عنوان الموضوع : والله اني في هم مايعلم فيه الا الله الطبيب يجيب
مقدم من طرف منتديات نساء الجزائر

والله اني في هم مايعلم فيه الا الله



السلام عليكم ورحمة الله وبركاته

مساء الخير ....
بصراحه هذي اول مشاركه لي في المنتدى وانا والله في حيره مايعلم فيها الا ربي سبحانه
مشكلتي اني تعرفت على شاب من تسع سنوات ومع الوقت تعلقت في هذا الشخص وحبيته وهو بعد نفس الشي حبني
طلب انه يخطبني من اهلي بس انا خفت وترددت وقمت اتعذر له بـ اعذار كذابه بالرغم من حبي له لكن كنت خايفه لين اقتنع هو ان مافيه نصيب
وبعد هو مافقد الامل تزوج من وحده ثانيه مع انه ماكان راضي عن الزواج ومجبور من اهله بس مااستمر معها طلقها بسبب مشاكل كثيره كانت تصير بينهم
ووصار عنده منها طفلين ,, بعد انفصاله عنها رجعنا لبعض واستمرت علاقتنا بالرغم من المشاكل اللي كانت تصير بيني وبينه والقطيعه اللي تستمر شهور طويله الا اننا نرجع لبعض ولاكأن شي صار
من فتره هو فاتحني بموضوع الزواج مره ثانيه وانه مصمم يرتبط فيني انا بالاول ترددت وخفت وحسيت ان الموضوع صعب وكنت دايم اصرف واتعذر وكان هو صابر علي ومتحمل
بالاخير وافقت وتقدم هو وخطبني ولحد الآن الموضوع عند اهلي
الحين بتقولون وين المشكله .. مشكلتي اني خايفه افشل معه وتصير بينا مشاكل مثل اللي كانت تصير ايام المكالمات واتعب وانا والله ماني ناقصه عناء وتفكير
راح عمري وانا تايهه وضايعه ولاادري وش ابي بس اللي متاكده منه اني احب هالانسان ومتعلقه فيه واحس اني ماراح اقدر ارتبط بـ انسان ثاني غيره
خلال التسع سنوات اللي راحت ماعمره شافني ولاطلعت معه كل اللي كان بينا مكالمات طلبني كذا مره يشوفني لكن كنت ارفض وهو كان يسكت ولايقول شي مايبي يضايقني
ودايم يقولي والله اني محرمك على نفسي لين تصيرين لي زوجة على سنة الله ورسوله وانا متمسك فيك طول هالسنين لأني احبك بالرغم اني ماقد شفتك ابد
بنات والله تعبت من التفكير ابي رايكم في الموضوع انا محتاره وكل ماافكر بكلام الناس ان الحب قبل الزواج والعلاقات هي سبب فشل الزواج احس اني بموت من الخوف
الله يخليكم ريحوني واعطوني حل يمكن كثير من اللي بيقرون الموضوع بيقولون مشكله تافهه وهي السبب فيها ليش ترتبط بعلاقه وكذا لكن قدر الله وماشاء فعل وادري غلطانه لكن خلاص حبيته

تحيااتي

>>>>> ردود الأعضـــــــــــــــــــاء على الموضوع <<<<<
==================================


حقول لك صلي صلاة استخارة


__________________________________________________ __________

انتي تحبيه ومنتي مرتاحه له احسن استخيري علشان ما تعيشي حياه فاشلة معاه ولو فيه خير كان صبرت عليه زوجته ام بناته


__________________________________________________ __________

صلي صلات الاستخاره وان شاء الله ربنا يختارلك الافضل


__________________________________________________ __________

حبيبتي نصيحتي انك تبتعديين افضل لك وكمان عنده ولدين يعني راح تقومين فيهم واذا بيوديهم عند امهم كاان بهااا لكن اخاف انك تفشلين اخاااااااااااااااف عليك حيااتي وربي واذا انتي تبينه استخيري وشووفي اللي يريحك
واخاف يقولك بعدين انتي تكلميني ومسويه علاقه وبعد الزواج يبدا يشك فييك حتى ولو قالك واثق وربي ليكون قلقاان عليك وشككاك وغييرة ومدري تفشل او تستمر الزواج معاك وعاه


__________________________________________________ __________

والله ياستي ماادري ايش اقولك بس انا معاكي في كل شي بس الانسان يبغاكي وشاريكي واتكلي علي الله واستخيري ويقولك ماخاب من استخار والاتكال علي الله