عنوان الموضوع : زووووجة ابى الطبيب يجيب
مقدم من طرف منتديات نساء الجزائر

زووووجة ابى



السلام عليكم ورحمة الله وبركاته

اممم الموضع اتكلم فيه عن زوجة ابوووى تعبنا منها عاقبتنا والله عذبتنا

طول الوقت تتهاوش معنا وسب وكلام زى وجهها

والله ماتخاف الله ماتصلى ابد ويوم رحنا للعمرى تهاوش ولدها تقول الله يلعنك ويلعن ابوك اللى جابك تخيلوو تلعن فى بيت الله والناس يلتفتون عليها ويقولون استغفر الله لاحول ولاقوة الا بالله وهى مستمرة فى التلعين وماصلت حتى فى الحرم

وتخيلو تروح لناس وتقول اننا وسخين ومروحين وبيتنا مايندخل

وتروح تكبر اعمارنا قدام الناس تقول انا اصغر من بناته كلهن تخيلوو واكبر وحدة فينا عمرها 24
وطول الوقت تسب امى قدام ابوى وتقول الناس يقولون بناتك شينات
وحنا وجلال الله احلى منها بكثييييييييييييييير
وتقول لابوى انت ورى تعطى بناتك جوال
الجوال مايخذنه البنات اللى ماتزوجن الا علشان يغازلن

زوجة ابوى متخلفه جداا اميه وتفكر البنت اللى معها جوال تغازل الشباب

والبنت اللى شعرها قصير شينة والبنت اللى شعرها يسحب ورها ملكة جمال

تعبنا منها ومن افكارها

وتقول لابوى انت وراك تصرف على بناتك وبكره يتزوجن ويخلنك اصفر على اعيالك بكره ينفعونك تقصد عيالها حسبي الله عليها غيرت افكار ابوى

ابوى صار يفتح جوالنا ويقراء الرسايل حقة البنات ماعمره سوه ابوى ومايتدخل فى خوصيتنا الا بعد ماتزوجها

عطونى حل والا بذبحها
خلاص ماعد اقدر اتحملها

>>>>> ردود الأعضـــــــــــــــــــاء على الموضوع <<<<<
==================================


والله مدري وش اقولك بس انتي امك تقدرين توصلين لها ولالا بعدين انتوا كبار ماشاء الله تقدرون توقفونها عند حدها


__________________________________________________ __________

وقفوها عند حدها كلموها باسلوب واذا مانفع مالك الا الدعاااء

الله يرد كيدها بنحرها يااارب


__________________________________________________ __________

امى حمد لله عندنا

حاولنا نوقفها عند حدها تنادى اخو ال7 يهاوشون ابوى
وكل ماقلنا لها كلمة لو صغيره قامت تبكى واتصلت ع اخوانها يتهاوشون مع ابوى


__________________________________________________ __________

الحل ان ابوك يطلعها في بيت لحالها وتكفكم من شرها وكل يوووم ادعو ربي

قولو اللهم اني اجعلك في نحرها ونعوذ بك من شرها وانتي عاقله ي عسل ماعليك منها والله ان دعوة المظلوم مستجابه وتجنبوها وخلوكم مع ابوكم وطيبو عنده ولا تسببون مع ابوكم مشاكل بسببها وامكم اهم ششي نفسيتها لا تقولون لها ووش تسوي طبينتها لا لان امك مجروحه وما توضح انا مجربه زوجه الاب بس احنا كسبناها وامي قالت لها يا بنت الناس لك بيت ولك حياتك الخاصه وعيالي عيالك وعيالك عيالي وامي احترمتها وربي ان زوجه ابوي التزمت حدودها وصارت تقدر امي صح الغيرة موجودة بس انتم لا يطلع منكم سلبيات بالعكس سوو كل شي زين عشان تكسبونها وحرام اخوك اللي من ابوك ترى مسكين لأن امه قاسيه معه ادعي اخر الليل ان ربي ينصركم على من ظلمكم واهم شي فكري في امك وابوك وكيف تبرونهم وخلوو جوالاتكم بدون رمز سري ومرميه باصاله عشان يعرف ان زوجته كذابه وانتي تقربي من ابوك لأنه راح يفضفض لك الله يرده لكم رد جميلآ .....


__________________________________________________ __________

شوفي زوجة ابوك ما لقيت رجال يشكمها اعذريني ع الكلمه بس وش دخلها فيكم خلاص يكفي انها شريكه كمان جايه تفرض شخصيتها عليكم بقلة الادب لالالالا انتوا كلموها قولوا لها اهجدي واستحي على وجهك احنا زي بناتك والدنيا دواره
وادعوا ربي يكفيكم شرها .......... ياكرهي للشريكه اللي تدخل على اهل البيت وتسوي فيها فرعون وتجي بحقد استغفر الله

وكلموا ابوكم يطلعها ببيت لوحدها ترتاحون منها