..

اولا.. عمره صغير وصغير جدا وهالعمر لاتتوقعي انه يكون صادق معك ابدا ياعزيزتي هذا سن مراهقه وكلامه خير دليل انه يبغى يتسلى وياك فقط

ثانيا.. كلامه عن ابوه وانه يبغيه يتزوج من عائلته هاللحين بالله عليك انتي وش حسيتي فيه يوم قالك هالكلام معقول ماحسيتي انه يبغى يتسلى وماوراه خير؟؟؟


ثالثا.. حركه الشجاعه اللي يسونها الشباب والله لاأوقف بوجه اهلي والله ووالله ووالخ هذا كلام مفروغ منه وصار ممل لازم ينعاد مع كل علاقه..يعني بـ إختصار جملتين يضحك فيها على عقلك

رابعا.. على اي اساس يبغى يكلمك على اساس انه يبغى يخطبك ويبغى يوقف في وجه اهله والكلام المفبرك ذا؟؟؟؟
ولا على اساس انه يبغى يتسلى ويقضي وقته وياك؟؟؟

اختي حبيبتي انتي لساتك صغيره وبنفسك قلتي ماعمرك كلمتي شباب ووالخ اذن خليكي مثل ماإنتي لاتسمحي لـ هالشاب يضحك عليك لاتجعلي من نفسك عظه بشي محزن لغيرك
خليك عظه بشي مفرح لغيرك وهالشي يكون بتركك لـ هالانسان

اما بالنسبه لقولك [انا حبيت واعتقد كل وحدة فيكم حبت واحد وتعرف هالشعور ]

احب اقولك ان مو كل البنات حبو يااختي لاتعممي الحب الحقيقي الطاهر النقي ياتي بعد الزواج وليس قبله...

واخيرا اسال الله ان يحميك من كيد شياطين الانس
ويسعدك ويوفقك...