عنوان الموضوع : موضوع محيرني(الزواج عن طريق الخطابة) -لصحتك
مقدم من طرف منتديات نساء الجزائر

موضوع محيرني(الزواج عن طريق الخطابة)



السلام عليكم
كيفكم يابنات
حبيت استشيركم في موضوع شاغلني ومحيرني وابى رأئيكم خاصة بعد ماشفت مساعدتكم للبنات من طيب قلب
اخواتي
انا عمري 25
الوالد متزوج زوجة تانيه والله انها تدور لنا المشاكل وهذا غير انها كل يوم تجيب لنا عرسان اللي حق حشيش واللي مايشتغل واللي واللي
وكلهم تعبانين زيها او اذا جو ناس مو عن طريقها تسوي لنا مشكله وتكنسل الموضوع حسبي الله ونعم الوكيل فيها
المهم
الوالد الله يهديه مايهتم غير بزوجته ويصرف عليها ومدلعها
وعندي اخوان عديمين الفايده ووجودهم زي عدمهم
واحنا مانخرج كتير من البيت وماعندنا معارف ولا نزور احد
وانا على الظروف اللي انا فيها افكر بالزواج(ادري الزواج ماهو حل بس انا ابى رجال يخاف الله فيني يستر عليا مايخليني احتاج لأحد)
المهم
ابى اعرف رآئيكم في الخطابة(مو كل الخطابات مو كويسات ولا كلهم حق فلوس بعضعهم يجمعوا راسين بالحلال لوجه الله)
وانا فكرت اكلم خطابه اومأذون شرعي(في مأذون برضوا يجمع راسين بالحلال)
المهم انتوا ايش رأيكم
لا تجي وحده تقول متى ماجا نصيبك انتظري انا ما اعرف احد ولا اطلع من البيت ومو حرام اذا ابى استر واعف نفسي
في انتظاركم

>>>>> ردود الأعضـــــــــــــــــــاء على الموضوع <<<<<
==================================


طيب حل كويس كلمي خطابه والله يوفقك


__________________________________________________ __________

(انا صاحبة الموضوع)
مشكووووووووره ياعسل
ارجووووكم اتمنى الاهتمام


__________________________________________________ __________

لآأ أنصصصحك لآأ بعدين بيهينك بعد الزواج يقول ليه ما احد خطبك رحتي لخطابه عشان تخطب لك والله بيهينك نصيحتي لك حبيبتي خلك على حالك واصلا الزواج من ناحية الخطابات دايم يفشششل وكل نتآيجه دممماااااااااااااار


__________________________________________________ __________



وعليكم السلام ورحمه الل وبركاته

حياك الله يالغلا
توك صغيره اما ع المشاكل الله يفرج همكم
انتي طنشي
طنش تعش تنتعش ^^
وراح تصير المشكله ذبابه قدامك عادي وسعي صدرك يالغلا



واولا...الله يهدي ابوك وزوجه ابوك ولاتغتابينهم يالغلا سامحيهم لوجهه علشان ربي يزيدك عز

ثانيا...صح كلامك في خطابات يخافون الله سبحانه لكن المبالغ الي يطلبونها خياليه ع حد علمي هذا الي سمعته اذا لقيتي لك وحده موثوقه توكلي على الله

ثالثا...اذا انتي من السعوديه فيه مشروع ابن باز الخيري للزواج
انا صراحه عاجبني وصديقتي لان سوينا عليه بحث وادخلي قوقل شوفي تجارب البنات او ادخلي موقعهم
حتى بالسر الخاطب مايدري انك مقدمه للمشروع انتي حطي طلباتك ووصفاتك وهم اذا لقو دقو عليك وخبروك وبعدين يقولونك طريقه كيف يجيك وتسالون عنه وانتي معززه مكرمه تختارين الي تبينه ولااحد درا ولا سمع ويصير الامر بعدها بين الاهل

وللعلم ... مو كل الشباب الي يقدم للمشروع للزواج فاسدين بعضهم ايتام بعضهم مقطوعين من شجره بعضهم ماعندهم احد او اهل يسال او مايعرفون احد لو يبي يلعب له الف طريقه او بعضهم متعقد من المهور >< ماعنده يبي يعف نفسه

ومثل ماقلت لسى ماصار شي ولا دقينا لان صديقتي تستخير ربها والله يكتب لك و لها كل خير

مو تدعين علينا ههههههه واعرفي يالغلا
نصيبك ماراح ياخذه غيرك وماراح تتركين الدنيا الا وانتي ماخذها رزقكك كامل فتوكلي على الله


رابعا...هذا او ذاك الامر راجع اليك انتي استخيري الله سبحانه وتعالى
والله يرزقكك الرزق الطيب


اكثري من الاستغفار
في مامعنى الحديث((من لزم الاستغفار جعل له من هم فرج ومن كل ضيق مخرج ورزقه من حيث لايحتسب))

وفيه ايات كثيره تتكلم عن فضل الاستغفار

ومن اصدق من كلام الله سبحانه والرسول عليه الصلاه والسلام؟؟

وتفضلي اقري هذا الموضوع عسى الله تلقين فيه طيب الخاطر وفرج الهم يارب

تفضلي..
.................................................. .........................
يقول الشيخ عبد الكريم المشيقح : كنت القي محاضرة عن قدرة الله عز وجل


وبعد المحاظرة إتصلت عليَّ إحدى الاخوات

تقول يا شيخ : أنا مبتلاة بمرض !* قبل ثلاث سنوات تزوجت وقد سافر زوجي لخارج المملكه واتى بالمرض ( الإيدز ) .

وبعد الزواج بثلاثة اشهر تعبت ومرضت ولما ذهبت للمستشفى اخذوا تحاليل مني ومن زوجي وجدوا أنّي مصابة بالمرض الذي نقله إليّ بعد زواجي منه ! .

وتكمل قصتها !.
تقول والله يا شيخ : لنا ثلاث سنوات نذهب شرق وغرب والله أنفقنا مليون وخمسمائة ريال طلبآ للعلاج ولا علاج * وانت في محاظرتك تتكلم عن قدرة الله !!!

قال لها الشيخ أتكلم عن قدرة الله وإني صادق (( لا إله الا الله وحده لاشريك له له الملك وله الحمد وهو على كل شي قدير ))
وقال لها الشيخ : يقول ابن الجوزي رحمه الله (( اعطوا الله ما يحب * يعطيكم ما تحبون * إستجيبوا لله إذا دعاكم يستجيب لكم إذا دعوتموه )) هنا العلاج .

قال لها الشيخ : أريد منكما المحافظة على فقط أربعة أشياء تفعلانها .

قالت إيش اسوي ياشيخ ؟؟؟

قال :

(1) عليكِ في الإسبوع هذا اربع وعشرين ساعة تكوني على وضوء انتي وزوجك * كل ما احدثتما توضئآ حتى النوم تناما متوضأين !.
(2) كل ما فكرتما بالمرض اعطيا الله مايحب ((سبحان الله والحمد لله ولا إله الا الله والله اكبر )) ردِّدَاها خمسين أو ستين مرة على الأقل باليوم
(3) تصدقا لحديث: حصنوا أموالكم بالزكاة، وداووا مرضاكم بالصدقة، وأعدوا للبلاء الدعاء.
(4) اكثرا مدح الله عز وجل


يقول الشيخ : ما هي الا اربعة ايام وتتصل على وتقول :ياشيخ احسُّ اني مرتاحة أدع لي
قال لها الشيخ : أنتي مرتاحة مع الله ! أنتي إدعِ لنا
يقول الشيخ : وبعد خمسة أو ستة أيام أرسلت لي رسالة تقول : ياشيخ إتصل عليّ توي جاية من المستشفى وتقول : إن الدكتورة المشرفة على علاجنا من بداية المرض اخذت التحاليل مني ومن زوجي وذهبت الى المختبر وبعد ربع ساعة جاءت ومعها نتيجة التحاليل * وقالت اجلسا : أريد أن أطمئنكما أن لا أثر للمرض بجسميكما !

لاإله الا الله خمسة ايام * وبأربعة اشياء شفيا من اخطر مرض .

واليكم القصة الثانية التي يرويها الشيخ عبد الكريم المشيقح ؛

يقول : إتّصَلَتْ بي فتاة تقول : ياشيخ كنت على إتصال مع احد الشباب قبل الزواج واعطيته صوري
والان اطلب منه الصور ولكن رفض ان يعيدها يقول لي : لن اضرك بها ولكن خليها عندي ذكريات !!!
طلب منها الشيخ أن تعمل نفس الاشياء الاربعة الّلي بالقصة الاولى
وبعد ثلاثة ايام اتصلت على الشيخ قالت : ياشيخ يقولي لو ماتطلعين معي افضحك بالصور !
قال لها الشيخ لا تكلمينه وخلي اتصالكِ بالله وكمّلي ما قلت لك عليه * هذا الشيطان شافك قربتي توصلي قام يوسوس لكِ .
ويقول الشيخ : والذي نفسي بيده ماهي الا اربعة ايام وتتصل عليّ الاخت من مكة المكرمة وتقول
ياشيخ والله اني بالحرم ومعاي الصور واني ادعيلك ياشيخ .

أحبتي بعد هذا ماذا ننتظر ؟

يقول الشيخ عبد الكريم المشيقح : تغلبوا على همومكم ومشاكلكم بذكر ربكم وابشروا والله بالفرج القريب
أين اصحاب الحاجات ؟
أين الذين يحلمون بالاطفال ليلآ ونهاراً ويصرفون على ذلك المبالغ الطائلة ؟
أين من يريد السعادة بالحياة ؟

أين من يريد التوفيق بالدراسة أو الوظيفة ؟
أين صاحب المرض الذي حرمه مرضه لذة النوم ؟
أين ... وأين .. وأين ؟

والله كلنا ذو حاجة وفاقة ومشاكل وهموم * ولكن لن تدوم دامنا مع الله " إعرف الله في الرخاء يعرفك في الشدّة " واسطته أقوى من أيّ واسطة أخرى

أخي القارئ : لا تهمل هذه الرسالة فيها طريقة علاج مهمه قد يحتاجها شخص يهمك أمره لا سمح الله فتنصحه بها....


لأني أحبببببببببببكم أول من جاء ببالي أنتم
توني قريتها الحين وربي وقلت لازم أبداء أنا واخواتي سواء أنا ببداء بإذن الله من الحيييين
.............................................
جزاء الله الاخت خير الجزاء


والله يوفقكك ياختي

فمان الله


سبحان الله وبحمده
سبحان الله العظيم


__________________________________________________ __________

ربي يوفقك ويسهل دربك ويحقق لج ماتتمني ي صاحبة الموضوع

بصراحه كلام اختي سر ابوها

روووووووعه ومنطقي ويرد الروح ويشرح الصدر
ربي يجزاها خيرر ويسعدها
وربي اني ارتحت من كلامها
وتمنيت لو اني اعرف رايها بموضوعي >>زواجي من شيخ

ربي يسعدكم جمعيا