عنوان الموضوع : ولدي قليل ادب
مقدم من طرف منتديات نساء الجزائر

ولدي قليل ادب



السلام عليكم

بنات شوفوا لي حل ولدي توه في رابع ابتدائي

و دوم يلاحق بنات خالاته حتى الكبار ويعلق على هذي مكوتها وصدرها

وهذي لابسه ضيق وهذي صدرها طالع

وربي اني ولا بعمري لبست مشخلع قدامه ولا اتكلم قدامه بهالامور

انا ماانكر ان علاقته قويه بخاله اللي هو اخوي

واخوي الحين بسنه رابعه جامعه

بس يعني يقعدون مع بعض ع البلاي ستيشن ويعلمه ع سوالف السيارات

يطلعون يتمشون بالسياره

بس هذا اللي اعرفه

وحتى اخوي نفسه صدق انه مرات يقول خطبولي او مرات يسألني

عن بنات اعمامي او خالاتي وش صار كبرهم ودراستهم

بس ماعنده حركات هنا ولا هنا

و زوجي ولله الحمد ملتزم وبس من العمل الى البيت ومن البيت الى العمل

يعني بعد مو راعي سهرات او طلعات مالها داعي

مدري منين متعلم قلة هالادب

بنات تتوقعون اخوي هو السبب؟

وشلون اعرف ؟؟ والله اني منحرجه من ولدي

>>>>> ردود الأعضـــــــــــــــــــاء على الموضوع <<<<<
==================================


لا ياقلبي ما اتوقع من اخوك لانه ماشاء الله كبير..
اكيد من المدرسه والله هالمدارس تعلم وتخرب بنفس الوقت
انتي ولدك متربي زين لكن في اولاد بالمدارس تربية شواااااااااااارع
كل لفظ وسخ يقولونه وفي هاذا السن شاطر بس يجمع معلومات من اصحابه
زينه كانت او شينه ..
انتي نبهي ولدك ان هالكلام عيب وحرام وربي مايحب اللي يقول كذا ............الخ
والله يعينك


__________________________________________________ __________

يمكن عنده بلاك بيري والله هالجهاز يخرررررررررررررررب

او يمكن الولد متفتح ولا يشوف مسلسلات

ترى عيال هالزمن ماهم زي عيال اول..والله لاحيا ولا مستحا الله المستعان بس


__________________________________________________ __________

لا يا عمري لا تشكي في أخوك الصغار في السن هذه يسألو عن كل شي يختص بالعلاقات والكلام هذا مو بس ولدك بنت أختي كانت تقولي أن صاحباتها في الصف يعملو حركات مرة وسخة وهم ثالث ابتدائي ونفس الشي ولد جيراننا لما كان صف ثاني يقول كلام انصدم أنه يعرفه وكان المصدر اصحابه في المدرسة لدرجة أهلة قررو يغيرو المدرسة

ماعلينا بالنسبة لولدك اشغلي بأشياء يحبها وأطلعوا مع بعض كثير وحاولي تصرفي تفكيره عن هذه الأمور لأن إذا خاصمتيه وزعلتي منه رح تلفتي نظره أكثر للمواضيع هذه ولا تنسي كل ممنوع مرغوب يمكن يسكت قدامك بس ينفتح على الأخير مع أصحابه

الله يعينك التربية ماهي حاجة سهلة بس أدعي ربي يحفظه لك من عيال الحرام


__________________________________________________ __________

الله يصلح اولادك واولادي وكل المسلمين يااااارب


__________________________________________________ __________

ههههههههههههههههههههه كلهم الاولاد كذا >اغلبهم متعلمين هالحركات من زملائهم بالمدرسه
والله اخووي لو تسمعين كلامه كان قولتي ولدي ارحم
عادي ياقلبي كلهم كذا بس انتي حاولي لاتعصبين عليه احرميه من شي يحبه اذا قال كلام وسخ
والله يخليه لك يارب
دعواتك