عنوان الموضوع : متزوجه ولكن تدخل برامج التعارف -لصحتك
مقدم من طرف منتديات نساء الجزائر

متزوجه ولكن تدخل برامج التعارف



السلام عليكم ورحمة الله وبركاته

مشكلتي اهي " حرمة اخوي واختي "
يدخلون برامج التعارف ويتعرفون ع شباب ويكلمونهم بطريقه سيئه
المصيبه ان هالشىء صار فوق تعارف في هالبرنامج الي نفس شاتفيها بالصوت و الله يعلم اذا صور وتلفون .
المصيبه اني كلمتها اهي واختي وقلت لهم وماخليت شىء الا وسويته ومستهمه خبرت امي قالت انا ماقدر اسوي لهم شىء .

حرمة اخوي لا تهتم في زوجها ، ولا تنظف غرفتها ولا تههتم في بنتها و كله علينا نحن . و اخوي كاسر خاطري مب كأنه متزوج نحن نسوي له الاكل و نغسل ملابسه ونسوي له كل شىء .

غير هذا اخوي وانا اعرفه زين و الله العظيم الكل يشهد ان أخلاقه عاليه ما يكلم بنات و متوظف الحمدلله و طيب انا ما امدحه لانه اخوي.

الي حارق قلبي انه يثق فينا ، يثق بلقو يعني مايفتش لاب توبي . ولا يفتش تلفوني ، وحتى يوم اطلع مع صاحبتي وسيارتها كامل مخفي محد يدري من داخل اهو دخل على طول ماراح يشوف مين هذا .

حرمة اخوي نصحتها قلت لها وش تبين من ذا كله !!!!! وش الفايده وناس وصخين استغفر الله !!!! الناس تتمنى تتزوج ، ناس تتمنى عندها عيال ، و حتى في حريم يكلمون امي يبون يخطبون بناتهم لأخوي.

واختي معاها و يتعاونون على هذا شىء ويوم كلمت اختي وقلت لها حرام عليها ليش تساندها على المعصيه ليش ما تتكلم ، قلبها ما يعورها على اخوي خاصه ان في بنات من عايلتنا يعرفون عن حرمة اخوي ويسبون اخوي انه مب رجال ساكت عن حرمته و اهو والله مايدري يمكن ينجن لو درى, غير الشباب الي في برنامج يعرفون من اهي !!! يعرفون بيتنا يعرفون انها متزوجه مين و الله قلبي يتقعطع ان هذا الي يصير واهي لا حياة لمن تنادي حاولت معاها ونصحتها وقلت لها اهلها لو يدرون شو بيصير !!!!!!

واختي مصوره محادثات عن حرمة اخوي ، وقالت لي بكل برود ماحد ماسك علي شىء !!!!!

ماعندي غير دعاء وهو اضعف الايمان
أو اني اخبر اخوي ..؟؟؟ وهاذي فتنه او شو اسوي والله ماني عارفه
اسكت واطنش وهاذيل يلعبون في سمعتنا ..؟ والله ماني عارفه وتعبت

انا نصحتها مره وقلت لها خلاص احذفي البرنامج وقالت لي انزين ، بس قلبي كان ينغزني واشك فيها واقول حرام ، ويوم تأكدت كلمتها مره ثانيه

قالت لي خلاص و قلت كل شىء عندي ونصحتها والحين انصدم انها بعدها

وفوق كل هذا اهي تتكلم عني بالشين!!! يحاولون يسون لي مشاكل مع اهلي ، اختي احلم انها شيطان ، واقول ليش اهي شيطان اهي طيبه وياي
أحلم انها تطعني من ظهري بالسكين , ويوم صحيت من نوم ورحت اشرب ماي لقيت السكين نفسه الي حلمت فيه و بنفس المكان الي اختي كانت واوقفه فيه... اانا ادعي ولا حول ولا قوة الا بالله

>>>>> ردود الأعضـــــــــــــــــــاء على الموضوع <<<<<
==================================


اممممممممممممممممممممممممممممممممم *.*
الله يهديهم
اسألي حرمة أخوج قوليلها ترضى بأنها تكون خاينة لزوجها
اعوذ بالله ... ربنا عطاها كل شي شو تبا زيادة ؟؟؟؟؟
اذا انتي تقدرين تحذفين البرنامج احذفيه
او علمي أخوج بطريقة مب مباشرة
يعني خليه يكتشف الموضوع وكأنه بالصدفة

موفقة


__________________________________________________ __________

قلت لأمي بخبر اخوي يدخل البرنامج ويشوف حرمته واخته شو يسون
والله ماخليت شىء الا وقلت لها فقعت مرارتي

لكن مب نحن نهدي الناس الله يهديهم
إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ


__________________________________________________ __________

الله يستر عليهم ويهديهم عندها الحلال وزين وتروح للحرام


__________________________________________________ __________

ايه والله مرضوني
الناس ماتحمد ربها على نعمه

و ثانيه تشاركها و تساعدها
و لا حول ولا قوة الا بالله


__________________________________________________ __________

انا اقووول تخبري اخوكي هذي لازم تتربى والا تروح بكرا تطلعلكم مع واااحد وتسويها...وتجيبلكم العاااار...اما اختك هدديها انك تعلميابوووكي