عنوان الموضوع : امي ماتبيني ازورها بعد اللي صار الطبيب يجيب
مقدم من طرف منتديات نساء الجزائر

امي ماتبيني ازورها بعد اللي صار



السلام عليكم
كيفكم يافراشات
بصراحه من زمان ودي اكتب عن هالموضوع اللي مضايقني ومحيرني بنفس الوقت
انا لي زوجة خال كانت طيبة معانا اول ماتزوجت خالي وكنا نعتبرها زي اختنا وتعرفنا على خواتها وصرنا نزورهم دايما واكلم خواتها وعلاقتنا مرة قوية لدرجة اننا نسهر انا ويا اختها ع التلفون ونسولف بالساعات ومايمر يوم الا واحنا مكلمين بعض هالكلام زمان لما كنت بالمتوسط ايام المراهقة كان عمري 14 او13 ما اذكر المهم اني انا واختها سرنا نكلم شباب ونلعب ومحد يدري كانت هي تسوي مثلي وهذا اللي شجعني لاني كنت اخاف مرررة ومرت الايام والشهور وانا وهي نكلم بعض وكل وحدة تقول للثانيه وش سوت مع صاحبها كنت طايشة وماحد يردعني امي وابوي مشغولين عننا واخواني مايهتمون ومخليننا على راحتنا نطلع ونروح ونجي محد يراقبنا
المهم صاحبتي اللي هي اخت زوجة خالي راحت وقالت لاختها عن اللي انا اسوي واختها راحت وقالت لخالي وصارت مشاكل وكل اللي بالبيت عرف بالسالفة وقاطعوني اهلي وصارو مايكلموني ويراقبوني طول الوقت واخوي قال لي مافي دراسة خلاص وتحطمت نفسيتي وتمنيت اني متت ولا سويت اللي سويته ولاتعرفت على هالبنت حسبي الله ونعم الوكيل شوهت صورتي قدام اهلي عاد زوجة خالي تقول لي احمدي ربك انو انا اللي عرفت بالموضوع مو زوجات خوالك الثانيات لو وحدة منهم عرفت بموضوعك كان نشرته بكل مكان المهم مرة من المرات تهاوشت اختي الكبيرة معها وراحت زوجة خالي تقول لزوجة خالي الثانية عن سالفتي وزوجة خالي ماشاء الله وكالة انباء اي خبرتسمعه تروح تنقله على طول والله العالم مين علمت كمان
وحنا قاطعناها بعد المشكله اللي سوتها مع اختي اصلا احنا كارهينها خلاص لانها كل شوي تتبلا على خواتي وتمشكلهن بمشاكل كبيرة ماتنقال حسبي الله ونعم الوكيل فيها ومرت 4سنوات واحنا متخاصمين وبعدها ورجعت علاقتنا مع بعض بس مو زي قبل لا صارت علاقتنا رسمية وانقطعت علاقتنا مع خواتها بس والله رجعنا العلاقة عشان خالي صار مهموم وضايق صدرة عشانا قاطعناهم وهو مايبي المشاكل
والحين هي صايرة كل شوي تعزمنا وتجيب لنا هدايا وتحاول تزين علاقتها معنا انا على طول سامحتها بس امي لااا ماعاد تحبها ولاتبيني اروح لها ولا احتك فيها تقول اخاف تميلك بالكلام قلت لها يايمة خلاص الحرمة شكلها ندمانه وتبي ترجع علاقتنا مع بعض وتقول لا خلاص انا موقادرة انسى سوالفها هذي فضحتنا بين الناس
وهي الحين تدور رضانا وودها نرجع زي قبل واليوم صارت سالفة كانت صديقتي عندي واتصلت هي علي وقالت تعالي اسهري عندي قلت لها الحين صديقتي عندي اذا ماراحت بدري باجيك انا وهي قالت خلاص ردي لي قلت اوك المهم هي راحت وتكلفت وجابت فطائر وحلى ودق ولدها الصغير على جوالي وردت عليه امي قالت ماهي جايه ورحت انا رديت عليه قلت بشوف اذا صديقتي مشت اجيكم المهم امي رفضت قالت ماتروحين لهم لو ايش انا هنا عصبت وقلت ليش طيب هذي زوجة خالي مو غريبة قالت انتي نسيتي وش سوت فينا قلت اوكي الحين الحرمة ندمانه وتبي تصلح غلطها قالت خلاص انا قلت لا يعني لا المهم هي جالسة ترسل لي وتقول وينك ننتظرك قلت لها خلاص الحين وقت ليل ومابي ازعجكم قالت لا عادي مافي ازعاج تعالي بس قلت لاخلاص انا اجيكم وقت ثاني المهم هي اصرت اني اجي وانا احاول اعتذر اخر شي قالت خلاص براحتك
انا اللي مضايقني انها تكلفت عشاني واللشي الثاني امي ماودي تحقد عليها والله الدنيا ماتسوى وهي تعدلت وماصارت زي قبل
بنات تكفون قولو لي وش اسوي وهل انا صح باللي اسويه ولا غلطانه
مابي ازعل امي انا متسامحة ومااحقد على احد ومابي امي تحقد والله خايفة عليها

>>>>> ردود الأعضـــــــــــــــــــاء على الموضوع <<<<<
==================================


والله حبيبتي الطيب بهالزمن مع الاسف صار ((اعذريني علي هالكلمة ))ساذج وغبي عند الي تعسامحينهم علي اخطاءهم

فانا من رايي ان راي امك هو الصح وخلي علاقتك بها سطحية وهي غلطانة ماكان المفروض تدخل مرة خالك الثانية فلذلك يااوخيتي خلي طيبتك علي جنب وعاملي الناس تري ماتفيد هالايام

موفقة حبيبتي واعذريني علي النصيحة القاسية بس هذا الي حصل لي بيوم من الايام وطلعت بلا احساس لمجرد اني سمحت وعفوت


__________________________________________________ __________



السلام عليكم و رحمة الله تعالى و بركاته

حاولي تقنعي امك انهآ صله رحم و لا تستطيعين قطعهآ
و انتي حآولي بقدر الامكآن الابتعآد عن الخصوصيآت معهآ
يعني خلي اسرآرك و قصصك الخآصة لأحد تثقين فيه
مثل امك، اختك.....

الله يوفقك يا أختي العزيزة

و دمتي بسعآدة


دَيُوووونهـ||~





__________________________________________________ __________

كلااااااااااااام امگ صحيح


__________________________________________________ __________

اسمعي كلام امك وخلي علاقتك سطحيه جدااااا واللي صار مو قليل وصدقني بكره يصير شي حترجع زي اول


__________________________________________________ __________

حبيبتي كلام امك صحيح لان الناس تبين على حقيقتهه وقت الشدة وهيه لوكانت صحيح مثل اختك كان ما فضحتك من البدايه كوني ذكيه في اختيار الاشخاص الي تثقين فيهم ولا تعطين سرك لاي احد الابعد ان تجربيه بس عامليها بطريقه رسميه وبدون الحديث في الخصوصيات