عنوان الموضوع : معي حقي ببغضي لجدتي او لا؟؟؟؟ -لصحتك
مقدم من طرف منتديات نساء الجزائر

معي حقي ببغضي لجدتي او لا؟؟؟؟



السلام عليكم ورحمة الله وبركاته:
بلييييييييز يالاداره نزلوه باسرع ووقت وقسم بالله العلي العظيم اني باامس الحاجه للمساعده
بقول لكم قصة حياتي باختصار واسمحوا لي لو طولت
اببتدي من بداية حياتي كاي طفله بحضن ام وابو وجدتي من ابوي وعماتي وعمامي
المهم ابوي متزوج امي عن حب من طرفه اما امي عادي بالعكس تقول كنت احسه اخوي لانه كان عايش عندهم لفتره
المهم تزوجوا وانا البنت البكر لهم وفيني عرج خلقي وقزومه بس اجنن حليووه <<فديتني
طبعا تعرفون عادات اول كل العايله وعيالها وزوجاتهم سوا
بس جدتي وعماتي حسسسسسسسسسسسسبي الله عليهم
اقسم بالله عيشوا امي عييييشه سوداء وكان يحرضون ابوي عليه وهو بحكم انه كان صغير كان يطيعهم احيانا لانه كان عمره 20
والله العظيم اني اتذكر يقول لامي اذا دخلوا بالغرفه وش تبيني اسوي انتحر
هاذي امي
وقسم بالله كان يحلف لامي انه شاريه ويبيه ولعيونه قدم على بعثه لامريكا وجت بس جدتي من الحسد حلفت مايروح له
والله كل شئ تبلوه على امي
خصوصا جدتي حيه من تحت طين عقرب سوداء
تخيلوا يابنات انه زاعلت امي لفتره ليه ؟؟؟لان امي اصرت اني ادخل المدرسه ولان عمتي بعمري جدتي ماتبيه تدرس وتقول لا تدرسين بنتك لاني مااحب المدرسه
طيب وش دخل امي بك ؟؟؟><<<
ازيدكم من الشعر بيت لين قبل فتره وهي تمشي وتقول اعاقة بنت ولدي <<اللي هي انا
سببها ان امها ضحكت بواحد اعرج <<<تكذذذذذب امي حلفت لي تقول كنت اضحك على كلامه لانه فرفووش
المهم وصلت جدتي لمبتغاه وامي معه بنتين وحامل وزوجت ابوي
وحاول ابوي يرجع امي بس امي قالت ابي بيت لحالي
وابوي وافق <<بس جدتي حلفت لو حط له بيت ماتسلم عليه
وامي اصرت على موقفه وطلقها ابوي وهي حامل بالبنت الثالثه
طبعا عشنا عيشة ذل عند خوالي من حريم خوالي مع ان وحده منهن عمتي
<<<جدتي ام امي بعد تقهر تعرف عمايله ببنته تروح تجيبه لبيته ؟؟؟؟؟؟؟
المهم امي تزوجت فقيير بس طيييييييب والله العظيم خوالي وعمامي يجيبون لنا الصدقه حتى جدتي ام ابوي من زود النذاله
مرت سنين وايام سوووووداء من الفقر ننام جوعانات وابوي واهله متنعمين
وجدي ابو ابوي كان عايش وعادي عنده الوضع <<<اقول لكم شئ يوم توفى مثلت اني حزنت وانا بداااااخلي عااااااادي جدا بالعكس فرحت لاني شفت الحزن بعيون عماتي الشريرات وانحرموا ابوهم مثل ماحرموني انا وخواتي من ابونا
المهم زوجة ابوي طلعت شررررررررريرة وطلعت لجدتي قروون <<<ربي بعد حيي
والله انه تخوووفه <<<حق امي
وزوجت جدتي ثلاث من عياله ووحده اردى من الثانيه وعياله اردى من بعض
مايامرون على حريمهم عشانه ابدا
طبعا عقب هالسنين الحمدلله وضعنا تعدل ونقلنا لمدنيه كبيره وصار لنا بيت ملك وتحسنت اوضاعنا واخذنا حريتنا بعيد عن هالحاقدين ومراقبتهم
<<تصدقون انهم صكوا اختي عين لانهم يشوفونه دايم على الباب يوم انه صغيره تاكل فواكهه وتشرب عصير
وكررهت كل انواااع الفاكهه واللبن والعصيرات المفيده واي شئ مفيد والتمر <<بالله هذولا اهل <<هم اغنياء بس بخلاااااااااااااء
وانا الحمدلله من سنتين توظفت معلمه <<<وهنا انصدموااا
لانهم حساااااد باختصار
طبعا من اول مابعدنا بديره ثانيه وتحسنت اوضاعنا وساءت معاملة حريم عمامي لجدتي وهي حاسه بالذنب تجاه امي لانه اضطرت تتزوج عقيم مع ان عمره كان 29 <<<تخيلوا حرمووها الضنا
وكل مانجي تقول ماحملت امك والله اني ادعي لها <<عاد انا الله خلقني غير امي قوويه وااخذ حقي ارد على جدتي واقول تاخذ ضناه وحقها يوم القيامه امي مايضيع على الله شئ
وتسكت جدتي <<تدري اني اقصدها
امي طييييييييييييييييييييييييييبه جدا والله العظيم هي اللي تدفعني اني اوصل عمامي وعماتي وجدتي
اما ابوووي رجع يحن علينا <<<وش عقبه هالحين والله لو يموت اتوقع ماابكي
لااحد يلومن بعز حاجتي له مالقيته
بعز الفقر ابوي غني
يتيمه وهو عايش
بعز حاجتي ان احد يعزز ثقتي بنفسي كان يستهزاء بمشيتي قدام زوجته
هالحين اذا طلعنا للقريه نروح لخوالي <<<لازم اشتري لامي قطعة ذهب جديده وهنا قسم بالله يموتون قهر
اخر موضه طلعو به يقولون الذهب انتهت مووضته امي بطبعه تسكت عاد رديت عليهن قلت اللي مايطول العنب حامضن عنه يقول <<خلن العيال اللي تقهرن امي انه ماجابتهم ينفعونك طاروا بحريمهم ونسوا امهاتهم
ووحده من عماتي زووجه خلاه تشوف نجوم الظهر ووتزوج عليه ويهجره بالاشهر والثلاث ولاعدل بالمصروف<<<حوبة امي
وعمتي زوجة خالي صارت تدق لامي التحيه تدرون ليه لان مره واحد من عياله ارسلته امي وعيا قام خالي واعطاه كف
وفوق هذا خالي يقوم لامي عن المركى ويجلسه بمكانه ويركبه قدام معه
ويأخذ شوره واذا سلم عليه يحب راسه
ودايم يقول لعياله امي وعمتكم اولى بالبر والطاعه مني انا وامكم
ومره نزل عطر جديد وغااااالي مره راح وجاب لامي منه لانه يعرفه تموت بالعطر <<اتوقع عمتي ماتت قهر
<<<الله يخليه لانه ملتزم حييل ماشاء الله تبارك الله
اوصلكم للزبدة مشكلتي قبل شهر كنا بزواج وحاضرينها كلنا طبعا جدتي ام امي فيها سكر وجاء وقت العشاء وانا معي الانسولين ولازم اعطيه وصرت ادور عليه بالصاله ووبرا بالحوش ومعي الابره لجدتي <<<وجدتي ام ابوي جالسه وعنده حرمه تعرفه قالت لجدتي ام ابوي بنت ولدك تدورك بتعطيك ابرتك قالت لا هاذي لام امها انا مافيني ضغط ولاسكر<<<ومن يومها وهي مررررررررررريضه جدا
ودخلت المستشفى اللي بمدينتنا ولايعرفون احد غيرنا <<<تخيلوا من صار يجيب له القهوه امي <<<ايه امي وتسوي له جريش وهريس ورز مسلوق ومره قرصان ومره مرقوق ومره شوربه
وش تحس به امي مااادري<<<عاد هنا جدتي وعمتي اللي معه اللي هي زوجة خالي طااااااااااااااااااااااحت وجيههن اقسم بالله جدتي قامت تبكي وتمسح دموووعها
فتره وهن بالمستشفى وطلعن ورجعن للقريه ومن يومين صار لها مووعد ولانها حييييل تعبانه صارت سلسلة مواعيد وعياله مايبون يستاجرون له ويجلسون عنده لانه مايبون يتركون زوجاتهم
عاد جت عندنا هي وشغالته وعمتي <<<وهنا بدت معاناتي
ياعالم اقسم بالله مااقدر اطالع بوجهه اكرررررررررررررهه اي اكره جدتي حرمتن ابوي
مااقدر مع انه ماتقدر توقف لازم تقوم معه الشغاله وعمتي
بس انا ماحنيت عليه بالعكس وودي تكتمل فرحة عيدي بموووته<<الله يخليكم لااحد يدعي علي لكن كنت طفله وهي بذرت الحقد داخلي
واليوم ماافطرت معه لاانا ولا خواتي قسم بالله ماقلت لهن شئ بس هن قالن لا نفطر مع عمي <<زوج امي ابرك لنا من فطور معهن
هالحين وانا اكتب الموضوع اسمعه تستفرغ ولارحت له مااقدر اخاف اضحك
ولاقمت ولاشفت وش صار له <<بس عايشه
والله العظيم ادري انه ندمانه بس قلبي مليييييان عليه غصب اقسم لكن بالله العلي العظيم وانا صايمه مااذكر انه حبتن او حضنتن وانا طفله
مااذكر جابت لي شئ وتجيب لاخواتي ليه لاني عرجاء عاد وغصب عنها اشرفه واشرف قبيلته
هالحين سؤالي : هل تعتقدون اني حقووده وشلوووووووووون اقدر اتخلص من هالشئ اللي جواتي ؟<<<وعلى فكره انا حييييييييل عاطفيه وقسم بالله ارحم القطوه وملتزمه ولله الحمد ودمعتتتتتتتتتتي حيييل قرررررريبه يعني قسم بالله قلب مو حجر وقسم بالله ان لو وحده من خواتي او امي يجيه صدااع ماانام من الهم وامي مااقول له لا لو تقول طبي النار طبيت
وبلييييز ادعولي اني اتزوج لان عمري 26 وذبحنن بالشماته والهمز واللمز وانه المدرسه ماياخذه الا اللي طماع به حسسسسسسسبي الله عليهن
واعتذر لكن من كل قلبي اذا كلامي ملخبط ومو مرتب بس والله العظيم من الحيره

>>>>> ردود الأعضـــــــــــــــــــاء على الموضوع <<<<<
==================================


حسبي الله عليهم من اهل الله يستر عليك وعلي امك امك زي طيبه ويجوزك ياعمري


__________________________________________________ __________



__________________________________________________ __________

اذا كنت مؤمنة فقولي اللهم لا شماتة
والمسامح كريم


__________________________________________________ __________

ماادري الي فيكِ مو حقد الا اكبر

مالومكَ بس اعتقد ان المسامح كريم

لازم تنظفي قلبكَ واي شي يصير لكم منهم قولي حسبي الله

خلي قلبكَ ابيض ..


__________________________________________________ __________

الله يكوون بعوونك ياحيااتي
والله باين انك طيووبه ماشاالله
واللي بقلبك من حقد وكراهيه هذا مو منك
ولا هو من طبعك بس شي نشأتي عليه مالك ذنب
فيه الله يوفقك ويسعدك والله الدنيا راايحه
مو باقيه لحد
ادعي ربي يصبرك ويلين قلبك
لان مو من طبعك الكراهيه
والله يزووجك عاجلا غير اجل
مايجي العيد الا وانتي فبيت زوجك والسنه
اللي بعدها وانتي معك نونو حلووو
زيك
بس نصيحه:
الزمي الاستغفــار
تحيااتي::
بنتـــي حيـــاااتي