عنوان الموضوع : مافهمت نفسي الطبيب يجيب
مقدم من طرف منتديات نساء الجزائر

مافهمت نفسي



السلام عليكم ورحمة الله وبركاته

بصراحه انا عندي مشكله مع نفسي
انا فتاة عمري 20 سنه
مدري وش فيني لازم احر نفسي
واحسس نفسي اني غير مرغوب فيها
وان اصدرت اي حركه من اي وحده افسرها بشئ ثاني ولازم يكون غلط طبعاً وبعدين اجلس اتضايق واذا سألني اي احد مستحيل اقوله وش السبب اجلس اسلك
انا مدري اذا هو من سبب الصدمات والضروف الي واجهتها او وشو
احب اعزل نفسي عن غيري وهذا طبعاً مايبي له سؤال
امي حطتني بمدرسه اهليه وبناتها مايبوني ويميزون
يعني لاجلست معاهم و سولفت تجي وحده فجأه تقول ممكن يا عائشه شويه ابقول لصحباتي سر وكل مره كذا وانا كنت بالليالي ادعي ربي اني ادخل بينهم لأن مالي غيرهم اماشي بس ربي بإذنه يعوضني غيرهم والحمد لله الي صرفني عنهم كانوا يكلمون رجال وكذا
وحتى يوم ان جاو بنات جدد دخلوهم بينهم الا انا ويوم شفت بنات جماعتي سوو حزب ولا تقبلوني وصرت انا انعزل هذا اقل شئ من الذكريات المره الي اثرت في نفسيتي
عموماً
انا اعتدت لى الوحده وصرت انطوائيه وانا ابي هذا الشئ لي
بس الي مستغربني ليه اقهر نفسي لاشفت الناس واحب احسس نفسي ان ما احد يحبني
مع ان مرات لما اجلس واتكلم مع الناس عادي استانس
بس انا بطبيعتي صاااامته ما اتكلم ابداً
انا الحمد لله مهتمه بأمور ديني
بس المخوفني افكاري الغريبه لوين راح توصلني
لعلمكم
انا بالبيت والبيئه الي اعيشها عموماً ماعندي احد يدعمني بالعكس
خصوصاً ان صار هذا شئ معروف عند الجميع اني انطوائيه
انزين انا وش اسوي اذا الناس الي اقابلهم معقدين وينقلبون من نفسهم فجأه الي يشوفهم يقول ذابحه لهم احد
هما الي كرهوني لهم مو انا الي كرهتهم
بس من جد ابي اجابه
انا ليه احب اقهر نفسي واحس اني اتمتع بهالشئ اكثر من اني انقهر
واحسس نفسي بالوحدانيه واني شخص غير مرغوب فيه ومااحد يوثق فيني انا اخاف تتطور هذي الحاله بس مدري
الله يجزاكم خير يالي بتساعدوني

>>>>> ردود الأعضـــــــــــــــــــاء على الموضوع <<<<<
==================================


تعرفين ليش هالافكار والوساوس ماليه راسج لانج تعطين لـ هالافكار فرصه انها تتوسع وتكبر براسج والسبب بختصار هو انعزالج عن الناس مب معقوله اتمين طول الوقت بروحج حاولي تطلعين من هالقوقعه اللي دافنه نفسج فيها

محد يكرهج بس انتي احتمال كبير ما تتفاعلين مع البيئه اللي حولج يعني ما تحاولين تشاركينهم افكارهم نقاشاتهم فاهمه علي

حاولي تشغلين نفسج طول الوقت ابد لا تستلمين للوحده لانها مدمرررره وراح تضيعين احلا سنين عمرج بهالعزله اللي ما لها داعي

شوفي حولج اكيد بتلقين احد من اهلج ولا صديقاتج تشاركج نفس الافكار حاولي تتقربين من الناس وربي راح تتخلصين من كل هالوساوس بأذن الله

وما اوصيج بالصلاه والعباده والاستغفار لانها حل لكل المشاكل


__________________________________________________ __________

اقري اذكارالصباح والمساء ولاتخلين الشيطان يوسوس لك ويهئ لك امورمو حقيقيه الانسان كائن اجتماعي لازم تطلعين وتصيرين اجتماعيه بس تطلعين مع اهلك طبعا الله يوفقك بدراستك ياعمري


__________________________________________________ __________

خليك صديقة امك واخواتك وترتاحين
هم الناس الوحيدين اللي ماراح يفشون اسرارك ولا يضمرون لك الشر
وتقدرين تقولين لهم كل شي وانتي مرتاحة
وهم الوحيدين اللي بينصحونك من قلب مو عشان المصلحة
وهم الوحيدين اللي بيسألون عنك ويخافون عليك لانهم يحبونك
بس صديقات هاليومين بصراحة مالهم امان لان فيه مصلحة وبدون هذي المصلحة انتي ولا شي عندهم للاسف الا القلة منهم


__________________________________________________ __________

عزيزتي اكيد مو كل الناس واحد بس يمكن انتي صادفتي ناس وتعقدتي منهم لا بالعكس زي ما في ناس مو كويسة في ناس كويسة بس لانك انتي اخترتي لنفسك من اول هذا الطريق فالناس يمكن يفكروكي متكبره او متعالية وما تبغي تخالطيهم كوني زي لي شفت اي احد واقف اروح اوقف معو واحس احيانا انو مو مرغوب فية بس عادي اتكلم واناقش واصير احسن صديقه ليهم انتي ساعدي نفسك بنفسك ما في احد راح يساعدك الغلط منك انتي مو من الناس لانك وضعتي نفسك بعزلة اندمجي يا عزيزتي بالناس لانو راح تتعلمي منهم دروس لو بقيتي تدرسي 100 سنه ما رح تتعلميها الا بالاختلاط مع الناس ........... تحياتي لك


__________________________________________________ __________

اشغلي نفسك بأي شئ ثاني
بس لازم تطلعين تشوفين الناس