عنوان الموضوع : واللي يرحم لي والدينكم ساعدوني -تم الاجابة
مقدم من طرف منتديات نساء الجزائر

واللي يرحم لي والدينكم ساعدوني



السلام عليكم ورحمةة الله وبركاته

انا عندي مشكلةة وكل يوم افكر وخايفةة ومش عارفةة ايش اسوي

يوم كنت صغيره تعرضت للتحرش الجنسي من قبل شخصين ماعرفهم كنت مره صغيره يعني يوم كان عمري 11 او 12 كذا وطلع دم وتألمت شوي
ومن وقتها انا عرفت اني فقدت اغلى شي بحياتي حسبي الله ع اللي كان السبب والحين عمري 19 سنةة وحبيت شخص وحبني والحمدالله مبنيين ع زواج وهو واثق فيني وانا واثقةة فيه واحبه واموت فيه ومستحيل اعيش من غيره المشكلةة هنا انا خايفةة لاتزوجت ويكتشف بعدين اني مش عذراء ويطلقني والله اني خايفةة ع فكره هو يحبني ويموت فيني والله العظيم انه مايقدر يعيش من دوني يتمنى اليوم قبل بكرا نتزوج بس انا خايفةة تكفون علموني ايش اسوي لاتقولو روحي طبيبةة مستحيل ماقدر اصلا اهلي مايرضون اروح ولحالي ماقدر بعد ولا اصارح امي مستحيل وربي هالشي دمرني كل يوم افكر وابكي امانةة الحمدالله انا اصلي وخايفةة ربي وكل يوم ادعي ربي بس ايش اسوي والله شاغل تفكيري هالشي الله يخليكم اترجاكم عطوني حل والله ادعي لها بظهر الغيب
ولا عمري راح انساها
لاتخلوني كذا ساعدوني

>>>>> ردود الأعضـــــــــــــــــــاء على الموضوع <<<<<
==================================


ادعي الله ان يسترك لان مالك ذنب بالشي هذا

ليه ماتشترين بكاره صناعيه ماعندك إلا هذا الحل

اتمنى من الله ان يسترك


__________________________________________________ __________

يوة وانتِ صغيره تحرشون فيكِ طيب كان قلتِ الى امك او....
يمكن لا سمح اللهـ....


__________________________________________________ __________

الله يفرج كربتك
اختي اذا خطيبك فاهم
مو كل البنات ينزل منهم بكاره
والبكاره فقدها سهل باي شكل كانت
ماعليك يالغلا دام ما اغضبتي الله ورحتي انتي برجليك للزنا والحرام
بتتيسر بس اطلبي من الله الستر
واعرف بنات مطلقات بدون عيال جلسو سنة وسنتين عقب طلاقهم وتزوجو ونزل دم تتوقعين انه بكاره!! لا مستحيل
وبالمقابل بنات ابكار تقول مانزل شي
فانا اشوف انك ماتقلقين ولا تجيبين لاحد طاري واسالي الله ابستر واكرر دامك ما اغضبتي الله بالعلاقات المحرمة فبتتسهل لان ماكان احد مع الله وخيبيه،،
هو ملاذنا جميعاً سبحانه**


__________________________________________________ __________

لا تخافي بإذن الله ربي راح يستر عليكي

وبالنسبة انو يكتشف فما اعتقد

هذا زمان كان تفكيرهم انو البنت ليلة الدخلة ينزل منها جالون دم

الحين في تطور فأكيد راح يقرأ عن ليلة الدخلة

فمو شرط انو ينزل دم كثير او قليل



اللهم استرنا فوق الارض وتحت الارض ويوم العرض


__________________________________________________ __________

لا يابنات ترى هالجيل اهم شي عنده هالدم ليلة الدخله
لانهم صارو شكاكين بزياده بحكم الانفتاح والحريه اللي صاير وسهولة اقامة العلاقات
عبر النت والبلاك بيري وغيره من هالوسائل اللي دمرتنا


المهم يالغلا ان شاء الله ربي يستر عليك دامك مظلومة حسبنا الله على هالظالم
وبالنسبه للي يحبك ويبي يتزوجك انتبهي لايكون نفس الظالم بس نسخه ورديه!
الدنيا ماعاد فيها امان انتبهيييييي لاتتكرر المصيبه وهالمره انتي السبب
وترى حرام تكلمين واحد وانتم مو متملكين او متزوجين
خافي ربك كيف تعصين الله وفي نفس الوقت تدعينه بالستر
وانتي تنتهكين ماحرم الله
اقطعي علاقتك فيه نهائيآآ يايجي يتزوجك يامع السلامه اهم شي رضى ربك

بالنسبه للبكاره دامك نزل دم وتألمتي معناته انفضت بكارتك
وممكن ترجع وممكن لآ
انا رائي تقولي لامك معك التهابات وحكه بالمنطقه....... ولازم تشوفي طبيبه
ولما تجي تدخل معك ع الدكتوره ارفضي قولي استتحيييي تكشف علي وانتي موجوده واصري على رايك
ولادخلتي ابكيييي عند الدكتوره وحلفيهااااا بالله محد يدري وان امك برى لو تدري بتعلم اخوانك يذبحوووك الخ
وهي ان شاء الله تتتفاهم وتستر عليك وتقولك ايش الحل اهم حاجه تكون الدكتوره طيييبه ولاتكون نذله
وتسوي فيها انسانيه وحقوق ومدري وشو وتبلغ الشرطه على اساس فيه حالة اغتصاب لبنت! ترى يسوونها بعضهم<<<
::
او انك تصارحي امك اذا كانت صغيره ومو كبيره ومعه ضغط وسكر ممكن يصصير لها شي
وانتي السبب
صدقيني مافيه مثل الام قولي لها وهي بعون الله بتساعدك
الله يستر عليك وعلى بنات المسلمين