عنوان الموضوع : ارجوكم ادخلو وابيكم تساعدوني انا بهم كبير الطبيب يجيب
مقدم من طرف منتديات نساء الجزائر

ارجوكم ادخلو وابيكم تساعدوني انا بهم كبير



يابنات املي فيكم بعد الله انكم بتساعدوني وتنصحوني انا عمري 21 اخر العنقود يعني دلوعة البيت تعودت ع الدلع والدلال وإنا اي شي ابيه يتلبى كنت متعلقه بأمي وابوي لدرجه محد يتصورها
امي كانت تأكلني بيدها واحيانا انام في حضنها بختصار كانت امي بنسبه لي شي مأقدر استغني عنه اسراري همومي كلها عند امي لاني كنت اعتبرها صديقتي وكل شي بنسبه لي المهم يابنات امي توفت الله يرحمها تعبت بعد وفاتها وكرهت كل شي ماصرت اضحك ولا امزح ولا اطلع حتى في البيت مع خواتي ماصرت اطلع اسوليف معاهم ع الرغم قبل كنت حدي فيلسوفه وفرفوشه بس بعد وفاة امي تغيرت درجه كبيره حتى ثقه بنفسي انعدمت تزوجت بعد وفاتها ب8 اشهر وكانت نفسيتي مره زفت عشان زواجي تحدد قبل وفاة امي وكنت اتمنى زي اي بنت امها تزفها بس هذا قدر ربي امنت به وقلت يلا يمكن زواجي بيكون خيره وانشاءالله زوجي يجي طيب ويعوضني تم زواجي الحمدلله وزوجي مره طيوب وحبوب بس عيبه بسرعه يتنرفز ويتأثر بكلام اهله مره المهم بعد زواجي بشهر الله رزقني وحملت وبعدها تعبت مره كان الوحام ع شديد خاصة عندي فقر دم ومافي احد اهتم فيني من اهل زوجي لاني كنت ساكنه في جناح عندهم بس بدون مطبخ واهلي بعيدين كان همهم اهل زوجي (غسلتي ملابس نظفتي يلا نطلع) زوجي كان مدلعني لاتقومي لاتتحركي يجيب الأكل من برا بس انا كرهت الأكل الجاهز ودي في اكل البيت وكنت انحرج اقلهم لانهم ماهم من معارفنا ومالي كثير من تزوجت ومطبخهم بعيد كنت استحي ادخله زوجي بصراحه كان مو مقصر معاي اخذ اجازه شهرين ولو انه يشتغل في العسكريه كان يجيب كل حاجه عصيرات طازجه والفواكه وكل شي كان يوفره بس انا نفسيتي معدومه كنت افكر في امي وكيف لو هي عايشه ماكان انا كذا اكيد كانت بتهتم فيني عشان كذا تعبت نفسيتي اكثر مالقيت من ينسيني ويوقف جنبي المهم مرا ع حملي 3 اشهر واهله ساكتين بعدها بدئو يلمحون لزوجي بطريقه غير مباشره كفايه دلع الناس كلها تحمل بس مو كذا تجلس تدلع وانا والله يابنات اليوم لي 6 اشهر وانا حامل لكن بجد حيل الحمل و فقر الدم والنفسيه مأثره علي لان مافي تغذيه ومن يحاول ينسيني بس طراش وغثيان ودوخه وخمول زوجي من الشهر الخامس بدء يتاثر بكلامهم ماصار زي اول اجلس تعبانه لحالي واذا قلت له انا تعبانه يقولي نفس كلام امه الناس كلها حملت مو بس انتي والحين لنا شهرين استأجرنا شقه بعيده عنهم زاروني فيها وكان اسألتهم كثيره ليش ماتغسلين ملابس متى بتبدئي تطبخي طيب مدام زوجي مقدرني اش دخلهم والحين ارتحت منهم بس المشكله انا وزوجي صرنا دايم في مشاكل عشان البيت والله يابنات احاول قد مأقدر اسعد زوجي واعطيه الي يبغاه ع الرغم من تعبي اغسل واكوي والبيت نظيف بس هو خلص حاط في باله انا مهمله مأهتم فيه انا دلوعه مأعرف اسوي شي دايم يسمعني كلام يغثني تصدقون ااذا سألته عن اي حاجه تخصه يقول من حضرتك عشان تسأليني ودايم كذا لأتفه الاسباب نزعل من بعض واذا زعلنا يسمعني كلام سم تخيلو قبل امس قال لي انا مأحبك اصلن كنت اقولها امزح عليك مثلك اصلن من عرفتك ماعد اتهنيت في حياتي وعرفت الهم من عرفتك كان صدمه بالنسبه لي لاني عارفه انه يحبني واذا هدء ماكأنا شي صار ولاكنه جرحني بكلامه بعد ماقالي كذا راح دوامه (هو يداوم في العسكريه اليل يستلم والصباح يرروح)
تصدقون كل مايداوم نادر مايجيلي بيت اهلي الصباح دايم ينام في المركز او يروح بيت اهله ينام وتاركني بيت اهلي تعبانه والحين له 3 ايام لاسأل عني ولا حاجه هذا كله وبابا الله يحفظه مايدري لانه لو يدري ماراح يسكت وانا مأبي مشاكل بس انا خلاص تعبت ماقدرت اتحمل ابي طريقه اتفاهم معه وافهمه وابعد الأفكار الي اهله حطوها في باله انا خلاص ماعاد اتحمل قدرت اتحمل احس حياتي بتنهار وانا مو عارفه اش اسوي ماعندي احد ينصحني

>>>>> ردود الأعضـــــــــــــــــــاء على الموضوع <<<<<
==================================


السلام عليكم اختي هذا تفكييرك عشان العيشه الي عشتيها مع امك تذكري مافيه احد مثل الام الرجال اغلبهم كذا وبعدين مافيه مشكله عشان تنحل لان حلها بيدك وطريقت تفاهمك ويين المشكله تفاهمي معه وبكل انوثه يعني يااختي اذا سالك من حظرتك تساليني ومين انتي ابتسمي وقربي وكانك تبين تحضنينه وقلي انا زوجتك ام البيبي نور عيوننا وبس راااح يرتاح واذا كررها كرريها حتى تلييين النفس اهم شي الانوثه
اما اذا سالوك اهل زوجك قولي ان شاء الله تسكيت وابتعاد عن المشااكل
انتي حساااسه ولم تتعرفي على الحياة كلها بالدز والصبر
وادعي ان الله يسخره لك اللهم امييين


__________________________________________________ __________

ياقلبي انت
انت الحين حامل على حسب مافهمت ؟!!!
الحمل له دور في النفسية وكمان احساسك بفقدان امك له دور وانت فهمي زوجك بالقول والفعل انك يبغالك وقت لين تتعودي على الحياة الجديدة
وزي ما قالت الاخت عيون k
اذا سمعتي من زوجك كلام يزعل حاولي تلطفين الجو ولا تزعلين واما كلمة انا ما احبك تراها من ورا قلبه بس من الزعل تطلع وطبع الرجال مايحبوا يعتذروا اذا اخطأوا!!
واثبتي لزوجك انك ست بيت ممتازة واعزمي اهلة على غداء ولا عشاء عشان يشوفوا انك وحدة سنعة
ومنت دلوعة او مهملة زي ما يقولوا
وفهمي زودك انها هذه فترة حمل صعبة على كل الحريم ولازم يقدر تعبك ونفسيتك وبعدين لاتقوليله اهلك قالوا او اهلك فعلوا لاتجيبن سيرة اهله الابكل خير عشان تكبري بعينه ويزيد غلاك عنده
واهم شي تقربي من الله سبحانه بالدعاء انه يفرج عنك ويهون مصيبتك بعينك
وربي يوفقك ويهون عليك حملك وولادتك ويسخر لك زوجك ويحنن عليك قلبه

موووووفقة يادلوعة


__________________________________________________ __________

حبيبتي الله يقومك بالسلامه انتي بيدك كل شي تقدري تغيري زوجك مثلا اتصلي بيه وقوليله انت ماشتقتلي تعال انا اشتقت لبيتي انسي الدلع والكرامه بينك وبين زوجك وحاولي قد ماتقدري انك تتجنبي المشاكل حتى اذا عصب ماتردي عليك بس ابتسمي ف وجهه بسمه فيها حزن وح تشوفي كيف يرجعله عقله وانتو جايكم بيبي ف الطريق اكيد حيغيرلكم حياتكم وديما صلي وادعي لربي ان يهديه


__________________________________________________ __________

هوني عليك يااختي

مرحلة وتعدي ان شاء الله

انت تحت تاثير الحمل وتبعاتو ...وايضا السنوات الاولى من الزواج تكون فيها نوع من الاختلاف في العادات والافكار ومع الوقت والحوار والنقاش واهم شيء الدعاء والثبات ...ربي يهون عليك ويصلح حالك يارب


ربي يهديلك زوجك ...وحاولي تبادري انت الاخرى وتحنني قلبو عليك وعلى طفلو


__________________________________________________ __________

ياقلبي اولا ابدأي انت فيه اجلسي معاه في وقت روقانه وخذي واعطي معاه اذا مانفع لازم تدخلين ابوك لازم عرفتي
الرجال اذا شافوا الحرمه ساكته استقووا عليها وزودها حتى يعرف انك بنت ناس ووراك اهل
بعدين حبيبتي اضغطي على نفسك وقومي ببيتك كلنا مرينا بهالمرحله
ويمكن انتي من البدايه اعطيته انطباع غلط عنك انك مهمله وكسوله
ياحبيبتي والله كنت اطلق وامسح الارضيه وزوجي يهاوشني وش تسوين الحين خليه قومي اوديك المستشفى هذا مو وقته ،،كنت اجلس ساعتين وثلاث وانا اكوي ملابس عمله
والله حتى جزمة عمله وانتي بكرامه كنت امسحها له
بشكل يومي وانظفها ولا كان عندي شغاله واولادي ورى بعض
لكن الحمد الله عمره ماقالي بيتك وسخ
او انتي مهمله بالعكس كان يشكرني عند اهله من وراي ويشيد بنظافتي واهتمامي
كله بأجره ان شاء الله