عنوان الموضوع : ابوي حالف انه يطلقني من ...؟
مقدم من طرف منتديات نساء الجزائر

ابوي حالف انه يطلقني من ...؟



السلام عليكم ورحمة الله وبركاته
انا متزوجه لي 7 شهور والحين حامل في الشهر الثالث والحمدلله
نجي للمشكله الي من تزوجت للحين اعاني منها وهي اني انا بين نارين ابوي وزوجي ماني عارفه ارضي مين ابوي يحب السلطه يحب يكون متسلط والناس كلها تمشي من تحت رجله وزوجي مايحب احد يزعله او ينكد عليه لانه من حاله في باله يعني ما يدور على احد طبعا ذا الشيء معروف عنه من خطبني وهو ما يسآل عن احد ولا يدور على احد مع ان ابوي الي زوجني عليه وغصبني عليه انا مااخذته على حب بس بعد الزواج حبيته وجاء الحين ابوي بيطلقني منه يعني زوجني على كيفه والحين برضو بطلقني على كيفه والسبب السلاااام يعني زوجي لمن يسلم على ابوي ابوي يتكلم عليه يقوله جيت الحين لبوستك وينزل راسه يلا سلم ابوي ما يمزح يتكلم من جد ولمن يكون زوجي موجود في بيت اهلي واهلي يحضرو العشاء او الغداء ابوي يدخل عنده المجلس ويقوله يلا يلا الاكل وغيره وغيره وهو يتضايق من اسلوب ابوي والله وانا بنته اتضايق من اسلوبه فما بالكم بواحد ما يقرب له
قنعت زوجي وترجيته كذا مره انو يعدل اسلوبه مع ابوي وابوي مو راضي يعدل اسلوبه زوجي رفض يقول انتي ترضين علي الذل ابوك دايم يذلني ويهينني تعبت وربي ماني عارفه ايش اسوي وابوي كل مره يردد والله لااطلقك منه وكل شووي قال لاامي هي مطلقه قلت لا والله انا اخاف من ابوي اسلوبه يخوف متسلط ما اقدر اناقشه عشان كذا كل مره يتمادى يعني والله مبسوطه مع زوجي ليه ابوي واقف في طريقي ماني عارفه
غير كذا انا ساكنه في مدينه وزوجي في مدينه بيني وبينه 600 كيلو اهلي قالو كملي دراسه وبعدين انقلي عنده والحين كلامهم تغير يبغوني اتوظف وبعدين انقل وزوجي بصراحه تعب من الخط رايح وجاي الله العالم امكن تكون نهايته على هذا الخط >> الله يطول بعمره يارب
انا تعبت تعبت من اهلي وماابي ازعلهم للحين سا كته وامشيها لهم بس يوقفو في طريق سعادتي هذا الشيء ماا اسمح لحد عنه بس ماابي ازعلهم وماابي اخسر زوجي
والحين هذا اخر سمستر لي وبعدها اطبق وزوجي يبيني عنده اطبق وانا سويت اجراءات النقل واهلي ما يدرون لاني قبل كذا كلمت ابوي ورفض يقول ذولا ملاعين ويبون فلوسك هذا وانا طالبه لسه ما توظفت الله العالم امكن ما اتوظف بس مصرين على اني ابتوظف لان مجالي طبي والله حتى المكافئه تروح لهم وانا صابره على بالهم ابعطي زوجي والله زوجي مو محتاجها ولا عمره طلبني ريال بس مو راضييين يفهمون
الحين صارت المشكله ثنتين مشكله الطلاق الي كل يوم يسمعني هيه ومشكله النقل الي ابوي رافضها
تكفون تكفون وحده حكيمه وواعيه ولها خبره في حل المشاكل الاجتماعيه والاسريه خصوصا تعطيني حل للمشكله وتقولي كيف اقنع زوجي يساير ابوي عشان انقل مع ان زوجي رافض انه يهين نفسه او ينذل من ابوي وهو حساس جدا وحاط في باله انو بالغصب ولا بالطيب اني راح انقل عنده مافكر في اهلي وانا مااحب ازعلهم
عارفه انو كلامي ملخبط وكثير والله من الحره الي فيني والحيره
ساااااااااااعدوووني

>>>>> ردود الأعضـــــــــــــــــــاء على الموضوع <<<<<
==================================


اسمحي لي اختي بصراحة احس ان ابوك فيه حاله نفسية

موبكيفه يمشيك على كيفه خلاص الحين ابوك مو ولي امرك

خلاص انتي تزوجتي و ولي امرك هوزوجك ابوك شدخله في السالفة

وحرام على ابوك انه يهين زوجك شنوووهوعلى كيفه يمشي الناس مثل مايبي

على العموم الله يهديكم


__________________________________________________ __________

أيش هـذا؟؟ علشان ماتزعلين أهلك تدمرين حياتك؟؟ تذكري انك حامل؟؟ لوظلتي كذا بيطلقك زوجك ومن اللي بياخذك؟؟ بيقولون تطلقت وهي حامل وماصار لها متزوجة سنة اكيد اخلاقها مو حلوة.
انا نصيحتي لك اتركي بيت اهلك وروحي عند زوجك ولا ترى ابوك عارف انو راح تتطلقين مافي انسان يتحمل كذا كيف زوجك يتحمل الاهانات وكل يوم يسافر علشان يشوفك وصابر والله العظيم بس لما قلتي اخلاق ابوك وزوجك كيف متحمل حسيت زوجك محترم واخلاق ويحبك لاتفرطي فيه اهلك مو نافعينك اذا تطلقتي فكري في نفسك وزوجك و انك راح تصيرين ام والمجتمع الي عايشه فيه وبعدين فكري في اهلك ابوك زوجك غصب عنك ماله حق يطلقك هاذي حياتك مع الايام بيتعود روحي عيشي في بيت زوجك احسن ماتوصلك ورقة طلاقك وتندمين ولاتقولين اهلي مااقدر ازعلهم لانهم مارح ينفعونك لا تطلقتي منهو اللي راح ياخذك فكري زين صدقيني روحي عند زوجك استر لك واحسن لك ومنها تبعدين عن ابوك والمشاكل **


__________________________________________________ __________

معروف المشاكل الزوجيه تكبر وتزيد عن حدها بسبب الاهل اذا كانو اهل الزوجه او اهل الزوج وبما انو متزوجين فه المفروض همه فاهمين وقادرين على حل مشاكلهم اذا في مشكله مع زوجها تجلس ويا يتفاهمون
يطول الزعل مو مشكله المهم تنحل بينهم فقط واذا صار تدخل طرف اخر لازم يكون لو من الاصدقاء لو من الاقارب الي يبون الحل مو يوقفون معك وبس

بالنسبه الك اذا زوجك يحبك لا تهتمين لكلام اهلك وبنفس الوقت لا تزعليهم لان هاي حياة زوجيه لو صارت بينك وبينه مشاكل واهلك زعلانين اول شي يقولو قلنالك ومسمعتي هاي اذا قدرتي تروحين عدهم وهمه زعلانين

راح تنجبين تجلسين عند زوجك لذالك انتي خليك على الحياااد

وعشان الطرفين يحس انتي معه استخدمي هل طريقه مع ابوك قولي اله
ايش اسوي زوجي وهذا طبعه والحين حامل اصبر عليه مثل مصبرو البنات
لا تحسسين ابوك انك مع زوجك لان يحس صرتي ضده او لعب عليك

وكذالك مع زوجك نفس الطريقه ابوية هذا اسلوبه ايش اعمل

بالنسبه للراتب كيف يقبلون اهلك ياخذو ميفكرون انو انتي متزوجه
والفلوس تنفع بشي تجمعين وزوجك يجمع وتشترون بيت
او تشترين ذهب يفيدك للمستقبل او تضمنين فيه مستقبل اولادك


__________________________________________________ __________

الله يعينك والله مشكله مدري ايش اقول لك
بس ذكري ابوك انو في انسان في الطريق ويبي امه وابوه مع بعض
ربي يوفقك ويسخر ابوك انتي لا تسكتين قولي انا احب زوجي ولا ابي اتطلق منه
واذا تطلقت بترك الوضيفه وبجلس ف البيت
وذكري ابوك انو الوحده اذا تطلقت بدون عيب ف الزوج ايش عقوبتها ف الدنيا قبل الاخرة


__________________________________________________ __________

شوفي يالغلااااا أنا اقدر اقولك أنك تصلين أخر الليل وتدعين وااكثري من ألأستغفار ....


ثاني شي أذا عندك تلفون ثابت دقي على السنترال وأخذي رقم مستشارين أسريه ....يمكن يقدارون يساعدونك ....صراحه أبوك الله يهديه بألأخير بيندم الله يهديه بس أنتي أنتبهي وتمسكي بزوجك الله لايفرقكم يارب...