عنوان الموضوع : ساعدوني اتمني تنزلو الموضوع ياارب
مقدم من طرف منتديات نساء الجزائر

ساعدوني اتمني تنزلو الموضوع ياارب



انا بقول لكم قصتي وساعدوني رجاااء ما ابغا كلام جارح ابد

انا احب واحد لنا مع بعض 3 سنين المهم انا خلاااص تعبت من الحاله هادي بجد

وامس دعيت ربي من قلبي في صلاة التجهد قلت يارب انا احب فلان واتمني اني اتجوزو بس كرامتي ما تسمح ليا اقول له تعال اخطبني هوا بصراحه اكثر من مرا لمح ليا الموضوع الزواج المهم قلت ياربي اداكان ليا مع فلان خير وراح نتزوج فيارب يسير ليا الموضوع وخليه هوا يفتح معاى موضوع الزواج قبل لا يخلص رمضان وادا كان شر فيارب ابعدوني عني وخليني انساه من حياتي كلها

والله العظيم يابنات انو لمن رجعت البيت وصليت الفجر قعدت اكلمو بي البي بي فتح معاى موضوع الزواج انا ما تتخيلو قد ايش فرحت وقلى انا مستعد اتقدم لكي وكل شي بس المشكله هناا اول شي هوا لسع طالب باقليله 3 شهور وينتهي التطبيق وثاني شي عمرو 21 واخاف ماما ترفض تقول صغير انا وياه قد بعض
خاااايفه مرا من رفض ماما ولو عرفت ماما اني اعرفو لو اموت ماراح تخليني اتزوجو
مني عارفه ايش اسوي مرا

وكمان انا عندي القلب اخاف اهلو يرفضو هوا قلي ان شاء الله لا بس معرف كيف راح تكون رده اهله

وكمان هوا يسكن مدينه ثانيه غير المدينه اللى انا فيها
اخاف اهلو ما يوافقو انا بجد حاسه نفسي مرا مشوشه ساعدوني عطوني حل الله يسعدكم

>>>>> ردود الأعضـــــــــــــــــــاء على الموضوع <<<<<
==================================


اذا لك خير فيه الله يكتبو من نصيبك واذا شر لك الله يبعدو عنك ويعوضك باحسن منو

انتي استخيري قبل اي شي والله يكتبلك اللي في الخير ..


__________________________________________________ __________

انا بصراحه مع الاخت روح استخيري وادعي ربك وهو اعرف بحالك
موفقه


__________________________________________________ __________

اسمعي حبيبتي اولن بسالك انتي واثقة منه احسة مره صغير واخاف عليك بعد الزواج يشك فيك احس مو زين الزواج كذا بعدين في مدينة تانية مصيبه والله اعلم


__________________________________________________ __________

مالك غير الاستخاره وان شاء الله يوفقك الله
واحنه صح بالحب محد يكدر يشوف الصح من الغلط


__________________________________________________ __________

الله يقدم الي فيه الخير
ويبعد عنك الشر