عنوان الموضوع : شتمني
مقدم من طرف منتديات نساء الجزائر

شتمني



انا بنت ملكة واحب زوجي مره وهو بعد
تواصلنا يومي يعني اظل اكلمه بالموبايل 3 او 4 ساعات
المهم نختلف ونرجع نتصالح
بس بدون غلط او شتم
هذيك المره اختلفنا حيل وكلمني بطريقة ناشفه
فقلت له انت كذا شوي شوي تطلع من قلبيهو عصب علي
وقالي انت وحده تيسه وروحي بستين داهيه
وانا ماني الاولي معاج والله لاخليج تندمي
ع هل الكلام
انا انصدمت انه قام يضرح بصوت قوووووي جدا
ويقفل السماعة وارجع اتصل بس علشان اهديه
شوي
بس هو يصرح مثل الاطفال
ويقول لي صوتك ينرفزني
قمت ابكي يقولي انت وحده كذابه
روحي قولي لاهلك او اهلي
الي تبغيه سوي
قتله انا مو من النوع الي اطلع مشاكلي بره
بعدين وره 3 ساعات كلمته وقلت له
احبك والله
فقام هو وطلع الي بقلبه قال انا كيف كلمتك كذا والله اني خجلان منك
واعتذر كثير حتي انه قالي ابوس رجلك سامحينيوانا انهديت بالبكي
قالي انا زعجتني كلمتك كثير
انا قاعد اطلع من قلبك
المهم وانا يابنات بكيت بكي وهو شوي ويبكي واعتذرر
كثير كثير
وحسيته ضعيف جنبي
وتراضينا وعدني مايعيدها
وقال اني بنت محترمة وصبورةةاني احلي هدية له من ربه
بس الحين يابنات شنو تنصحوني نرجع زي قبل اكلمه واضحك
ولااثقل عليه
لان بصراحه اليوم كلمته بس 3 دقايق وع الناشف
احس قلبي معصور بعده
ابغي رايكم تكفون
ايش اسوي

>>>>> ردود الأعضـــــــــــــــــــاء على الموضوع <<<<<
==================================


الله يسعدك ويوفقك بحياااااتك



انا اقووول خففي مكالمات


ومدامه اعتذر خلاص لاتعقدين الامور


__________________________________________________ __________

اسمعي دامة اعتذرانسي االي صار ولاكانة صار ولاتنسين انك انتي الي بديتي تثيرين اعصابة كيف تقولين لة بديت تطلع من قلبي شوشوي بصراحة تزعل انتي لويقولك انتي يافلانة والله بديتي تطلعين من قلبي شوشوي اكيدبتزعلين وبتفكرين انة شايف لة شوفة وبياخذك الشك صح ولا لا وبعدين الشتيمة الي سمعتيها ردفعل للكلام الي قلتية حاولي تعتبرينها زلة لسان وانسي مادام اعتذر واحس بغلطتة والله ياقلبي بعظهم تاخذة عزة النفس حتى لوهوالغلطان مستحيل يعترف بغتلطة حاولي تتذكرين لة الكلام الحلو فقط وانسي هذي الغلطة ودمتي بسعادة


__________________________________________________ __________

والله خايفة عليكي الله يستر من دا البني ادم استخيري ربنا مرة كتير والله اقلك انا مجربة موضوع الشتايم اساليني اكتر وحدة حبيت واحد سنين واول مابدا موضوع الشتايم سوا زي زوجك وقعد يتاسف ويقلي ابوس رجولك والله ماكزب نفس الشي مرة سوا نفسه بريئ بس اليوم اقرب شي انشتمت انا واهلي وكل شي لاني من البدايه سامحته زي المشكلة انك سامحتيه بس نصيحتي لو سواها تاني والله صدقيني والله حيسويها اكثر من مرة انتبهي يابنت الناس انتبهي وربي اسوء شي واستخيري والله يوفقك يااااااارب ويهديه لكي ويحببه فيكي


__________________________________________________ __________

بوقت الملكة احلى المشاعر بين الوزوجين

حبيبتي انا شكلك صغنونة لسا
الشتايم محد يرضاااها ابدا ابدا ومدامة تاسف مشيها بمزاجك بس كوني حاطة بعقلك طريقة تصرف لو عادهااا -----------

واما المكالمات 3 ساعات لا الثقل زين واالله الثقل زين ياحلووووووة
يعني وش بتقولي له تقرير كامل عن حياتك
----------- حبيبتي كلمية مرتين او 3 بالاسبوع وبس
واختصري
وبنصحك نصيحة اول 3او4 شهوور من زواجك او اكثر
لما تتزوجي باذن الله وتروحي تسيري على اهل زوجك خليكي مستحية او قليلة كلام وبس مستمعه بس وخير الكلام ماقل ودل فهمتي - حتى تفهمي شخصياااتهم صح
عشان تعيشي بسلام وراحة بال


__________________________________________________ __________

اه ياخواتي والله أني مضايقة
احس قلبي معصور
أنا جرحته اعترف بس كيف يقول عني تيسه وطز فيج
والله لاوريج نجوم الظهر
ايش اسوي اخفف المكالمات أخاف يقول بعد ني زعلانه ايش اسوي