عنوان الموضوع : حبيت انسان واتمنى نتزوج بس نفسيتي متدمرة حاسه باموت بليز ساعدوني تعبانة -تم الاجابة
مقدم من طرف منتديات نساء الجزائر

حبيت انسان واتمنى نتزوج بس نفسيتي متدمرة حاسه باموت بليز ساعدوني تعبانة



سلام عليكم ورحمة الله وبركاته
هادي اول مشاركة ليا في اي منتدى صراحة بس انا واصلة لمرحلة ياس ماعمري حسيتها بحياتي ومن جد مرة تعبانه نفسيا حقولكم موضوعي
انا حبيت واحد وليا معاه سنة ونص وهوة كمان يحبني وانا متاكدة من دا الشي انا كنت صريحه معاه في كل شي بحياتي مني عارفة ايش اقولكم بس حبيته وحبني وقولتله يكلم امه
كلم امه وهي انو قعدت تقولو ازوجك وحدة من قرايباتك او شي زي كدة وهو قالها لا ابغاها واحبها ومن دا الكلام وبس
بعدها بفتره قولتله يكلم امه تكلم ابوه وفعلا امه الله يسعدها كلمت ابوه وابوه مو معترض انه يزوجه بس يبغى يسال عننا
المهم بس انو ابوه يبغى يقعد ويتكلم معاه
بس هوة مدري اشبو مو راضي يروح يكلم ابوه ابدا مهما احاول معاه
لانه ابوه شوية شديد وعصبي
والموضوع دحين له شهر والين دحين ماكلم ابوه ابدا ولا اي حاجة والموضوع واقف زي ماهوة
ابوه متزوج وحدة تانية
فانه بيجي يقولي انو عشان ابوه متزوج وزي كدة لمن يجي بيتهم هما بيكون عصبي مدري ليش سبحان الله؟
ودحين يعني الرجال يوم عندهم يوم عند مرتو التانية
فا دحين مر شهر يعني بقولو معقولة في شهر ولا مرة كان رايق فيها عشان تكلمه؟
يقولي لا مو رايق ويقعد يتضارب معايا ويخاصمني ويرفع صوتو وانا من النوع الي دمعتي على خدي بس اقعد ابكي واحرق في نفسي الين نفسيا صرت متدمرة
صرت مني قادره ازاكر انا ادرس بالجامعه دراستي مني قادره ادرس ولا قادره افرح ولا انبسط ولا اخرج من غرفتي ولا حتى الترويش صرت فين وفين لمن اتروح كل يومين وربي مع اني كنت يوميا اتروش بس نفسيتي صارت زفت مني قادره احس باي شي فحياتي وبس ابكي كل يوم ابكي
حاولت اتقرب من ربنا وحاولت اسوي كل شي بس مني عارفه ايش اسوي
عمري مااذيت احد ولا اي شي كل الي اتمناه من ربنا اني اتزوجه
المشكلة انا عارفه انه يحبني بس ايش اسووووي بزبط عشان اخليه يستعجل ابوه ويروح يكلمه ؟ يعني انا حاسه العيلة طيبين الله يسعدهم امه تقولو روح كلم ابوك والاب يعني الحمد لله ماعارض بالعكس يعني بس باقي ان هوة يروح يكلم ابوه ايش اسوي قولولي الله يخليكم انا متدمرة فوق ماتتخيلو حاسه حياتي انتهت ؟

>>>>> ردود الأعضـــــــــــــــــــاء على الموضوع <<<<<
==================================


شوفي حبيبتي انتي كلمتيه قبل الزواج وتقولي لمدة سنه
وطبعا انتي عااااارفه ان هادا شي حراااااااااااااااااااااااااااام
وممكن عشان علاقتكم بالحرام ربي ماراح ييسر الامور
وممكن هو اصلا مايبغى يتزوجك فعشان كدا يقول ماابغى اروح اكلم ابويا
ولو هو يحبك بجد راح يكلم ابوه مهما كان لو ابوه مو عصبي اكتر من عصبي
وتوبي لان هادا شي حرام وبكدا تكون حياتك لو تزوجتيه مبنيه على شي حرام
والله يكتب لك اللي فيه الخير
اعذريني على صراحتي


__________________________________________________ __________

ليش تتعبيني نفسك تتوقعين انك راح تاخذين الامور بالعجله حبيبتي هذي قاعده لك ولغيرك ماراح تاخذين الى الي كاتبه الله لك رضيت او سخطي وبعدين العلاقه اساسا بدات بالحرام مثل ماقالت اختي هل تتوقعين مابني على الحرام يبارك الله فيه والله ولا تزعلي من صراحتي اكثر العلاقات الى كان بدايته حرام انتهت بالشك والطلاق لاتقولين هو مايشك هو رجل عربي وكلهم واحد تفكيرهم واحد اللحين انت تقولين كذا بس بعد الزواج راح تطلع امور كثيره ماكنتي تتوقعينها اعرف وحده كانت تكلم واحد 3 سنين وبعدين خطبها تقول كل فترة الخطوبه صار يشك ويسال وين رايحه ومع مين مع انه قبل الخطوبه كان عنده كل شي عادي بس لما صار الموضوع جد صار يفكر بعقل مو بقلب حبيبتي هو يمكن يحبك بس هذا الحب بعد الزواج بيتحول شك في شك واذا هو يحبك ليش يرفض يكلم ابوه ليش يدور حاجز او عذر
نصيحه لوجه الله لاتعبين نفسك ولا تحزنين ارجعي لله وتقربي له على شان يوفقك واساليه الخيره واستخيره ولاتفكرين اذا كتب الله لك الزواج منه راح تتزوجينه واذا الله ماكتب لكم الزواج مارح تتزوجينه لو كل اهله واهلك موفقين وارتاحي كل واحده بتاخذ نصيبها والله اعرفلك وحده جلست تكلم خطيبها سنتين خطبه بس بدون ملكه ويوم جت الملكه اراد الله انه ماتتم واختلفو على المهر خلاف بسيط بس وكان سبب من الله انهم مايتزوجون وكبر الموضوع وتركها وتزوج من غيرها وهو مبسوط والله مافكر فيها لانه ارتحت نفسين وهي جالسه بخسرتها رفضت المعاريس على شانه وهو تزوج وتركها قال حب والله الرجال عند الزواج يفكر بالعقل مو مثل البنات يفكرو عند الزواج بالقلب الرجال يفكرون انهم يرتحون بزواجهم مايفكرون بالحب مايبي يشك ويتذكر الماضي في كل موقف الرجال ماينسون ماضي الزوجه خاصه اذا كنت تكلمه وشوفي راح يعايرك في هذا الشي حتى لو انه هم مسوي نفس الغلط دايم الرجال يشوف نفسه ملاك وانه مايغلط واذا غلط عادي عنده في مجتمع يسامحه الرجل اما المراه فلها اشد العقاب
وتذكري حبيبتي الرجل دايم يختار زوجته باعقل وليس بالقلب
والله والله والله هذي الحقيقه المره على كل بنات تكلم وتحب واحد تنصدم في واقع تفكير الرجل وهذا السوال انسال كثير من الشباب وكان الجواب واحد لانفكر فيها زوجه يقصدون الى يكلمونها
تقبلي نصيحتي والله يوفقك والرزق مو عنده وحياه مو واقفه عليه لاتزعلين من كلامي اعتبريني اختك


__________________________________________________ __________

سبحان الله وبحمده ..سبحان الله العظيم ..


__________________________________________________ __________

أول شيء حرام الكلام اللي صار بينكم

وأنا للحين اسأل نفسي ومو قادره اتوصل لأجابه ..

اللي هي كيف تستأمن المرأة إنها تتزوج واحد من هذا الطريق ولو كان اللي كان ..


لكن خلينا نكون في صلب الموضوع ..

فمادام حبيبته وحبك وأنتِ موافقه عليه وهو موافق عليك ..

اعطيه فرصه ولا تضغطي عليه وياليت بعد لو تبعدي شوي عنوو حتى يبارك ربنا في زواجكم ..ولا ترتكبوا ذنوب أكثر ..

صرت مني قادره ازاكر انا ادرس بالجامعه دراستي مني قادره ادرس ولا قادره افرح ولا انبسط ولا اخرج من غرفتي

هذا الكلام راح اقولك اجتهدي لكن عني شخصياّ..ما بحب الدراسة ...

ونصيحه كونك تحبين الدراسة ادرسي حتى تخلصي بسرعه وتفضي له ..


ولا حتى الترويش صرت فين وفين لمن اتروح كل يومين وربي مع اني كنت يوميا اتروش

اسألك بالله كيف تقعدين بدون ماتتروشين ..

أنا فاقده هذي النعمة وابيها ..لكن ممنوع عليّ..كوني عامله عملية وفيها خياطه ممنوع تقترب المويه منه

رغم إني كل مانزلت اشتريت ليفه وصابونات لكن مافي أمل إلا بعد أمتداد اسبوع بعد جاي ..

فكيف بالله الله اعطاكِ هذي النعمه وماتستحمي ..عشان خاطره بعفن نفسي ..

لا والله أهم شيء نظافتي ..ومستحيل أهملها عشان فلان أو علان حتى لو كان حبيب الألب ..


نفسيتي صارت زفت مني قادره احس باي شي فحياتي وبس ابكي كل يوم ابكي

ياقلبي ليه اليأس وقطع الأمل في الله ..

مدام الشاب قال أنو كلم أهله يعنو في فرصه أن شاء الله ..وبأذن الله تجتمعوا قريب ..

حاولت اتقرب من ربنا وحاولت اسوي كل شي بس مني عارفه ايش اسوي

يعني الحين ماتقربين من ربنا إلا عشان حبيب الألب . وإذا جاء حبيب الألب ..بعدتي عنوو ...سبحان الله

..


شوفي ياقلبي صدقيني إذا كان الله كاتبو لك وربي ليكون من نصيبك

ولو الله ماكتبو لو حاولتِ وسويتي وهو عمل وسوى ماراح تأخذو إلا اللي الله كاتبه لك ..

قوي إيمانك بربك ..وصلتك بالله حتى تشعري بعظم الراحه اللي أنتِ فاقدتها الحين ..

وربي يسعدك ويفرج همك ..


__________________________________________________ __________

كل الي ردو تسلمو والله يجعله في ميزان حسناتكم اي دعوة طيبة او كلمة طيبة
بس انا والله تعبانه بشكل مو طبيعي انا ابغى اخرجه من راسي بس مني قا دره وعندي اختبارات ومني قادره ازاكر حاسه كل حاجة بتضيع مني ومني عارفه ايش اسوي اليوم كلمته بالموضوع مارد عليا واتخاصم معايا ونام ولافكر يكلمني مع انه ماكان يقدر ينام يوم بدون مايكلمني فجاءة بس عشان فتحت معاه الموضوع نام وسابني وانا قاعدة اكتبلكم وقلبي محروق حاسه باموت ورب الكعبة من القهر وقعدت ابكي كيف اخرجه من راسي من حياتي مشكلتي حياتي مرة مقفلة مافي طلعات ولاقرايب ولاخرجات حياتي بس نت وتليفيزيون ودراسة وقبل دا كلو هوة كل حياتي استناه ليل نهار ماخرج من غرفتي بس عشان اكلمو واستناه يكلمني وفي الاخير نام وسابني ولا على باله وربي باموت قهر ورب الكعبة