عنوان الموضوع : اااااااااااهـــ يالقهر ساعدوننننننننني -لصحتك
مقدم من طرف منتديات نساء الجزائر

اااااااااااهـــ يالقهر ساعدوننننننننني



السلام عليكم أخواتي

يابنات انا من البارح مقهورة وابكي من القهر والظلم وبنفس الوقت ابيكم تحكمون مين الغلطان ...!

انا طالبة جامعية وساكنة في شقة وتقريبا اهلي يبعدون عني 150 كيلوووو بس

وهالشقة هاذي انا ساكنة فيها مع بنت عمتي ووحده معانا

المهم اتفقنا اننا مانجيب اي بنت معنا فالشقة حتى ناخذ راحتنا اكثـــر

مشكلتي ان بنت عمتي دايم تنتقدني بشكل مو طبيعي بلبسي بكلامي بشعري بعيوني بجسمي بكككككككككل شيء

ماخلت شيء الا وانتقدته فيني

مع اني ولله الحمد واثقه من نفسي وانا ماينقصني شيء والحمدالله جميلة والكل يشهد لي

لكن كثر الدق يلين الحديد

وانا اسكت وعادي لكن بالمرة زادت عن حدها
لين عصبت وقلت لها انا ماطلبت رايك انتي كل شيء تنتقدين ماعمري شفتك تمدحين
انظري للشيء الإيجابي فيني
وهي قعدت تزعل تقول انتي حساسه وانا صريحه

طبعا انا رديت عليها وقلت لها : كوني صريحه بس بأسلوب ولاتجرحين

المهم يابنات هالبنت هاذي عجزت اهضمها
مع اني انا وهي لنا 3سنوات عجزت احبها من قلب

يعني مثلا ماتحسسني اني اختها بس متكبرة وتنقد وشايفه حالها

واي شيء اسويه لو اروح الحمام تتصل ع امها وتقول لها كل شيء

عجوز عجوووز ماتمزح ماتفرفش ماتضحك دمهااااااا ثقيل

بس انا مستحملتها لانها تقرب لي وانا دايم اصارحها واقول لها تغير من نفسها

وانا والله العظيم اني معها اطيب من اختها الي جابتها امها

بس ليش هالحركات؟

والمشكله الثانية ان جتني بنت تكلمني وهي تبكي ومتعذبه قالت انها تبي

تجي عندنا بالشقة بس مؤقت علشان الإختبارات

لان السكن الي هي فيه البنات يزعجونها وخناااق ومتمشكله معاهم

وفعلا السكن الي كانت فيه انا مجربته قذاااره وازعاااج ورحمتها

وقعدت تقول لي : والي يرحم امك تكفين خليني شوي لما ادبر سكن او شقه

والبنت انا شخصيا اعرفها كانت صديقتي ملتزمه وخلوقه وهالمرة احتاجتني وماحبيت اردهاااا عيييييييييييب

طبعا انا رحمتها + خفت الله فيها وقلت لها حياك الله

يعني مهما كان البنت نزلت كرامتها بما فيها الكفايه حتى تجي يمنا بالشقه وانا قبلت

المهم الا وتجي بنت عمتي تقعد تهاوشني : ليش جبتيها عندنا انا ماابيها _ والله راح تلزق بالشقة وماتطلع احنا اتفقنا اننا مانجيب احد وانتي ليش تخلينها تجي ووووووو..........الخ

انا رديت عليها : حرام عليك هاذي محتاجتنا مو حلوة اطرد البنت وهي بأمس الحاجه لنا لاتصيرين انانيه تفكرين بنفسك فكري بغيرك والبنت اسبوع وبتطلع ماهي مطوله عندنا اتقي الله فيها

المهم كل مااقول لها كلمه تسكت من ردودي احرجهااا

فجاة الا وهي تقوم وتتصل على امها الي هي عمتي وتقعد تحححححرررررررشششششش

المهم مرت الأيام والبنت جبتها وقعدت تدعي لي من كل قلبها

ويوم رجعنا يم اهلي الا وانا انزل عند عمتي والقاها متغيرة علي وماتناديني ع القهوة
انا ع طول رحت لبنت عمتي الثانيه طبعا هي طيبه احسن من اختها بكثير المهم تخيلو ي بنات هي جت وضيفتني وقهوتني وترحب فيني

اما الي ساكنه معي بشقه وحده وعلاقتي معاها زي العسل مااهتمت كسحتني كأني كلبه ولا كأنها تعرفني
وهي وامها يناظروني نظرات كرررهــ



المهم هي طااااااااقه ميته ليش جبت البنت وهي ماتبيها

الا وشوي يتصل علي ابوي ويقعد يقول ليش انتي جايبه البنت بالشقه وسمعتها مي زينه هالحين تتصلين ع البنت وتخلينها
تطلع براااا البنت سمعتها مو كويسه

المشكله ابوي مايعرفها حتى يحكم هاذي عمتي وبنتها حطن فيها العذاريب


وانا هنااا بكييييييييييييت

تخيلوووا بنات تحرش ابوي يعني من وراي وفوق هذا تظلم بنت الناس خلتها انها راعية شباب وانها جريئه وراعية سوالف

وانا انجنيت ليش يظلمن البنت حرااااااااام وربي انقهرت المشكله البنت تصلي وتقيه وانا اعرفها ومتزوجه ومالها بهالحركات

تخيلووو المهم بكيييت عندهم وهي تجي ولا حزنت ولاشيء وجالسه وراء امها (عمتي )

بدال ماتواسيني تناظرني وعمتي تقول : انتي جبتي البنت وبدون اسئذان ومايصير هالبنت سمعتها مو زينه

كككككل هذا علشان بنتها تاخذ راحتها يظلمن بنت الناس بس علشان اطردها

وانا رحت وانا بدموعي تصب صب من القهرررررر

المهم انا رحت طوالي كلمت البنت وقلت لها السالفه كلها : قعدت تدعي عليها وقالت انا ماودي اسبب لك مشاكل وطلعت من الشقه ...!

يابنات وش رايكم بالنذاله انا منجنه مصدووووووومه

انا معاها طيبه ولافكرت اضايقها كيف هي تسوي كيذا معاي

انا قررت اني ماراح اكلمها ولا اعطيها وجهه ولا امشيء معها بالجامعه ع حركاتها معي لاني بجد تعبت

تكفووووووووووووووووووون ودي رايكم + مساعداتكم ابغى اقهرها ابيها تعرف قيمتي

>>>>> ردود الأعضـــــــــــــــــــاء على الموضوع <<<<<
==================================


لاحول ولاقوة الا بالله مو عارفه ايش اقول


__________________________________________________ __________

كبري عقلك ولاتردي عليها ولاتعامليها بالمثل
مرة على مرة رح تمل وتبعد عنك
منشان ابوكي كلميه بهدوء عنك وعن بنت عمتك يمكن يتفهم ومايفشلك مع البنت
الله يهيدكم


__________________________________________________ __________

لا اله الا الله دعوة المظلوم مستجابه لا تنقهرين ولا شي ناس ماتستحي من الله كيف تستحي منك ومن البنت كل شي يهون الا سمعة البنت ليش كذا ماعندهم ضمير الله يكفينا الشر الله يهديهم


__________________________________________________ __________

بنت عمتك مريضه وتريد ان تسيطر عليكي وعلى شخصيتك .. بس اتوقع انك ما راح تقدري عليها لانها تستعمل اسلوب الكذب والخداع الله يكون في عونك وانتي كماااااااااااااان لازم تحكي الى امك كل شي عشان لو سمح الله قالت اي شي عنك امك يكون عندها فكره وتقدر تدافع عنك امام ابوكي والعائله .. الله يكون في عونك عليها


__________________________________________________ __________

شوفي ماعليك منها طنشيها حتى لو كلمتك احقريها ولا كانها الا جدار واذا تكلمت معك
جاوبيها على قد السؤال ولاتمشي معها خليك انتى بصديقاتك ولاتعملي لها حساب
وشدي حيلك في المذاكره وماعليك منهااااااااا ابد وتفوقي عليها بالمذاكره ومثل ماظلمت البنت ربنا راح يوريها ربنا يمهل ولايهمل
وربي يوفقك