عنوان الموضوع : حماتي تريد قتلي ...بلسانها السام -تم الاجابة
مقدم من طرف منتديات نساء الجزائر

حماتي تريد قتلي ...بلسانها السام



السلام عليكم ورحمة الله وبركاته

سيداتي مالي غيركم و ماعندي اخوات أشكيلهم إلا أنتو فبليز ساعدوني
المشكلة كالعادة حماتي و الله ما شفتو مثلها .. ساعات طيبة و ساعات والعياذ بالله أخاف حتى أطلع بوجهها
و لما أقول طيبة أقصد بها إنها بترحمني ساعات من نكدها وزنها الدائم و لعبها بأعصابي.. و شو ماسويت بنضرها و لا شي .. تدرون البيت حاملتو انا لوحدي على أكتافي و ما بتساعدني بشي و بتبرر هالشي بأنها مريضة بالسكر أو أيدها بتوجعها ..
و الكارثة إنو ما بطلب منها تعملي شي .. بس تعمل إشيا بسيطة لحالها .؟؟.. بس هيا دايما تستنى مين يسويهالها و على فكرة حماتي معايا بالبيت و عمرها قريب من ثلاثة و ستين بس لما يسألوها الناس بتقول تسعة و خميسن .. دايما بتحاول تصغر حالها قدام الناس..
و الله حالتي النفسية صارت في النازل كل الي بعملو فنظرها غلط.. كل الى بعملو بالبيت من شغل و طبخ و كمان الضيوف ما بيخلصو .. بحس ساعات اني أنا الضيفة مو هما؟؟
بنات .. أنا بصلي و بقرأ قرآن ليرتاح بالي .. بس ما بعرف شو بعمل معها .. بتعاملني منيح أدام الناس و بناتها لبان أنو انا السيئة .. و بيني و بينها الله العالم الكلام السم الى بتقولولي...هالمرة مرضة بفقرات ظهري و طلب مني الطبيب عدم حمل الأشياء الثقيلة و عدم الوقوف كثيرا بالمطبخ .. بس هي قالت قدام الناس إنو مو السبب عمل البيت لأني ما بعمل شي .. ؟؟ كنت رح موت لما سمعتها بتقول هيك .. و صرت أبكي و بقول رح إنشل او يصير فيني شي و هي بتقول ما بعمل شي..
الدكتور حدرني لو بقيت على هالحال رح يصير فيني شي ... و لما قلتلها هالكلام صارت تتمسخر علي و تقول هالدكتور كذاب و ما بيعرف شي..
و الله رح موت من كثر كلامها الجارح .. على فكرة مو أنا بس كمان زوجي ساعات بتقلو كلام بيكون رح يجن بس بيسكت و ما بيقول شي..

كذا مرة قلت إنو بدي عيش لحالي بس زوجي ما يقدر يترك إمو لحالها .. وتدرون شو قالتلي .؟؟ قالت إذا بدك تروحي لحالك روحي بس إبني بيظل هون ... و إذا إبني راح معك رح إغضب عليه و ما يشوف وجهي لموت

كيف برأيكن هالكلام ؟؟ و الله إنصدمت فيها ..
لما بروح لمكان قريب دايما بتحاول تشكك بالمكان الي رحت فيه يعني بالتلميح قدام زوجي .. بس هوا بيثق فيني و بطلع دايما بعد ما أخد إذنو
و خصوصا أنو انا مابطلع من البيت أبدا الى كل كم أسبوع او لما بروح لأهلي كل أسبوع ... أو هالأيام لأني بمشي نصف ساعة باليوم للعلاج

بس أنا بعرف هدفها بدها تخرب بيتي و تفرقني عن زوجي و إبني الي عمرو ثلاث سنوات.. و حتى هو ما سلم من لسانها على طول بتصرخ فيه و بتقلو قليل التربايه حتى لو بس قلها سبيني أروح.. لما تناديه أو شي هيك .. بتصرخ فيه و فيا و فأبوه...
حتى الناس العاديين بتتشاجر معاهم على أبسط الأمور و كمان بناتها بس ساعات لما تنرفز .. بس أنا على طول لأني بوجه المدفع .. كل الغلط علي و كل العيب على حتى أمي صارت أبدا ما تزورني من كلام حماتي الجارح دايما..
على فكرة بالأول ما كنت أرد عليها لما تهيني و تصرخ في وجهي بس اليوم صرت برد عليها و بقولها دايما ليش بتعامليني هيك .. ؟؟ و بتقلي انتي الى مو مثل مابدي .. كان بدي إبني يجبلي مرا لتخدمني و تعملي الي بدي ياه و تشيلني على راسها و تسافر معي لبناتي (ما أترك زوجي لحالو) .. و يا الله أكثر من هيك ؟؟ شايلا بيتها و ناسها و بناتها لما يجو و ضيوفها على راسي و مو معبي عينها .. بدها تقتلي و موت لترتاح؟؟
زوجي مو عارف شو يعمل .. أنا على طول ببكي و حزينة و بشكيلو كثير .. و حماتي دايما بتهددو بمرضها و بسكري و بتقلو لو صارلي شي بتكون مراتك .. و أنا دايما بعيد عنها و بتفاداها لما بشوف بوجها بخاف و برجف .. و ما بحب أكون معاها بنفس الغرفة لأنو دايما بتخلق مشكلة من الهوا حتى على الأكل .. بظل تصرخ على التكييف الى فغرفتي إنو بيكلف كهربا و كمان الفرن و حتى أدوات المطبخ .. بدها ياني كل شي أعملو بإيدي مثل زمان...
و الله تعب و رح موت من نكدها على طول ..لما تعمل شي بتعطي زوجي فلوس لأشتري لأبني شي ..أو بتعطيني كمان بس شو ؟؟؟ بضل شهر بتذكرني بيه و تخبر كل بناتها .. كأنها أعطتني مال قارون رغم إن فولسها دايما بشتري بيهم شي للبيت مثل صحون او شي ؟؟
و أنا ما بقدر ردها لما إجرحها بس هي عطول تجريح.. و ما بتعترف بهالشي .. بتقول إنو هي المضلومة و أنا الظالمة .. بس دايما بقولها حسبي الله و نعم الوكيل..
حنى لو جبتلها شي بتحطو عاجنب .. ما تلبسو ابدا و دايما ظالمة زوجي الي بيعملها كل شي و ما بيردلها كلمة .. بس هيا مو مقدرة
بدها الناس يعاملوها مثل الملكة و يشيلوها على راسهم
و الله تعبت ليش هالذل لمرأة ما بتقول حتى شكرا أو كثر خيرك أو الله يعطيكي العافية على تعبك .. أبدا ما بتقولها .. بس بناتها لو عطوها كاست مية بتظل تمدح فيهم للصبح

بليز بنات عارفة إنو طولت عليكم بس لاقولي حل كيف أتعامل معاها ؟؟
أما فكرة إكسبيها بالمعاملة الطيبة .. و الله حاولت مليون مرة بس كل مرة بندم ليش حاولت أقرب منها لأنها بتجرحني أكثر و بكلام أقوى و ساعات بتحرجني قدام الناس..
صارت نفسيتي تعبانة و أخاف أعمل شي تنتقدني عليه بدون سبب .. لما تدخل مكان أطلع منو و لما تطلع أدخل..
بلييز لا تتخلو عني


و الله رح جن او موت بسببها صرت عصبية لأقصى حد و لأبسط الأمور بسببها.. ما عدت أتحمل كلمة منها
أنا بموت موت بطيئ
ليش الحموات ما بدهم ولادهم يكونو سعدا ؟؟ ونا وزوجي سمن على عسل بس بسببها بتصير جحيم الحياة معاها

أنا بستنا نصائحكم

لا إلاه الا الله محمد رسول الله

>>>>> ردود الأعضـــــــــــــــــــاء على الموضوع <<<<<
==================================


لا حول ولا قوة الا بالله ولله ما عندي حل بس ما حبيت اطلع بدون ما ادعيلك انه الله يفرج همك......
ان شالله البنات يفيدوكي


__________________________________________________ __________

شوفي يالغاليه...

لوزوجك عندوه امكانية جيبي شغالة ولايهمك كلامها

لاتستفزينها ولاتتحسبين قدامها خليها بسرك مشان ماتحقد

عليك اكثر انا ياعزيزتي اعاني نفس معاناتك مع اهل زوجي

وألواااه ألوه ع ظلمهم ومسوين انفسهم اني ظالمتهم بس من

فترة وجيزة تعلمت فن التطنيش وربي ياغاليتي اني اسمع

الكلمة واسوي نفسي قوية وانهم وكلامهم مابيهموني وانا من

داخلي منهارة بس مابحب انو يحسوا بضعفي مشان مايتمادوا

والحمدلله علاقتي بزوجي ممتازة وهالشي مضايقهم ودائما

بيسبوني عند زوجي ولانوه بيدافع عني صاروا يعاملوه وكأنه

مجرم

خليها ع ربك ياعزيزتي لو احكيلك التفاصيل كان قلتي فعلا

من شاف مصيبة غيره هانت عليه مصيبته ماقول الا الله يفرج

عني وعنك وعن كل مبتلاه...


__________________________________________________ __________

ما بعرف ليش الحموات بس يزوجوا ولادهن بتصير الكنة شغلتهن وعملتهن .. يعني بالعربي معظم الحموات هيك ومين عارف يمكن لما نكبر ونزوج ولادنا ممكن نصي متلهن لانها القصة بتصير عقد نفسية ههههههههههه ومتوارثة بمبدا متل ما عاملتني حماتي بعامل كنتي .
والله يا اختي كلنا هيك عانينا وما زلنا نعاني وقليل تلاقي كنة وحماتها متفاهمين حتى لو كان العكس الحماة منيحة والكنة لا قليل جد نلاقي انه في توافق
كل اللي بقدر قلك ياه طولي بالك وطنششششششششششششششششششي
ما الك الا التطنيش اولا كرمال صحتك وتانيا كرمال زوجك ولا تنسي بان رب العالمين فوق وحسناتك بتزيد على قد صبرك من يوم ورايح شو ما قالت لك قولي لها حاضر .. ومعك حق .. وبتموني .. وانتي متل امي .. وكرمال عيون زوجي .. و.و. وحاولي انك تقولي هالحكي قدام زوجك لانها بوقتها رح تحس قديش هي ظالمة وقديش انتي خلوقة وطبعا هالشي ما رح يرضيها انها تطلع ناقة ومفترية قدام ابنها فيمكن تتغير شوي وما يهمك شو ما حكيت للناس عنك بالنهاية العالم الهن عيون ومخ وبيعرفوا يفرقوا والقصة كلها بتكون مجاملات ولو اعطتك فلوس اشتري لها فيهن هدية بوقتها خليها تعرف بانه فلوسها رجعت لها وما لها اي منية عليكي اما بالنسبة لتعبك فانتي ارتاحي ونظمي وقتك وما عليكي منها اذن من طين واذن من عجين صدقيني السكوت واللامبالاة بهالامور بتجبريها تتحسن الله يكفيكي شرها ويهديها يا رب


__________________________________________________ __________

ياحبيبتي لاتخليها تعكرررررر صفووووووو حياتك أعتبري كانها مو موجوده ولاتشتكي لزوجك
من أمه لانه بداخله ماراح يرضى عليها لانها امه وانتى لك الاجر وماتدري هي السنه هذي معاكي
ياعالم السنه الجايه تكون موجوده اولا ولو صارلها شي زوجك ماراح ينسى انك كنتى تضايقى منها
حتى لو كانت سليطة لسان المهم كبري راسك منهاااااااااا واذن من طين واذن من عجين
واقرئي سورة يس في صدر النهار وادعي الله ان الله يفرج همك وربي ان شاء الله يستجيب لك
تقبلي ودي وورودي


__________________________________________________ __________

حبيبي كل الحموات هيك
بس ماقلتي زوجك ليه مايفاهم مع امو
وانتي عاد البر ثم الصبر ثم الصبر
وربي بي اعوضك انشا الله لما
تموتتتتت