عنوان الموضوع : سبحان الله ادخلوا وشوفوا عجائب الله في خلقه وانا فعلا العقل نعمه) -لصحتك
مقدم من طرف منتديات نساء الجزائر

سبحان الله ادخلوا وشوفوا عجائب الله في خلقه وانا فعلا العقل نعمه)



السلام عليكم

اختي عمرها 23 قبل ثلاث سنين لاحظنا عليها تغيرات مثل الشك

وتاليف كلام كمثال تشك انا نتكلم فيها وتقول ان كثير بيجونها خطاب وعرسان وانتم تردونها وتدعي فلان خطبني وفلان يبغاني وكله مجرد تخيلات لافي احد تقدم لها ولا احد تكلم فيها
تسب وتلعن امي وتهاوشنا وتعصب علينا وتهزئني وتقولي انت

عانس وتتكلم علي بكلام باطل وتمدح في نفسها كثير وتتخيل نفسها احلى البنات واجملهم

ماكنا نعرف حقيقة مرضها وكنا نتهاوش معها ونحطمها بعدين

صارت تصارخ ومرات تضحك مع نفسها قمنا ودينها لطبيب نفسي

وقال اختكم مصابه بمرض عقلي(الذهان الوجداني )ولازم تتعالج مدى الحياه

الحين لها سنتين واكثر على العلاج وهذه الايام طاير منها النوم

وتجلس تلف بالبيت طول الوقت لين الصبح وهي تبرم وتلف البيت كله رايحه جايه

واحيانا تضحك مع نفسها ومن غير سبب وكثير تبكي

تحزنا والله تحزن واحنا نفسيتنا تعبت ومرضنا من مرضها

ودينها لشيخ في الطايف قرا عليها واعطانا زيوت وماء وزعفران

ويقول فيها شويه مس لكن الغريب انها ماتنصرع ولا يصير فيها اي شئ اثناء القراءه ولاتتاثر ولاشئ والشيخ كل جلسه ياخذ 100 ريال

وندعي لها ونتصدق والدكتور مصر ان مافيها امراض روحيه وان هذا مرض عقلي

تعبنا من الافتراضات ونفسيتنا تعبت شبابها راح واحلى ايام عمرها

راحت وهي بهذه الحاله تكفون ادعوا لها بالشفاء وتعيش باقي عمرها

مثل البنات الي بسنها اخاف بيوم تتجنن مره وحده

يارب لطفك علينا ورحمتك

>>>>> ردود الأعضـــــــــــــــــــاء على الموضوع <<<<<
==================================


أسأل الله العظيم رب العرش العظيم
ان يشفيها ويرفع عنها يارب العالمين


__________________________________________________ __________

تكفون الي عندها حل تكتبها ولي ماعندها تدعي لها بالشفاء ترى مايضر الحبر ببلاش


__________________________________________________ __________

حاولوا تودونها عن طارق الحبيب يعالج مثل هاالحالات الله يشفيها يارب


__________________________________________________ __________

لاحول ولاوقوة الابالله

يارب يشفيها ويرفع عنها وتقر اعينكم برؤيتها سالمة معافها

انة ولي ذلك والقادر علية

لاتيأسؤن واطرقوا باب الرحمن واكثروا من الصدقة والدعاء


__________________________________________________ __________

الله يشفيها ويشفي كل مريض ومريضه
ولا يحرم كل مريض من شفاء عااجل