تعقيب : ضربت زوجي -تم الاجابة
عنوان الموضوع : تعقيب : ضربت زوجي -تم الاجابة
مقدم من طرف منتديات نساء الجزائر
تعقيب : ضربت زوجي
السلام عليكم هلا خواتــــــي
أنا صاحبة موضوع ضربت زوجي ورديت هناك وقلت اللي صار بس حبيت احطه بموضوع لحاله
هذا موضوعي القبلي
ضربت زوجي
بقولكم اللي صار بالتفاصيل , ومشكووورات مرة ثانية على وقفتكم ونصايحكم لي
الحمد لله ان إحساسي ماكان خايب وزين أن أغلبكم وقف معاي وأيد فعلتي ونصايحكم عالعين والراس
إن شاء الله ماراح أعيدها مرة ثانية وبحاول أمسك أعصابي أكثر =)
أمس جانا عالفطور وفطر مع الوالد والرياييل
وأنا فطرت مع الوالدة وخواتي
وعقب الفطور ولما رد من الصلاة قالتله أمي أني بغرفتي ولو يبي يكلمني يروحلي فوق
المهم طق باب الغرفة وقلت منو , قال أنا
سكتت شووي عقب قتله تفضل
دخل وقفل الباب وقعد عالكرسي وأنا كنت قاعدة عالسرير
قالي شلونج , قتله زينة , شخبارك انت ؟
قال شوفت عينج ريلي اليسار متعورة شوي بس الحمد لله على كل حال
اهني فكرت كنت بقوله تستاهلبس قلت أكبر عقلي واحنا مو بصراع
فقتله : سلامتك ماتشوف شر
قال الشر ماييج
وسكتنــــآ ومرة لحظة صمــت عقب تحجى هو
ضحك وقال : ترى البوكس ماعورني المصيبة بالرفسة هههههههههههـه
طالعته وابتسمت ابتسامة خفيفة
قلتله لو ماعزمنا ربعك لو ماصار اللي صار
لو مامرضت أنا لو ماصار اللي صار
لو ما عصبت وتفهمت مرضي وتعبي لو ماصار اللي صار
لو كنت نفس قبل تساعدني لما الخدامة تكون محد لو ماصار اللي صار
لكن "لو" تفتح باب الشيطان واللي صار صار ولازم نفكر شلون نتفادى
هالشي بالمستقبل لو بنرد لبعض يعني
قال : أكيد بنرد , لايكون ناوية تهدمين كل شي , هذي عاصفة وبتمر إن شاء الله
وأنا اعترف اني غلطت واني البادي , انا بصراحة مادري شلون كفختج يعل ايدي الكسر
قلتله اسم الله على ايدك , خلاص انسى اللي صار
بس اللي ابي اقوله لك ان قبل اول ايام زواجنا لما سافرنا وماكان معانا خدم
كنت تساعدني لما اكون تعبانة وماتقصر , وعمرك مامدت ايدك علي وكفختني
كل اللي كنت تسويه تلوي ذراعي عالخفيف واعصب وازعل منك وتجي تراضيني
بس ولا مرة كفختني , شحدك تسوي جذي ؟؟؟ هانت عليك العشرة
قالي : ممكن تنسين اللي صار ونفتح صفحة جديدة , وقام باسني على راسي
ضحكت انا وقلت شقالولك يدتك
هني ضحك
وقمت أنا حبيته على راصه وقتله وحدة بوحدة ^_*
قال يما منج كل شي تحسبينه وحدة بوحدة هههههههههههـه
وقالي صافي يا لبن
قتله حليب يا قشطة
وقالي يا الله نروح البيت , قتله بصراحة الحين الخدامة محد واحنا برمضان
وشغل البيت شكثر يمكن ما الحق صراحة وهو يدري من يوم تزوجنا اني متعودة عالخدم عندنا 3
خدم وعند اهله خدامتين وجابلي هو خدامة بس الحين هي مسافرة ,
وانا امشية اموري بدونها بس عقب المشكلة اللي صارت صرت اخاف
ما الحق عشغل البيت وما ابي ارد بدون خدامة يمكن المشكلة كلها
صارت بسبة هالشي واحنا مو منتبهين لهالنقطة
عاد هو كان وايد مصرنرد بيتنا وقال نفطر يوم عند هله يوم عند هلي ويوم انا اسوي الفطور
المهم بالاخير تصالحنا ولله الحمد , ولما ردينا البيت حصلته يلق ويلمع ,فديته جاب خدامة من
بيتهم تنظف البيت وسواها مفاجأة وقال وربي الشيطان شاطر هوشة ما تستاهل والحلول كلها بايدنا
قلت له خلاص انسى لاتفتح الموضوع وتكدرنا , تبي اسويلك لقيمات
هههههههههههههههههـه
والحمد لله عادت المياه إلى مجاريها والله يلعن الشيطان والله أنه شاطر , وتسلــموووون كلكم عالوقفة
واللي حبيت اقوله انه كلش ما اهتزت صورته قدامي ولا احسه انسان ضعيف مثل ماقالو بعض الخوات
بالعكس كبر بعيني وايد يوم شفته ندمان ويعتذر ومعترف بغلطه ,
وللحين ولا واحد فينا يقدر يناظر الثاني عين بعين كل منا مستحي من
اللي سواه هو واضح انه ندمان ليش انه مد يده على مرا ضعيفة
لاحول ولاقوة , وهم انا ندمانة ومنحرجة ليش اني ضربت ريال شطول
وشعرض تبارك الرحمن ولا معضل بعد هههههههههههـه
اللي ابي اقوله يا حريم لاتسكتون عن حقكم لو انهنــتو , احترمو
ريايلكم ايه لكن الكرامة أحمر بالخط العريض , الله يسخر لنا ريايلنآ
ويارب نعيش معززين مكرمين تحت ظلهم وننهان من العالم كله إلا
منهم
وفقكم الله لما يحب ويرضى ورمضان كريم علينا وعليكم
>>>>> ردود الأعضـــــــــــــــــــاء على الموضوع <<<<<
==================================
سبحان الله وبحمده
سبحان الله العظيم
__________________________________________________ __________
الله يوفقكم ان شاءالله ويخليكم لبعض
__________________________________________________ __________
ياااااااااه,,اه بس
يالله وربي احسن انه فلم رومنسي,,
الله يقطع العزوبيه الي تسوي كذاه..
الله يجمعكم علا خير.. ولا ينساني
__________________________________________________ __________
واواااااا الله يخيليكم لبعض يااااااااااااااااااااااااارب ويخليلي زوجي ولدي ودايم يحبني ومايشوف غيري وياك اميييييييييين
__________________________________________________ __________
طيييييييييييب يا حظكم فف2 !!
رد مع اقتباس
