عنوان الموضوع : تطلقت وانا نفساء الطبيب يجيب
مقدم من طرف منتديات نساء الجزائر

تطلقت وانا نفساء



السلام عليكم
انا متزوجه من 7 سنوات وعندي اطفال
وقبل اسبوعين ولدت وانا عند اهلي وامس زارنا زوجي يسلم علينا
ماكان بينا شي وسولفنا وضحكنا وانتهت الزياره ب ( فلانه انتي طالق )
الحاصل اني من ثلاث سنوات مسجله في منتدى مختلط فيه شباب وبنات ولسوء الحظ انه منتدى قبيلي واهل زوجي وربعه مسجلين فيه
وانا ادخل واشارك واضحك واسولف ويعلم الله اني ما كونت علاقات وغرامات مع احد
مجرد سوالف وضحك لااكثر ولا اقل

لما زارنا زوجي كانت بنتي قاعده عنه ومعاها تلفوني
وللاسف انا ادخل للمنتدى من تلفوني وكانت صفحه المنتدى موجوده ماسكرتها
اخذ التلفون زوجي ولاول مره قعد يفتش فيه
دخل على الرسايل الخاصه ودخل ملفي وقعد يقرا ردودي
فاجأني وقال: ليش تسوين جذي انا شسويت لج ليش تخونيني
قلت والله ماخنتك ولا اعرف غيرك وانا والله ماخنته ولااعرف غيره
واللي بالمنتدى مابيني وبينهم غراميات مجرد سوالف
طلقني قبل لا يطلع من الباب ومشى

بعدها صارت بينا مسجات وانكرت ان النك لي وان النك لوحده غيري بس انا ادخل واقرا بس
زوجي مصر انه يبهذلني وياخذ عيالي مني ويعلم اخواني
انا ابيه يتركني بهدوء ويستر علي بس هو اصر انه يفضح فيني
وانا والله مو قصدي اخونه ولا اكون علاقات مع احد وغلطتي الوحيده اني دخلت منتدى مختلط بدون علمه




ياناس ابي حل .....
انا ودي ارجع له واتعهد اني ما ادخل للمنتدى مره ثانيه
بس انا خايفه لو رديت بيظل يشك فيني
انا بعيش لعيالي ابيهم يكبرون قدامي انا وياه وهو يدور له حرمه ثانيه
او ان هالطلاق يمر بسلام وبدون شوشره وكل منه يروح في
طريقه

للعلم هذي اول طلقه لي
وانا احبه زوجي وقايمه فيه وقايمه في عيالي
ولاطرا في بالي ان اللي اسويه خيانه
بس شلون الحين صار هالشي ممسك علي واخاف يعيش طول عمره يشك فيني

طولت عليكم بس اعذروني وساعدوني تكفوووون
**

>>>>> ردود الأعضـــــــــــــــــــاء على الموضوع <<<<<
==================================


الصراحه أنتي غلطتي من الأول تدرين بمجرد ماتسولفين مع شباب حتى لو الكلام عادي حكمه حراااااااااام
أنا من رأي تعلمي واحد من أخوانك تـفهميه وهوينادي زوجك وتتفاهمون جميع ومن ناحية الشك أكيد بس تحملي
والله يعينك


__________________________________________________ __________

زوجك تسرع لما طلقك وانتي بصراحه غلطتي انك دختلي مادام ان زوجك عقليته مقفوله كذا المفروض تجنبتي المشاكل بس هوه كمان غلط الطلاق موحل هذا الموضوع مايستاهل الطلاق وضياع بيت واسره يستاهل عقاب مو طلاق واعرف كثير حريم يشاركوا في منتديات قبليه وفيها جماعتهم وزواجهم يعرفوا وعاااادي اما انا زوجي مانعني حتى ادخله الله يهديه لك ويشرح صدره ويرده لك ردا جميل


__________________________________________________ __________

الثلاثي المرح
والله اني في لحظة طيش ماكنت مستوعبه ان اللي اسويه حراااام
هو قال بيكلم اخواني وانا بنكر قدام اخواني لان مو من صالحي اعترف

والله يعدي هالايام على خير


__________________________________________________ __________

حبيبتي انتي كلميه وفوضي امرك لله وابكي واحلفي له ع القران انك ماخنتيه ابد بحياتك وقوليله انك لوتعرفين ان هالشي بيسبب طلاقك ماكان دخلتي بس لانك واثقه فيه انه مابيسوء الضن فيك وانه واثق منك فانتي دخلتي وحاولي تكسرين قلبه بعياله كيف يتربون بعيدين عنك والله يلين قلبه وترجعين له


__________________________________________________ __________

امين ياعبير الروح والله اني متحسفه وندمانه