عنوان الموضوع : تعبني وتعبته -تم الاجابة
مقدم من طرف منتديات نساء الجزائر

تعبني وتعبته



السلام عليكم
انصفوني وارشدوني خواتي
أنا متملكة من كم شهر ودايم أنا وياه في مشاكل
بقولكم موقف واحكموا
مثلا البيت قالي ماراح أأثثه كله بس غرفة نوم وغرفة ثانية والباقي بعدين ،، أنا اعترضت وقلت مايصير ادخل بيتي وهو مو كامل هذا من حقي
قام عصب وقال انتي ماعندك صبر وتبغين كل شي بسرعة وانتي وحده تحبين المظاهر انتي مو مثل باقي الحريم
بس أنا اشوف هالشي من حقي ومن الواقع الي اشوفه في كثير قالوا مثل كلامه واذا تزوج تماطل في اثاث البيت
وكمان اول ماملكنا وعدني انه يسفرني برا مع اني ماطلبت منه وفرحت وتحمست وبعدين يقولي ماحقدر اسفرك ميزانتيتي ماتسمح ؟؟! طيب ماقلنا شي بس لااا توعدني وبعدين تقولي مقدر ،، وبرضو عصب **علي
الحين قولولي مين الغلطان وكيف أتعامل معاه**
خاصة انه بسرعة يعصصصب ويقلبها علي حتى اخر مرة قالي أنا طفشت منك انتي مزاجية وماعندك صبر وهمك المظاهر لازم تغيرين من طبعك؟؟
وش اسوي معاه تعبني وتعبته**

>>>>> ردود الأعضـــــــــــــــــــاء على الموضوع <<<<<
==================================


اختي,, ارضاء الناس صعب, عليكي من زوجك ومن نفسك وبس, اذا هو مايقدر ياثث كل البيت من البدايه لازم توقفين جنبه, يعني تبغينه يروح يتسلف او يسرق. وبعدين ماله داعي تفرشين البيت كله, لمن يعني تفرشينه,,هو مافيه الا انتي وزجك, يعني حد اقصى غرفة نوم وجلوس ومطبخ.

وبعدين خلي نيتك سليمه, لاتكوني ماديه اكثر من اللزوم, لاتحكمين على نجاح علاقتك مع زوجك بقطعة اثاث,,خلي الحب يكون المقياس الوحيد, فكري في كلامي عدل, وش بيفيدك لو جاب لك احلى واغلى فرش للبيت كامل وعاملك بجفى وكرهك لانك خليتيه يسوي شي غصب عنه. من حقك ان تعيشي سعيده مع زوجك ومن حق زوجك ان يعيش سعيد معك اي شي غير هذا اضربي به عرض االحائط.

لاتزعلي مني بس احس اللي قاله زوجك عنك صحيح, اصحي قبل لا يطيح الفاس في الراس هذا زواج مو لعبه


__________________________________________________ __________

الله يوفقكم


__________________________________________________ __________

حاولي تفهمينه اكثر والله يوفقك ويسعدك عزيزتي


__________________________________________________ __________

بنسبه للبيت المفروض كان ابوكي اشترط عليه من البدايه حتى من قبل الملكه

وبنسبه لسفره برا قولي له بما ان ضروفك الماديه مو زينه بخصوص السفر خلاص وعدك لازال قائم لحين تتحسن ضروفك الماديه يعني متى ما تحسنة ضروفه الماديه سافرتوا



__________________________________________________ __________

وعليكم السلام ورحمة الله
عاادي بالنسبه لموضوع اثاث البيت مافيها شي في ناس اعرفهم شخصيا ماكملوا الاثاث
الا بعد الزواج ,,,ترا تكاليف الزواج تكسر الظهر,,,
فيكمل البيت شوي شوي لاتنسين ان هو بعد بيته ويبيه يكون ب احلى اثاث
الله ماكلف نفس الا وسعها انتبهي يالغلاااا تشدين في هالموضوع
لان مو بس انتي اللي كذا في غيرك وصبروا ونالوا الحمدلله
خليك مع زوجك في كل ظروفه لاتلزمينه وتقولين من حقي
اووكي حبيبتي من حقك يكون لك بيت فيه اللي تبين
بس الزواج تكاتف وتعاون وموده لاتخسرين زوجك عشان هالسبب
ومثل ماقلتلك فيه ناس ماكملوا الا بعد الزواج ..
بالنسبه لموضوع السفر خليك سمحه في التعامل حتى تكوني قريبه لقلبه
يمكن هو نيته خير كان يبي يبسطك ويسفرك واستعجل وقالك قبل يحسب حسابه
وبعدين شاف ان الميزانيه ماتسمح فقالك وكانه يعتذر منك بطريقه غير مباشره
احسن مايجي بعد الزواج ويسحب ويتجاهل فقالك الحين افضل من انك تنصدمين بعد الزواج..
اللي مايقدر عليه راعي ظروفه يالغلااا..
شوفي كم بنت تتمنى الله يرزقها زوج صالح يخاف الله ويتقيه
ومايبون شي ثاني حتى لو يعيشون في عشه
بس يبون الستر والعفاف..
لاتتدققين في هالامور اهم شي اذا هو دين واخلاق ويحترمك فالحمدلله هذي نعمه اشكري الله عليها
ولاتركزين ع المفقود عشان ماتتعبين ويتعب معك خاصه بعد الزواج ..
والف مبرووووك وبالتووووفيق يارب ..


...